給考K1而準備的你們

sw_2013

第一項我囡囡已唔得... 無辦法, 個樣生成惡C能登, 叫佢笑佢先會吱出"懶"可愛的傻笑... 難怪未得女龍校垂青

貝珠

1. 如果要家長填問卷（事前交果種），真係要比心機填，學校是什麼style , 就要講返啱聽的。2. 有d學校，只看小朋友表現，家長就完全不好插手，答一句都唔好。3. 一張可愛的相片有助增加call waiting 機會

HappyCheerBaby

回覆 puichingforsure 的帖子

有時，學校唔收你小朋友，唔係小朋友問題，而係冇校車服務或校車去唔到所屬地區。

vpo0615

怕醜嘅小朋友註定無運行......但其實小朋友怕醜唔係罪, 唔係病, 更加唔係父母管教有問題.......小朋友怕醜係先天嘅自我保護能力, 但喺呢個幼稚園要面試(甚至要SECOND IN)先俾OFFER嘅年代, 即使小朋友去到陌生地方,有一個陌生人問佢嘢令到小朋友唔敢SAY HI, 都足以令到佢無咗一個讀書機會......

vpo0615

考K1仲有一個難度, 好多9月B/10月B 嘅家長本身讀緊K1都諗住再考K1, 想REPEAT......於是中B/細B機會又渺茫咗.......唔係話討論REPEAT啱唔啱, 但無可否認超大B/大B相對地响各方面嘅表現都會好D......

vpo0615

我知道樓主小朋友係細B考到你最心儀嘅龍校, 我相信樓主真係好好心機教導小朋友呢!

whitepurin

其實考k, 大b加唔怕醜就好大機會，但呢兩樣都基本上係先天注定，真係同叻唔叻無咩關係

whitepurin

我大女中b(8月）加內向，考k1一敗塗地，細女超大b（12月）外向，今年考k1雖不至於大獲全勝，但都有不錯offer, 同意不是大b一定易有offer, 正如之前講，性格係另一因素，而咁細個，其實係好難教的，好似我大女細女咪又係咁教，但大女係唔肯出聲就唔出聲（但其實佢係好文靜好乖），相反細女肯答問題夠反應（但其實佢好巴渣唔係好聽教），就有好成績，所以你話呢d係咪先天因素為主。細b如夠外向係ok架，但如果extreme d 12月b係好難鬥囉，始終差一年，定性好多，識嘅嘢點都多d

hha

坦白講，唔一定要外向有笑容。考k1前我都怕我個女會係拉鏈咀，最後有一間真係拉咗鏈，考其他學校基本上都怕怕羞羞，零笑容嗰隻，不過全部task都會有反應(唔一定做啱)，同坐得定，最後連埋call waiting，考六間有四個offer，成績比外向有笑容的哥哥當年好(亦可能出生率低咗）。所以內向型小朋友的家長都唔好咁快被打沉住，我相信老師有本事揀到適合的小朋友。

whitepurin

其實今年應該真係少咗人，感覺上(只是感覺上）今年名幼收多咗較細嘅，大女早三年真係競爭好大。最記得早幾年帶大女考k, 有兩間幼稚園班房貼了小朋友按生日月份分嘅相，11，12，1月超多人，之後逐個月遞減，去到7，8，9月得番小貓三兩隻，你話大細b無分別我真係唔信。

bubuprincess

1. 事前可以在屋企玩面試遊戲, 問下叫咩名玩下積木, 教佢多謝, BYE BYE同推下椅子;
2. 大部分面試家長都最好忍口放手俾小朋友同老師溝通, 或會有出乎意料的驚喜 ; (家長代答或重複問題, 答唒都唔會收...)
3. 唔好帶BB車;
4. 唔好太早到,因為通常要等, 你太早到小朋友等到無心機就麻煩

Streetboy

（七）不一定已戒片<-- 我女細B未戒片, In過一間劈頭第一句就問戒片未, 有笑容有禮貌, 表現活潑不會離椅子, 要做嘅做晒, 都係冇offer, 不過total In 6間有4 offer, 可能真係少左好多人爭

busydaddy

我覺得關鍵在於不要迫做細B,順其自然。

細B同大B競爭輸是正常、下年再來是兩個人兩回事。

hopegod

晒氣！面試個幾分鐘，邊睇到啲咩，只能大概篩選一些大多數學校都不喜歡的學生，那些大B、唔怕陌生、樣子可愛、有反應，甚或家長對答得儀，機會肯定大啦，但好多野唔係家長決定，出生月份、樣子可愛與否、怕唔怕羞全部無得揀，性格天生的，講有無禮貌都是多餘的，如果小朋友無安全感和怕陌生環境而唔敢出聲，唔敢同老師Say Hi and GoodBye就比批評無禮貌或家長無教之類，真是不敢恭維，總括來說，多offer同少offer, 都不能說明什麼，只是遊戲規則，對於細B或怕羞B，多報一些學校吸取多些面試經驗都有幫助的。

hopegod

對專收大B的學校反感！！！