有無啲bb2歲半未有單字，淨係滿口bb話嘅媽媽入黎傾訴吓

se7b25

仔仔已經2歲半，仍未有單字，淨係講到媽媽，mum mum, 呀爺， e..仲有就係一大堆bb話，政府醫院評估咗為言語遲緩1年，排緊言語治療。

仔仔2歲時已俾佢讀n班，可惜成日病，每個月只返到一半日子，平時屋企老人家湊，已經全廣東話，都係迫唔到佢開金口，眼見佢班上其他同學已經口齒伶俐，真係好沮喪😔😔

佢除咗說話遲緩，有啲動作仍未做到，例如跳，吹等等....有無媽媽可以傾訴吓

love_son

回覆 se7b25 的帖子

我仔仔都係兩歲半，連媽都冇吖，你都好，有幾個有意義既單字。。。

ashley-mama

原帖由 se7b25 於 16-02-11 發表
仔仔已經2歲半，仍未有單字，淨係講到媽媽，mum mum, 呀爺， e..仲有就係一大堆bb話，政府醫院評估咗為言語 ...

我仔同你仔差不多，只係識跳＋走，加油！

taviatsui

如果想快，唯有搵私人言語治療

hidi127

我是過來人，我仔在二歲半才返健康院強烈要求才轉介兒童評估中心，等了約十個月才正式見e生，中間有間I位幼兒中心校長建議他插班讀N班，因為N班沒有資助而且我是三位小朋友的媽咪只有先生賺錢，但細仔真是只有小量單字及BB話。
  我們只好安排他上N班！初時，每日都哭哭啼啼地戶上學連換校服穿白波鞋也十分抗拒。放完暑假，原校升K1，心諗以為他已經可以悉認到，原來班房，老師轉咗⋯⋯他又不能熟習個環境又大吵大鬧！個心好擔心又很煩腦，點解阿仔你會這樣呢？我怎樣才能讓你可以開心上學呢？好彩幼稚園老師上上下下都好有愛心包容他及接納他。我們盡量和他傾計什麼都會傾。慢慢地他已經多了語言及簡單句子。多些鼓勵他，由2月份，他已經沒有再哭哭啼啼上學，老師也發現他開朗了，鄰居也覺得他多咀了乖了，連吃團年飯時，他會舉手說：唔該嫲嫲要麵麵，唔該媽咪要魚魚，他還會自己用筷子吃飯了！可能好多媽咪覺得這些好簡單的事情，我的孩子也做到啦！但他對於我來，他已經大大進步，可能比同齡的孩子可能還差很遠。只要我們不要放棄，他一定會有進步的空間。他在去年十一月cac評估為自閉症普系加整體遲緩一年。所以，如果可以盡量比他上N班。因為有其他小朋友一起互動是十分有幫助。

fannyfong116

同我仔仔一樣，2歲時只講車車,波波, 媽媽,幾個音，去健康院見醫生做評估話認知,聽覺無問題。話把口要佢自己開，叫我等。2歲半先再見。
之後我去私家言語治療，話亞仔係口肌敏感，要個別訓綀,宜家進步咗好多。如果付擔都出去私家唔好等啦!時間過得好快的。
跳係大小肌肉唔夠張力，要上堂訓練的。

DJ924

原帖由 se7b25 於 16-02-11 發表
仔仔已經2歲半，仍未有單字，淨係講到媽媽，mum mum, 呀爺， e..仲有就係一大堆bb話，政府醫院評估咗為言語 ...

我都係過來人，仔仔都係歌兩歲半都很少說話，兩歲半先識叫媽媽，開始返N班時都未講野，但學校好接受佢。開學前排政府i位排咗一年好幸運排到，今學年開始咗i位。而i位期間(即讀N班時)，每星期帶佢去上幼教導師嘅訓練(主要係訓練佢社交同誘發佢講野)，上咗三個月就轉上個別言語治療，上咗大半年。佢呢一年嘅進步連我都意料不到咁大，相隔一年佢由冇聲氣嘅小朋友變成一隻開籠雀，所以媽媽你都唔駛太氣餒，不過過去一年確實花咗好多心機同金錢，但絕對值得，最緊要係如果afford到上個別訓練，一定要跟埋佢上堂，然後將導師嘅技巧運用喺日常生活中，每日訓練。加油呀！

se7b25

其實我响舊年十月已經排緊協康言語治療啦！但我要星期六，要等幾個月，各位媽媽有無邊間機構可以介紹我而唔洗等？

DJ924

原帖由 se7b25 於 16-02-12 發表
其實我响舊年十月已經排緊協康言語治療啦！但我要星期六，要等幾個月，各位媽媽有無邊間機構可以介紹我而唔 ...

試下問下基督教服務處，不過中心唔多，要睇你地區啱唔啱。協康，我年半前都有排，一年後至打比我問我會唔會考慮排平日，當時我已經有i位。

ccw1830

回覆 se7b25 的帖子

我仔而家差一個月就到3歲。係佢2.5歲時,確診佢語言發展遲緩,只有1.5-2歲既程度。上網搵言語治療,睇到除左以上各jm所講機構,仲有教育學院都有言語治療上。但係佢地係學生黎(準言語治療師),佢地係讀緊兩年既碩士學位,準備畢業,到第二年,要搵小朋友做實習,所以我地可以報名上堂,都係一對一。價錢比坊間平幾百蚊。我小朋友而家有上緊堂,一星期一次,我都唔知好唔好(因暫時只上過哩班言語治療師堂,冇得同其他言語治療師做比較),上左兩個月左右,有明顯進步,肯講多左野,講野亦比以前有信心左。我心態係,其他機構真係好full,因哩間有得上堂,唔係太差既話,我會繼續上,因搵人幫下小朋友,真係唔同d.仔仔都有返n班,學校群體生活亦有幫忙佢發展。

se7b25

請問可以俾啲準言語治療師的資料給我嗎？

funghon

原帖由 se7b25 於 16-02-12 發表
其實我响舊年十月已經排緊協康言語治療啦！但我要星期六，要等幾個月，各位媽媽有無邊間機構可以介紹我而唔 ...

我諗你要考慮平日law, 其實d位要等到返緊果個吾返，先至到下一位。星期六係特別多人排。

legolas625

我仔當年2歲有幾十個單字，去兩個ST都評得1歲能力，2歲半無單字，唔止遲1年。

要快就排多幾間，排少人揀的時間，快D追時間幫小朋友。

唔快D追，只會同其他小朋友的差別愈來愈大，呢個係追時間，如果3歲仲係BB話是非常明顯，因為正常已可以3、4詞短句，好多野講，開始發問，同埋會影響好多野，包括認知、社交、情緒和上堂，唔係嚇你，我係過來人。

我仔2歲開始ST，用了一年幾才追番評估的符合年齡能力，但比現實仍弱D，因為而家的小朋友係叻左。

legolas625

多口講句，搵個有料的ST，好個搵學生ST，因為經驗好重要，雖然平，何必要小朋友做白老鼠，浪費時間。

ccw1830

回覆 se7b25 的帖子

資料都係我先生搵既,我聽佢講,上網打“香港教育學院”,去搵番言語治療個邊,跟住就登記,留資料比佢,佢有位自然會致電給你

leung1234

原帖由 se7b25 於 16-02-12 發表
其實我响舊年十月已經排緊協康言語治療啦！但我要星期六，要等幾個月，各位媽媽有無邊間機構可以介紹我而唔 ...

我以前星期6番佐敦麥堅時

sharonho98

原帖由 love_son 於 16-02-11 發表
回覆 se7b25 的帖子

我仔仔都係兩歲半，連媽都冇吖，你都好，有幾個有意義既單字。。。 ...

同路人，非常擔心

taviatsui

原帖由 legolas625 於 16-02-14 發表
多口講句，搵個有料的ST，好個搵學生ST，因為經驗好重要，雖然平，何必要小朋友做白老鼠，浪費時間。 ...

agree

taviatsui

原帖由 se7b25 於 16-02-12 發表
其實我响舊年十月已經排緊協康言語治療啦！但我要星期六，要等幾個月，各位媽媽有無邊間機構可以介紹我而唔 ...

上門通常易就啲