終於遇到入晒局的家長

longlokma

原帖由 MASAYA 於 16-02-18 發表
方向係咁囉，但我都仲係撻著緊佢心中個團火咋

我唔会花时间研究咁多教兒理論，因為就算同父母生的孩子性格資質都各有不同，唔会有一套方式可以應用到所有孩子身上。孩子年幼时，我寧願把心思放在替孩子尋找及安排各種各樣的興趣嘗試上面，盡量比孩子試多d，等佢可以揾到自己興趣同專長，增强自信及動力。

oooray

原帖由 MASAYA 於 16-02-18 發表
方向係咁囉，但我都仲係撻著緊佢心中個團火咋

如果你是姜太公，我便是吊住蘿蔔的騎驢人，把蘿蔔吊在驢子嘴邊，等佢慢慢向前行。

MASAYA

oooray 發表於 16-2-18 15:09
如果你是姜太公，我便是吊住蘿蔔的騎驢人，把蘿蔔吊在驢子嘴邊，等佢慢慢向前行。



  ...

唔知你個比喻係咪貼切自己個教學方針，如果係，我就唔認同呢種做法，唔認同只係望住眼前一個目標去前進

oooray

原帖由 MASAYA 於 16-02-18 發表
唔知你個比喻係咪貼切自己個教學方針，如果係，我就唔認同呢種做法，唔認同只係望住眼前一個目標去前進 ...

我只係以蘿蔔比喻我作為家長的目標，如今天能進步了一點，明天目標便訂高一點而已。
我的孩子已算長大，不用，亦無法用我自己想的方法教導，只能在預到困難時，偶然從旁指點一下。

shadeslayer

如果女兒是朵花，我就係農夫。女兒中學後，好像我的作用只是撓「水」。

11B

原帖由 miffyumiffy 於 16-02-05 發表
大把呢啲人啦

我識人除咗番學食飯沖涼訓覺大小二便之外， 就係讀書

咁入到皇仁都算吖！慘得過我識一個家庭，佢女過住7-11生活(7日內有11個校外 course)，英文補3日(唔同嘅嘢)仲要 one on one，但成績都只係中上左右。

Rachelmummy2008

曾經想阿囡入局，只不過做少少練習，但好快俾佢拉番出嚟

mrschan923

我地日日8-10樣功課，有時遇埋默書、測驗，根本不能抽空溫書，我一般是星期六同日大溫一次！

射雕英雄

回覆 stockmike 的帖子

入晒局總好過懶理嘅家長

skkeung

父母只能在旁為子女打氣

skkeung

又要馬兒好又要馬兒不吃草

ANChan59

原帖由 longlokma 於 16-02-18 發表
本帖最後由 longlokma 於 16-2-18 15:08 編輯

我有段時間都參考一下理論，慚慚發現有好多時無招勝有招。當然有其他人會更相信專家學者的「理論」！有時我好衰咁諗，他們的子女又如何呢，實踐後又有何成果。


如果自己較了解孩子，自然會變通及更對口。

shadeslayer

原帖由 ANChan59 於 16-02-21 發表
我有段時間都參考一下理論，慚慚發現有好多時無招勝有招。當然有其他人會更相信專家學者的「理論」！有時我 ...

武俠片大俠們最高境界係無劍招，但有劍意。招隨意到。我相信養兒育女，只要幾個大原則。

MASAYA

ANChan59 發表於 16-2-21 10:00
我有段時間都參考一下理論，慚慚發現有好多時無招勝有招。當然有其他人會更相信專家學者的「理論」！有時我 ...

所謂無招都有自己一套想法既，所謂有招只係同一套路，人教你就照跟，個個一式一樣，只要方向唔太偏離，其他自由發揮啦

Heyheyjoyjoy

其實學校教快一年半載，孩子所謂「跟不上」只是跟不上超前教育。那超前教育的目的是什麼？考中一考大學有優勢？大學畢業出來工作後，超前教育的作用是零，反而人際、變通、負責、有思想、等非學科考核的能力更更更重要。

但期盼全人教育的家長，如何捱過中小幼時期的催谷生態？跟不上被老師每半年每月每週溫罄提示，父母都捱不住啊。

letea

我一直都係hea派，阿仔由幼園到小一都hea。平時做功課大半小時，之後可以玩同讀書果類。

後來，阿仔要打波，咁每星期就打兩日波拉，有日要學琴拉，有日要學英文拉，結果就每日都好似好忙

之後，阿仔考試有科分數較低，咁自己就難以控制的緊張，規定佢每日要做十題練習

我相信，阿仔年級越高，讀書壓力越大，真係教我怎離地呢?

stockmike

原帖由 letea 於 16-03-01 發表
我一直都係hea派，阿仔由幼園到小一都hea。平時做功課大半小時，之後可以玩同讀書果類。

後來，阿仔要打波 ...

我仔小一開始每星期有固定 7 個鐘 sport (hea 玩，唔 cut 原因係同其他人建立了友誼，學緊相處技巧), 2 個鐘補習，2個鐘主日學 (最想 cut, 老婆唔俾)。佢重有時間砌高達 HG 模型同玩四驅車睇吓書，其實真係要學校功課配合。我都算另類怪獸。

maem

ANChan59 發表於 16-2-21 10:00
我有段時間都參考一下理論，慚慚發現有好多時無招勝有招。當然有其他人會更相信專家學者的「理論」！有時我 ...

可以無招勝有招, 當然最好啦, 但不易~~
專家學者都係人, 理論易講, 可能係成功了才講出來, 失敗了就不會出來...
每個家庭都有自己的文化, 人地就算成功也不一定可以應用在自己家庭...



親朋戚友裡有這樣的例子: 父母沒有甚麼教育程度, 而且都要為口奔馳, 生大果個時返小學前教過下D字, 跟住就太忙, 無再有時間陪佢, 就拋D書同報紙給佢解悶, 跟住就無再教過佢, 大果個入附近屋村小學後一直名列前茅, 之後升去地區名中, 之後就大學. 細果個出世後, 屋企環境好左, 父母覺得佢腳頭好, 自然錫D&多放D時間睇佢, &叫大果個幫手跟佢D功課, 到大果個好忙時, 就出去補. 但細果個讀完小學要父母搞一輪先找到間中學, 終於讀完中學又左撲右撲先入到個High cert.......講完覺得好似TBB劇甘...... 問大果個, 係咪父母催谷佢, 先有甘既成績, 佢話父母邊得閒理佢, 而且有時間都理左細果個先, 但佢又樂得父母唔理佢, 佢有自由, 唔似細果個甘, 父母下下管住睇住, 而且佢很細個已覺得讀書係自己的事, 加上除了要交$, 其他野就算講左父母都幫不上忙. 佢父母就話見佢各樣都自己搞得掂, 好放心, 就由得佢自己決定, 只係間中講下"讀書時不要拍拖"之類的話.
到底有雞先定有蛋先? 睇完D教養書, 我都覺得父母少D干涉小朋友可能會成長得好D, 不過佢父母係因為搵食&唔識, 問心我做不到0甘放手0甘自由給佢, 但係佢又OK, 但我又見過有D變壞既人.
我都仲模索緊點樣係無招勝有招, 或讓小朋友看不到我出招, 或者植入"覺得讀書係自己的事"

小黑牛

老公的朋友自小就被其父母力谷，小學中學皆是名校，但是讀完大學後只是做一般的文職工作。及後有了小朋友，立志絕不谷個仔，一直以輕鬆快樂所謂hea讀幼稚園，到考小學時，開始想入返自己母校，才發現學術唔得，加上有舊同學的比較，開始心理不平衡，當然最終只能靠抽獎。雖然不是名小，但是都有功課測驗之壓力，但是個仔幼稚園3年已經玩慣，現在完全不想做功課，而且無心機溫書，令其父母頭痛非常！想轉國際學校但是又非常難！現正後悔已太遲。

由此得到啟發，如果無本事離地，確實不宜做一些離地的事，否則萬劫不復！