社交問題

yyctma

我就快比我個仔的社交問題迫瘋。
整喊人、比人排斥、冇好朋友、做PROJECT 入唔到組、亂講野..... 問題日日有。
亞仔有時就好似冇咩野，但有時會為左呢D問題唔開心、有時甚至喊。
我已經試過帶佢做遊戲治療、亦同佢上過D針對資優仔而設的社交課程。情況有一點點進改善，但係仍然同同齡相處唔到。
亞仔好鐘意同人玩，但社交技巧就差到無人有。
我身為媽媽有時覺得好無力，我想問大家，其實有冇咩方法可以幫到亞仔。
同埋有冇人冇經驗可以分享下有社交問題的資優仔，升到中學/大個左之後會點？我真係非常非常擔心。

yyctma

請問有冇資優小朋友家長可以分享下有社交問題的資優仔，升到中學/大個左之後會點？

我真係好想知...

Activehealth

yyctma 發表於 16-2-16 12:48
請問有冇資優小朋友家長可以分享下有社交問題的資優仔，升到中學/大個左之後會點？

我真係好想知...

我個仔今年11歳，剛升中一(ESF)，係twice exceptional 資優+ASD, 佢細個時的行為同你個仔一模一樣，仲成日投訴話俾人bully(其實係佢自己敏感及社交技巧差得罪同學）。

佢小學（ESF)有SEN support, 有social class 俾佢上。小六時學校全級同學一齊上FRIENDS program，係一套由澳洲心理教授Prof Paula Barrett硏發，獲世衞WHO認証為有效訓練小朋友抗逆能力的心理課程，教他們學習社交、自我激勵、放鬆及情緒控制技巧等來預防焦慮症、抑鬱等情緒病。舊年ESF CENTRE 有攪FRIENDS program 俾非ESF 學生，全英文ESF CENTRE 心理學家教, 六星期課程收$15000。阿仔上咗好似幾有用，行為有改善。

阿仔由細到大學捉國際象棋，學會冷靜面對逆境及得失，明白一山還有一山高，捉棋有贏有輸，學會勝不驕，敗不餒。更有機會代表學校參加國際象棋校際比賽多次獲獎，老師們同學們對他社交問題也多點包容，對他自信心也有幫助。

阿仔從小喜歡硏究，自知社交技巧不成，不懂睇人眉頭眼額，所以不停自己從網上找資料硏究social ettiquette 社交禮儀，人與人之間的互動關係等，改善自己的社交技巧。並準備以此作為自己終生硏究課題，發展自己的理論。

上個暑假時再由心理學家作升中前詳細評估（評估全部自費由私人心理學家進行及跟進，升小學前已作了兩次同樣評估），包括IQ及社交行為認知，內有心理學家詳盡建議，報告呈交中學老師。慶幸早有準備，阿仔中一開學初期情緒大上大落，面對新學校環境轉變新學科老師同學顯得手足無措（其實有一半同學是舊的，兩間ESF小學升上同一間ESF中學），我第一時間帶埋最新評估報告約見校內特殊教育支援主任要求全面支援。學校各老師包括專負責初中學生的副校長全面配合，尤其見到阿仔IQ屬天才級別，係99.9percentile. 數學/科學成績名列前茅。

阿仔現在識自我走位，他很喜歡小息午飯時到教員室找老師傾偈。老師亦找了個中三大哥哥作為阿仔mentor，成日來找阿仔作伴。阿仔有時亦同其他同學玩球類活動，有時留在課室聽女同學gossip(仲乘機收收其他班及同學啲風），有時自己去圖書館睇書。

啲同學見佢成日出入教員室搵老師傾偈，又有大哥哥照住，都唔敢對佢點（希望以後都係，finger crossed)。

yyctma

Activehealth, 非常感謝你的回覆！

我個仔都係一樣，成日同我講話比人BULLY，但好多時都係佢自己社交問題引起。

你同仔仔學校都好好，比左咁多支援仔仔改善社交技巧。我好羨慕。

我個仔學校對SEN支援不太積極...唔通真係要諗轉校？  

Activehealth

yyctma 發表於 16-2-18 18:20
Activehealth, 非常感謝你的回覆！

我個仔都係一樣，成日同我講話比人BULLY，但好多時都係佢自己社交問題 ...

Deleted

yyctma

我阿仔剛滿11歲。
因為之前有老師懷疑阿仔係讀寫同亞氏，所以有做過評估，但我唔識分個評估是否全面。
阿仔語文(只限英文)能力較優，老師同同學都知，但對佢社交好似冇咩幫助。
其實我有同亞仔報英基，不過冇位，連INTERVIEW 機會都冇。

Activehealth

yyctma 發表於 16-2-19 13:56
我阿仔剛滿11歲。
因為之前有老師懷疑阿仔係讀寫同亞氏，所以有做過評估，但我唔識分個評估是否全面。
阿仔 ...

Deleted