你有冇見過霜凍警告下仍然堅持要舉行室外運動會?

Lewisli226

回覆 醜樣豬 的帖子

sorry，對點評的功用理解錯誤。我當然相信你冇呃我，只是我新嚟報到，以為要一切依足規矩。我亦冇呃你，當時班主任俾我訊息係咁。我肯定冇認錯班主任，因為開學和見家長我都見過佢。我當然會好介意開老師名，因為我覺得未必關佢事，只是一直都冇明確的指引，而實際上最尾答案係要填紙作早退紀錄而不是講一聲就算，只是因為近尾聲我才冇填冇早走。我真的不知道這校運會真的可以自出自入靜靜閃人。現在知道了，學校安排不周，自己揾辦法解決囉！只是覺得靜靜閃人好似唔知點咁，我新嚟點知個個都咁做？而且早知麥當勞咁近我就唔駛排個多小時去小食部只為買個熱撈麵去幫小朋友暖胃⋯

CARMAN1029

搵班主任-->佢又話唔關佢事要搵其他?? 呢個班主任有問題唔係學校

早兩年我小朋友運動會前兩日病了, 但運動會當日,佢要做啦啦隊表演.
但班主任運動會前一日打電話給我,叫我運動會當日不用出席,因為小朋友剛病好要在家休息,不想小朋友吹到再病.

Lewisli226

當然你會話有學校依然有校外旅行，但同樣地據我所知有學校因為天氣凍取消了校運會

其實我不滿意之處是校方的決定多次和我期望有落差。不是要其他人認同，以免又被人話冇同理心，強行將自己主意加於其他家長上。

1）校運會前一天已嚴寒加下了大半天雨，預計校運會當天會更凍。我一直想明天校運會否延期/取消？就算不延期，會否有通告/明確訊息，譬如如果下雨直接取消，或最少叫各家長早上六時後上校網去看一看校運會是否繼續。但答案係一定要出席，就算有雨要取消都一定要到運動場報到，否則一律扣操行分⋯

2）最令我不滿的，是校長在校運會開始時那一句：「今天天氣很凍，但親子之間那熱情能與之抗衡⋯」可能這校長真的很有教育理念熱情和堅持，但這一句說話給我的理解是他意識到「很凍」是一個問題而他選擇「無視」這一個問題。

3）親子校運會特意大費周章安排周末舉行又要補假，為什麼？就是希望家長可以參與。參與甚麼，和學生齋坐觀看其他同學運動嗎？當然不止，起碼我唔係咁諗，而係希望參與那「親子競技」的項目。但偏偏當運動會流程有延誤時，校方好揀唔揀，就係選擇取消「親子競技」環節⋯

4）無錯，在場當然有同學仔嘻嘻哈哈很高興，但是否因為咁，就睇唔到看台只有唔夠1/3-1/4人、就睇唔到地下周圍企滿瑟縮的人群，睇唔到廁所更衣室坐爆避寒的家長學生？係真係睇唔到唔知道，或只是再次選擇「無視」？我會期望校方可能公佈由於天氣太凍，感到不適的學生可以到班主任/某地點登記早退後離去。（對於一個新到貴校的家長，正正因為我尊重校方，才様樣跟足程序而不是自己靜靜閃人）但校方不但沒有類似安排，甚至問主持人老師，佢叫我找班主任，班主任又話佢話唔到事要搵其他主任，搵咗一輪問番主持人老師，又突然叫我到後面登記早退就得，根本就是他們連統一的內部指引也沒有。那些話講一聲就走得的家長，你們知不知道原來係要填紙作早退紀錄？

以上這些就是我所謂導致不滿的「期待的落差」，我唔係要其他家長認同，只是如果我因有這些期待而被批為不合理很怪獸時，我就做怪獸好了。

bobohello

其實校長當日馬上取消比賽，全體教職員可以回家嘆嘆熱飲，家長少担心之餘又舒服，學生又一定唔會冷病，自己又多幾小時假，又唔洗孭鑊比人插，簡直l四赢局面。都唔知佢堅持咩野？
一早話呢個校長唔得掂啦。

CARMAN1029

每個學生,家長期望都不同, 學校冇可能做到所有學生和家長的期望

想早走,但取消「親子競技」縮短時間你又唔高興

Happyhappylive

Barxza

真係大開眼解…
原來肚餓唔可以去麥當勞食野
家長唔坐看台，就唔可以週圍行
霜凍唔可以參加室外活動，要麼，就唔可以躲着避風暖身

種種以上我看不到是學校要求
反而是那位Lewisli226竟然利用他所謂什麼1/4人在看台的理論而以此作為大做文章的理由，更代表了那3/4人把人的自然行為反應肚餓和郁動說成了以支持他大做文章的理據，唔講真係以為你識晒全校家長師生

唔坐看台既人就代表不想參與，覺得凍而避寒的就代表被迫，那可是天大的荒謬。

註: 我是其中一個那3/4的家長，但從來不是被迫，去麥當勞純粹為食，唔坐看台走到場上是因為看台大風，感覺凍而躲在一角暖身是正常反應，要參加就要付出

這次霜凍運動會的意義是要教導孩子體育精神，不要輕言放棄…

Lewisli226

回覆 Barxza 的帖子

這一位家長唔知係唔係石小的家長？如果係，我真心多謝你的回應，你讓我增長知識了。

我一直（天真的）以為，參加校運會，點名後不可以離開運動場直到完場，就算要短暫離開都要問准老師，校運會開始後就應該鼓勵孩子一同坐在看台，既一邊觀賞比賽，欣賞參賽者的努力，也一邊替參賽者加油，替獲勝者鼓掌，透過比賽去教導孩子輸贏不是最緊要，最緊要全心參與，盡力而為。所以當我自己和孩子因為太凍而離開看台避風，感覺已經覺得唔知點咁，好似有所虧欠。回頭一看，明明點名時坐滿的看台，一兩小時後就已經只剩下1/4-1/3人唔夠，我就覺得怪怪哋：咁叫全情投入？點解唔等天氣好啲再舉行，好等學生和家長可以「真正」的全情投入？

我見識少，真的不知道原來現在的小學校運會是這樣的，和我當年中小學完全不同。原來我脫節了。

這家長告訴我，有乜咁奇，參加校運會，點名後就自由活動啦！肚餓就離開運動場去麥當勞囉，坐到累就周圍行啦，覺得凍咪困自己入更衣室避寒囉！甚至另一位家長話，其實已經有很多家長去麥當勞食住嘢等散場、返屋企等至完場才回來，甚至偷雞閃人都冇問題！咁我真是見識少，原來咁樣都算全情投入校運會，只要點咗名就係㗎啦！難得這位家長還說得理所當然，面不紅耳不赤，說這就是體育精神，不輕言放棄，不過其實只要你曾經點名表示身在運動場，無論你之後在遊蕩，自閉於更衣室、離開去麥當勞食嘢、返回屋企至散場才回來，這都顯現了永不放棄精神！

我真心受教，係我小題大造，難得這家長看透世情，點明在下，感激流涕！

Barxza

哦，大家咁話拉 lewisli226, 點多次有乜所謂，反正你喜歡嘛！


你唔高興冇人會迫你坐係度等喎，你係都要等係你選擇同想法，同樣，別人要選擇開心不去計算也不用到你管
凡事唔好看着别人走，唔係樣樣野都要同人比較既，人家要怎樣處理和面對與你何干,做好家長对自乙孩子的本份吧！

你也說得對呀！我和其他家長都可是面不紅耳不赤的，那當然是理所當然的，教好自乙孩子的修養是父母本份嘛！因為我們都會為我們將來那些會成熟處事，勇於面對問題和擁有學習和體育精神的孩子而驕傲。比較下，那些只會教孩子投訴，抱怨，做唔到就輕言放棄的，面對唔到的就想方法逃避的，當然最後只會變得面無血色，只有青和白啦

不過，anyway我也謝謝你讓我終於真正有此機會見識到你這種“久仰大名”的家長


真的真的真的，人生第一次，這種教導孩子的方法也真的久仰了，失失敬失敬🙇🙏

醜樣豬

原帖由 Barxza 於 16-01-27 發表
本帖最後由 Barxza 於 16-1-27 07:33 編輯

哦，大家咁話拉 lewisli226, 點多次有乜所謂，反正你喜歡嘛！ ...

如此固執丶如此不懂轉彎丶如此為了操行分而拼命留低嘅家長我都係第一次遇上，既然都知自己第一次參加，就應該謙虛D向其他家長請教吧，需知道依家已經上咗小一，唔再係幼稚園，搵唔到老師幫手，班主任又愛莫能助又咁凍的話，我會唔理走先啦，畢竟無人迫你留低，我初初都唔知架，咪禮貎D求其捉個高年級家長問吓囉，咁依家到我高年級，人哋問我我實答架，當日我哋雖然尾聲喺樓下，但依然全情投入運動會，依個係心態問題，如果你滿腦子負能量，就會得出你以上每一篇千字文，老老實實我無睇哂，我只係覺得你既然寫到咁多不滿出黎，點解唔直接同學校反映，放上黎完全無幫助，都係同一問題：開哂名放上網有乜意義？唱衰學校對大家都無好處，將來你個小朋友都要喺石小畢業，你想佢大大聲同人講係石小定唔係石小好？更何況石小唔會因為你單純一篇網路文章而影響校譽，你咁做其實係一路傷害緊你自己同你小朋友。

Barxza

回覆 醜樣豬 的帖子

那位久仰的家長心有不甘冇人燦，走去揾報館用佢自圓其說的故事報導出來了…更相信他也借了其他家長的名去增強佢故事的說服力

bobohello

http://news.mingpao.com/pns/dail ... 00011/1453831659545

【明報專訊】上周六天文台分別發出寒冷天氣警告及霜凍警告，位於荃灣的天主教石鐘山紀念小學當日如期舉行親子運動會，事後有家長質疑學校安排不當，稱當日很多家長及學生要躲入更衣室避寒，想提早離開時，幾名教師一度說不清楚能否早退。校長葉介君回應稱「凍都堅強面對，都係體育精神的一種」，且學校已提醒學生著足夠衣物，不可因為寒冷就什麼也不做。

家長指早退安排不清

葉介君又說，學校曾開會考慮過取消或延遲運動會，但考慮到沒雷暴或水浸等安全危害，且運動場安全，才決定如期舉行。

家長陳先生（化名）在親子討論區發文稱，孩子稱不出席會被扣操行分，故他「硬着頭皮」參加，運動會期間孩子僅幾分鐘時間可到運動場跑步，其餘時間若坐在看台觀看十分寒冷，故不少人都離開看台到小食店買食物等。他帶着孩子去更衣室避寒，見裏面坐滿人。其後親子環節取消，他打算提早離開，問了數個教師才得悉簽名確認後可離開。陳先生質疑學校明知寒冷也要堅持活動，沒考慮到孩子或會生病。

校方：缺席扣操行分誤解

校長葉介君說，若取消運動會十分容易，「但我們是有承擔的教育工作者，不可以因為冷就什麼都不做」。他相信缺席會扣操行分是家長誤解，若家長覺得太寒冷不想子女出席，學校會接受其告假，僅在學生無故曠課時才會扣操行分。他認為學生或「傳錯話」，希望家長有問題時盡快聯絡學校。他又指當日去洗手間時見到不少人在更衣室避寒，認為是「智慧的表現」。

至於有家長稱想提早離開卻一度不得要領，葉說不相信學校教師連回答能否早退也做不到，「如果家長不知如何告假，都要學習一下，自己問人，學校不是什麼都照顧到」。葉認為是次運動會尚算成功，他在現場見學生跑跑跳跳十分開心，雖然事後有家長向他發電郵稱因運動會而生病，認為應取消，葉稱最後慰問了家長及向其解釋理據，並希望家長尊重學校的專業決定，「不可能每次做決定都先問家長意見」。

醜樣豬

原帖由 Barxza 於 16-01-27 發表
回覆 醜樣豬 的帖子

那位久仰的家長心有不甘冇人燦，走去揾報館用佢自圓其說的故事報導出來了…更相信他也 ...

我知道，我幾個group已經收到，佢正確應該咁做，咁做先得到解決同回應，放上網無意思！

bobohello

校長回應已好清晰, 結論跟上次家長會講功課多少一樣
希望家長尊重學校的專業決定，「不可能每次做決定都先問家長意見」

notmonster

連親子運動會同陸運會都攪唔清，真係幫你唔到。有無見過陸運會有家長参與同出席架？
有無見過陸運會低年班淨跑六十米？
有無見過有徑無田既陸運會？
唔知咪瞭解吓啦，發生咩都唔知，咩都賴話人無講。
脱節無問題，脱節重要數周圍人唔啱，果然是典範。

醜樣豬

原帖由 bobohello 於 16-01-27 發表
校長回應已好清晰, 結論跟上次家長會講功課多少一樣
希望家長尊重學校的專業決定，「不可能每次做決定都先 ...

啱架，成九百幾個學生，問得邊個？總有人覺得無問題，有人就覺得要喺屋企，最好嘅方法就係邊個唔想去就邊個唔好去，想去嘅就去，如果嗰日得兩三度星期日咁凍，我都唔會去，大不了咪請假。

notmonster

成個活動重點係親子，家長同小朋友都開心為目標。
你咩都睇唔過，唔中意天凍唔取消，唔中意家長偷走食老麥，唔中意老師唔懂程序，唔中意地點唔方便，唔中意有人可早退，唔中意個仔跑得一分鐘，唔中意其他學生唔比賽時玩耍，唔中意被要脅扣那尊貴無價的操行分，更唔中意那一言堂校長 .............
咩都要你中意個套先開心？

醜樣豬

原帖由 notmonster 於 16-01-27 發表
本帖最後由 notmonster 於 16-1-27 09:28 編輯

成個活動重點係親子，家長同小朋友都開心為目標。

有不滿係好事，有不滿去反映即係仲有空間可以做好D，但要懂得處理不滿，如果有不滿而唔去面對去處理，依六年⋯⋯堅難捱架，我唔知佢小朋友鐘唔鐘意石小，淨係知家長唔鐘意，小一已經唔投入又無歸屬感，咁對細蚊仔唔多好，希望之後嗰位家長可以輕鬆D，可能剛小一未適應，反而小朋友適應能力快過大人，我當年都用咗成年時間去適應，好水皮

CARMAN1029

lewisli226家長,只有閣下自己開辦一所學校當校長才能做到你所有的期望

palmchristy

印象中香港人都是理性, 有智慧, 靈活有彈性的.

俗語說你有張良計, 我有過牆梯. 其實身處於一個不利的環境, 還是有很多事情可以做的. 躲在更衣室, 走去M記食野, 都是有智慧的方法.

但唔知點解, 近年的風氣卻是有乜意見唔同, 就嘗試取得支持, 然後挑戰權力.  如果唔認同呢種模式的, 就是順民同維穩.

理性, 智慧, 和靈活彈性這些優勢, 開始有被取代的勢頭了.