你有冇見過霜凍警告下仍然堅持要舉行室外運動會?

Lewisli226

Barxza 發表於 16-1-25 20:23
既然這樣，那這樣說吧…

家長話學校虐兒

唔知點解去到那一個論壇都有這類壇友：
你責怪學校用操行分要脅家長學生，佢會反問你點解要受威脅；
你責怪學校某些決定失當，佢會反問你點解依循等同幫兇；
以此延申：
你不滿學校，點解唔轉校；
你不滿受制教育局指引，點解唔讀國際學校；
你不滿香港政府，點解唔移民；

你一日在香港，選擇資助學校，選擇依循學校要求，你所提出的不滿，其實就表達了你作為幫兇的身分，都是自找的，冇得怨⋯

咁其實這個論壇所有有關對校方不滿的意見都摺得，因為全部都是自找的，毋須改進。其實TSA都冇問題啦，因為家長可以選擇讀國際學校，甚至移民嘛！

bobohello

首先不要將自己的問题無限放大，而忽視其他人。
絕大部份低年級同學衹是参加一分鐘的“無聊”賽跑比賽，主旨其實在後來的親子活動，但已因天冷取消。
不用扯得遠說十小時睡眠和一小時玩要，事在人為。當天比賽後我兒子己馬上享受了三個多小時的玩耍，而我亦看到很多小孩也在享受。對小孩而言， 無得玩 ...... 才是虐待。

校方決意舉行，家長就要尊重決定，家長要以自己旨意凌駕校長，本質上已有問題。你問我香港偷野要罰什麼，我不清楚，因為我不會犯亦沒意去犯，假如偷野罸一蚊我都唔會做，正如不参加扣操行分一樣，我覺得合理無意凌駕，於我無干。

城門谷交通不便，但荃湾區祇有一個康文署運動場 http://www.lcsd.gov.hk/en/facilities/facilitieslist/districts.php?ftid=38, 哪校方可以選什麼？不要祇自我中心，也請為人想一下，自己不滿意地點天氣和活動性質，不能自己話事，就要擴大到每位學生和家長也同一想法？

對號入座，總是對有心人的。即使我被人指著說我是怪獸，我也不覺自己跟這詞沾上任何關係，因為我明白怪獸是什麼。

dobbybabie

16-1-25 21:24 上傳

下載附件 (61.75 KB)

dobbybabie

16-1-25 21:25 上傳

下載附件 (39.56 KB)

醜樣豬

原帖由 Lewisli226 於 16-01-25 發表
回覆 鼻涕蟲 的帖子

咁你有冇見到有同學仔凍到喊、更衣室坐爆家長學生、不斷有學生家長偷走去麥當勞？我見 ...

Relax，其實咁多年以來都有無數家長早退丶偷雞閃人丶去麥當勞食住嘢等同埋返屋企等，你嘅立場我好清楚，因為我都帶住兩個由頭坐到尾，高年級嗰個自己有自己玩，低年級嗰個就痴住我行來行去，我都好凍架，唯有每隔一個鐘就問吓佢哋玩夠未，玩夠就走因為佢哋呀媽我好凍，點知兩條友點都唔願走，其實，你有無過你小朋友意願？就算小一，都會有自己想法吖

Lewisli226

你兒子享受了三小時玩耍，我兒子也享受了一小時，然後開始話凍，跟著躺在一角避風兩小時。你看到很多同學玩耍，我看到躺在更衣室和地下角落避風處也很多。是我以片蓋全，還是你以片蓋全？難道那班3/4離開看台的學生全部在嬉笑奔跑？

「校長執意舉行，家長就要尊重」實在可圈可點，是否無論決定合理與否都要尊重？學校話要操TSA我就要犠牲孩子身心健康去操？學校話要孩子在嚴寒霜凍中食風四五小時我都要尊重冇問題？而事實是我真的不爭氣，尊重校方決定參與其中，要孩子食風四五小時後，才表達我的不滿，才被其他壇友話是幫兇⋯
舉行地點從來不是最大問題，嚴寒霜凍大風下仍堅持舉行才是問題，當然你想你兒子做「阿信」你當然不認同。

醜樣豬

原帖由 Lewisli226 於 16-01-25 發表
本帖最後由 Lewisli226 於 16-1-25 21:38 編輯

你兒子享受了三小時玩耍，我兒子也享受了一小時，然後開 ...

另想問問你會否轉校？定係已經書面向校方反映意見？上網呻無用架，幫唔到你小朋友，不如實際D用行動表示不滿吧！

dobbybabie

原帖由 醜樣豬 於 16-01-25 發表
另想問問你會否轉校？定係已經書面向校方反映意見？上網呻無用架，幫唔到你小朋友，不如實際D用行動表示不 ...

係，我真心提醒樓主考慮轉校，因學校行精英制，小—樓主己好多怨氣，越高年班會越多資源分配不均的現像，再加上呈分壓力，奬項等問題，問題祗會更加多，好容易影響情緒，亦會影響小朋友對學校的歸屬感。

Lewisli226

好奇怪，我提出學校在校運會安排上的不滿，就有其他意見話「咁多怨氣就轉校啦！」彷彿就是提出問題不滿那位才是問題，解決/趕走提出問題的人就再沒有問題，難怪世道淪落。面對問題質詢，你可提出質疑和討論，然後自省求改進，有則改之無則加勉，現在竟然淪落至有家長主動建議去解決提出問題的人去以解決問題。好！就因為對校運會安排不滿就要轉校，這班家長真有見地。

dobbybabie

我以過來人身份提下你啫，轉唔轉校有你的自由，我P0st咗的嘢是提你校長是—個強勢校長，而這件事如是四分三家長都有同你一樣的感受，成件事向校方反映就容易成功，但在這貼，我見到是幾個石小家長都唔覚太大問題，咁是未你應學你所寫，自省下呢？

bobohello

其實件事本身好簡單，作為合法監護人，家長應自己決定孩子的事情。自己孩子覺得凍要走，跟學校方說要離開有何難？校方不會留難吧？不直說又抱怨，我不瞭解。

尊重亦是很簡單事情，覺得什麽事情和人物值不值尊重，自己的個人決定，不用把事情搬到其他議題，關 TSA 咩事？自己是對的，不用理什麼以偏概全吧。

一時抱怨地點不方便，一時又說重點在天氣，我不懂。孩子老是在抱怨附近，我想不出有快樂的原因。

dobbybabie

我所指的越高年班越多因資源分配不均的問題，不祗是石小，任何小學，中學，大學，甚至社會都有，如你下下祗站在自己立場看公平，會相當痛苦。因為資源就是咁多，沒可能做到面面俱圓，人人有份。

Lewisli226

唔，我係小數，校長又強勢不能改變，我要自省，唔應該抱怨，要逆來順受，樂觀啲睇。
明白，我試吓：
1）其實7度霜凍警告下在空曠地方食風四至五小時冇問題，甚至應該鼓勵小朋友著短褲作「阿信」式的鍛練。最多鼓勵佢在場邊嬉戲奔跑去取暖。假如之後病咗一定因為小兒之前鍛練不夠。假如大病入院一定因為體質太弱我太保䕶佢⋯其實我太杞人憂天，7度霜凍大風下食風四至五小時點會病，就算病都唔會死啦！
2）即使明知下着雨也要冒著寒風冷雨到運場報到才解散是非常合理的做法。假設途中小朋友淋病當然又係之前鍛練不夠，或是在寒風冷雨中家長遮小朋友遮得唔夠好所致。又係那一句，7度寒風下淋少少雨點會病，多餘！
3）學校用扣操行分去威脅家長學生去參加校運會是正確做法，我要尊重。除非我夠gutsy不理會操行扣分而缺席，否則我就不應有不滿的情緒，即使我只是上網表達都不應該，因為咁會影響學生的成長和情緒，也顯示了我懦弱地變成幫兇，也會被其他家長「善意」提醒我去替小朋友轉校。OK，冇不滿，吞咗消化咗⋯
4）有不滿不要提出，我一提出就是把自己無限放大忽略其他人。但我只是提出我的不滿和理據，為什麼會用自己旨意凌架校長，又會忽略其他人？我幾時有擴大至其他家長學生？我只是講出我見到大部分家長學生避在廁所/角落/偷走罷了⋯係係，我一定係睇錯，冇咁嘅事！有些同學仔都好 HAPPY 架! 總之我不應該表達不滿⋯記住，校長強勢，神聖不可侵犯！
5）以後假如又有嚴寒中的校運會，我應該教我小朋友樂觀快樂地避進廁所更衣室避寒，以便能在校運會中增進親子師生的認識和關係，因為其他家長認為咁冇問題。明白明白，受教受教⋯
6）或者以後假如又有嚴寒中的校運會，我應該教我小朋友聰明點，要樂觀快樂地在運動會時中途閃人，唔好咁儍啦，執生呀嘛！個個家長都咁做㗎啦，真係乖乖地觀賞比賽打氣咩，死蠢！啊，斯文啲，小笨蛋！
7）其實家長覺得太凍要走冇問題，但我問主持人老師，佢叫我搵有關老師，好，我千辛萬苦搵其他老師試吓，佢又話唔關佢事要搵其他，揾一大輪才叫我到某位置填表當早退，但已經接近校運會尾聲所以我冇填冇早走。我唔啱，靜靜閃人咪算囉，咁依規矩把鬼咩！
8）這間學校精英制當然資源分配不均啦，我唔係唔接受呀嘛⋯我梗係接受啦！小兒校內成績不俗，是分配不均的既得利益者，當然冇問題啦！冇不滿冇不滿！吞咗吞咗！唔好叫我轉校啊！我會好樂觀快樂地接受一切合理或不合理的決定，也會叫兒子咁做，其他家長，我還有什麼要自省嗎？

醜樣豬

其實你放上網用意何在？我哋又幫唔到你，需知道人人價值觀唔同，唔會有人為咗討好你而認同你，上得網一定會有不同看法！

亮晶晶mum

其實這只是大家的觀點角度不同…沒有對或錯，其實據我所知比我們學校更凍的第二天也有不少幼稚園及小學去郊外旅行呢！其實石小的校長我個人覺得他是一位有理念＆有堅持的校長，老師亦有愛心！只是一次50多年來特別凍的一次經驗…最重要我肯定學校不會希望小朋友病！我的兒子從前也很怕凍，他因為游泳多了，現在身體強壯了，沒有像從前怕凍！
其實大家的討論都是為了小朋友吧！我欣賞大家有的支持學校！希望你的小朋友，也每天開開心心返學吧！

bobohello

DEL

龍井

係呢樹講係好好。
此終個消息會傳番俾佢地校長聽。
好多校長主任都會走上黎睇，特別係關自己學校。

bobohello

世界要淪亡了，啞忍和打手總佔多數，敢言的永遠稀少和受冷待。

為正義，請鼓掌。

醜樣豬

原帖由 bobohello 於 16-01-26 發表
世界要淪亡了，啞忍和打手總佔多數，敢言的永遠稀少和受冷待。

為正義，請鼓掌。 ...

真心希望校方見到依個post，其實上網開哂校名真係幫到件事咩？與其係幫唔到，不如直接email比校方來得簡單，我相信學校D老師同主任絶對會聽取意見，其實有無人諗過，如果當日係取消運動會，學校點樣通知家長？
1，早上六點老師打電話通知每位學生？
2，放上校網通知取消（唔會有人咁痴線一早起床上校網呱）？
3，去到城門先知取消（咪玩啦一場黎到，點都比我跑兩圈吖）？
再講，如果係咁勇敢肯為自己個小朋友着想，當日為咩見唔對路又唔早退？又何需要出到分身黎出個topic呢？
都係嗰句，relax，今年做得幾差都已經係過去式，大家都係愛錫自己小朋友嘅，下次有乜唔對路就鬆人啦，理得佢咩操行分，平時乖豬都已經A啦係咪？

醜樣豬

點評
Lewisli226  read this ? 但我問主持人老師，佢叫我搵有關老師，好，我千辛萬苦搵其他老師試吓，佢又話唔關佢事要搵其他   發表於 26 分鐘前


tiffanylmc  其實我覺得你如果想早退.應該搵班主任最直接.  發表於 16 分鐘前


Lewisli226  搵班主任-->佢又話唔關佢事要搵其他...  發表於 12 分鐘前

tiffanylmc  如果咁按你咁講個班主任就有D問題啦. 我仔一年級都試過運動會唔舒服時早退. 都係同班主任講聲就走得.   發表於 9 分鐘前






唔該傾計出post傾,點評唔係咁用,Lewisli226,介意講吓邊位班主任嗎?會唔會認錯家長做班主任?因為我仔當日都認錯人叫錯人,個個凍到包到隻糉咁鬼認得咩,早退真係同班主任講就閃得,我哋無必要呃你吖!