升小五, 要點谷? (真心請教) - by aeiou_drm

小時了了

升小五, 要點谷? (真心請教) (被冰封的帖) https://www.edu-kingdom.com/forum.php?mod=viewthread&tid=2805998&extra=&page=1

我自己久唔久會翻睇之前自己 "收藏" 的帖, 呢個帖好適合依家阿女小五嘅我. 我見樓主依家仍活躍 EK , 今年樓主小朋友好似係小六, 大家努力, 加油啊!

小時了了

ohnono #45 ------ 睇到呢到, 令到下學期阿女要出戰第一呈分試嘅我,更加要全力以赴去作戰

1分平均分名次可以相差10名
======
這個對於講求排名次第的自行或者一些頂尖直資學校來說，這一分就好比渴時甘露。

我諗對於那些band 1、2頭的同學來說，大家總希望能在自行時已成功被取錄而不要玩那個講求幸運的大抽獎。

而且，未到最後一刻，有誰可敢確認一定不會是band 1尾或者邊緣人。Band 1頭、中的同學可能大家徘徊在高分的範圍，可能大家同是90幾分。一但去到band 1中、尾時，大家可能在另一個範圍徘徊，這次可能是7、80分。雖同是一分之微，有人從全級第一跌落全級第10，有人從band 1頭跌落band 1中，亦有人從band 1中跌落band 1尾或者變成邊緣同學。

這一分，就是提醒我們呈分試的厲害，亦係這一分叫我們要盡全力，不需要保留，同是這一分，就讓我們認識到呈分試是一分都不能少。

有人就是因為相差一分跌落邊緣位置，連band 1英中學校都唔敢揀。有人就係呢一分，悔恨一生，因為佢知道只要當初努力多一點就可以。

一分看似沒有甚麼，不是用來嚇人還有甚麼用途！當你袋口只剩下一元的時候，你就會好小心去考慮應怎樣花費這一元。同樣，但當你係對這一分都咁認真的時候，那些唔小心而引致錯誤、失分的情況將會大大降低。你還會再粗心大意嗎！

小時了了

PalFan # 52

我所知既係, 如果名次跌後60-70名, 就係去左B2頭, 但我計算過個仔同另一個同學仔, 大家成績不是差太遠, 不過名次大家相差了50名左右. 這個便是我發現的地方.

若然個仔可以拎多5分, 他便去了B1中間, 便不會B1尾了.

MASAYA

即係跑一百公尺咁，衝線既時候要壓線，壓線快到幾多？唔知有冇0.05s，但呢下足夠分出勝負

skkeung

原帖由 小時了了 於 16-01-21 發表
本帖最後由 小時了了 於 16-1-21 16:36 編輯

ohnono #45 ------ 睇到呢到, 令到下學期阿女要出戰第一呈 ...

咁要買多些練習來做!

aeiou_drm

原帖由 小時了了 於 16-01-21 發表
本帖最後由 小時了了 於 16-1-21 15:51 編輯

升小五, 要點谷? (真心請教) (被冰封的帖)

Hello， 你講緊我呀

多得呢度D jm，xd， 響度學識好多野，又有好多同路人一齊分享下。

大家都加油，祝願各位公主，王子入到心儀和適合的中學

JJDBB

原帖由 aeiou_drm 於 16-01-21 發表
Hello， 你講緊我呀

多得呢度D jm，xd， 響度學識好多野，又有好多同路人一齊分享下。

我們還有一次呈分，希望大家努力加油！

Yanamami

你信唔信？其实無得谷｡学術其实由初小至小四小五都应要維持，要及早發現弱項同及早跟進，等到小五先谷，真係有点兒米已成炊……我覚得能勝出个馬鼻既反而係soft skills如時间管理、压力管理、multi-tasking(除学業，仲要顧及体艺訓練同比賽，務求有番d獎項), 仲有最紧要係小心謹慎。試諗下五至八分既careless mistake係呈分試入边係幾伤？只要比人小心就已勝出~

洋蔥頭媽咪

原帖由 Yanamami 於 16-01-21 發表
本帖最後由 Yanamami 於 16-1-21 20:33 編輯

你信唔信？其实無得谷｡学術其实由初小至小四小五都应要維 ...

我同意，好似我仔通常衰 careless mistake 多，你話佢差咩，其實佢又唔差，只係衰粗心多囉 !
我覺得又唔駛太緊張嘅，只要小朋友盡全力便可，作為家長只可以支持同鼓勵佢，得失又唔駛太介意嘅，有心機讀書嘅邊度都讀倒， band 1 都大把人入唔倒大學，band 2一樣有機會入大學，隨緣啦 !

hkpapa852

小時了了 發表於 16-1-21 16:35
ohnono #45 ------ 睇到呢到, 令到下學期阿女要出戰第一呈分試嘅我,更加要全力以赴去作戰

1分平均分名次可 ...

其實差幾十名既原因, 未必係個1分, 而係全級排名用各科既平均分/總分, 同呈分用標準分既差別.

整體平均分差1分, 但個別科目可能係差好遠.

要較易估計成績, 要做到科科分數都不能有太大起落

MrBeast

Yanamami 發表於 16-1-21 20:32
你信唔信？其实無得谷｡学術其实由初小至小四小五都应要維持，要及早發現弱項同及早跟進，等到小五先谷，真 ...

Agree, 尤其是習慣、態度、解難／處事方法要從小培養

Jane1983

如果好似post中一個媽媽的分享，quit左份工，深入了解自己個女的弱項，自己睇晒d書、再教佢、針對佢需要出卷。善用暑假，日日清d，係有機會。

但真係唔係個個家長有咁既心思、時間和精神。搏到咁盡幫到個女成績大躍進，抵佢的！

Yanamami

Jane1983 發表於 16-1-22 07:40
如果好似post中一個媽媽的分享，quit左份工，深入了解自己個女的弱項，自己睇晒d書、再教佢、針對佢需要出 ...

我覚得禁唔係好事……考得好係阿妈功力唔係小朋友功力，上到中学点算？阿媽继續發功定小朋友頓失方向，唔知点讀好？禁瞓身既阿媽都应該係紧張大師或完美主義者，对小朋友有—定壓力~
我都会自己出題目俾女考前温习，但僅此而矣~平日都係佢自己搞掂所有野，自己温好我先考下佢温掂未｡如果下下要研究完佢学乜自己再教，禁番学黎做乜？

Jane1983

回覆 Yanamami 的帖子

果個case好似係比較危急的，個亞媽直頭同個女轉校，自己辭職，start fresh，破釜沉舟咁。個個小朋友開竅時間吾同，在過程中，可能亦有幫佢女搵到讀書的樂趣。

MASAYA

Yanamami 發表於 16-1-22 08:48
我覚得禁唔係好事……考得好係阿妈功力唔係小朋友功力，上到中学点算？阿媽继續發功定小朋友頓失方向，唔 ...

同意, 如果係咁, homeschooling得啦

Jane1983

回覆 MASAYA 的帖子

斷估吾係好嚴峻，都吾會用咁極端的手段。
如果真係救番個女的成績，培養到佢的讀書興趣和習慣，呢d犧牲又值得。朋友個亞嫂發現女女自閉踩界，放棄好好pay的工幫個女，中間幾多眼淚吾講，佢女大左不知幾叻幾乖...

MASAYA

Jane1983 發表於 16-1-22 10:40
回覆 MASAYA 的帖子

斷估吾係好嚴峻，都吾會用咁極端的手段。

我冇睇原post，我只係見你話情況危急，覺得係小五小六先由零開始衝上黎咁去理解，如果唔係小朋友有咩特別問題，都搞到要最後咁樣衝線，我會覺得前幾年咪白過咁，不過我呢刻都未去睇原post，可能誤會你意思

MASAYA

IloveJJ 發表於 16-1-22 10:29
咁如果唔係阿媽quit咗份工，而係每科專補，咁又係小朋友自己的成績嗎？定係補習老師的成績?而家學校入面， ...

其實冇補習既學生都好多，不過多數係中游個d，名列前茅都有，不過又真係少數，至於父母有冇先教就好難講，其他人我唔知，我除左閱讀，就只教學校唔會教個d，連乘數表我都係等佢小二學校教，呀，常識我會先教囉，日常知識嘛，我之前唔知學校常識教乜，而家先知真係教日常知識，咁呢d一早教晒

小時了了

Jane1983 發表於 16-1-22 10:40
回覆 MASAYA 的帖子

斷估吾係好嚴峻，都吾會用咁極端的手段。

一講到父母點樣為兒為女付出, 我都忍唔住想講自己少少野.

一來自己情緒X限制, 二來真係為阿女, 以前係私人機構做低級管理層, 高峰時期都有幾十個下屬架, $$ 都好好 pay, 但好夜收工 (e.g. 夜晚十點之後), 假期有時又要返工, 唔少時候要帶埋公司野返屋企做, 賣心,賣身及賣埋家庭俾公司.

阿女小一時自己決定轉工, 堅做"低級文員"職位, 人工開始第一年時只有4位數字.但返五日, 準時收工, 收工真係收 (連個腦都可以唔洗再諗公司野), 從此以後可以理到阿女喇!

其實, 作為父母嘅, 為咗仔女, 好多父母真係可以做好多野架, 呢啲可能就係"天性"啊