撰文 : 張晨
呢頭689話要「揼水」10億去吸引一帶一路國家(我諗大部份都係中國)嘅學生來港讀大學。
嗰頭我就記得自己仲係「負債之身」。
雖然做咗幾年嘢，但當年讀Degree嘅錢仲未還清。 香港好得意，沙紙好重要，而錢更重要。
記得嗰時同同學講笑，問學校行動最迅速係幾時？ 就係你未交學費嘅時候。
讀Degree嗰時都廿歲仔，唔想靠屋企又唔夠錢畀，於是政府借畀你。一還就係咁多年。(當然係我廢拎唔到獎學金，再加上還款期長啦。)
幾年前長輩問我：
做咩要同政府借錢？
我答：
讀Degree囉。
今日阿媽問我：
做咩要向政府還錢？
我答：
讀咗Degree囉。
結論就係大家讀Degree，就係未搵錢，先借錢，再還足幾年。
你問我搞唔搞得掂？
香港人冇嘢唔掂嘅，買少隻Game、食少餐飯，數目唔係大，緊還到。
只不過係政府若然有閒錢，仲要成10億。 係咪應該幫咗本地學生先，再諗引入其他學生嚟爭飯吃呢？
喂政府你唔係單純幫佢哋喎， 係幫佢哋入嚟隊冧我哋喎！ 引清兵入關喎！
係，你要人才呀嘛。 香港唔夠多人咩？你肯定你已經用盡佢哋？
第日大家生咗仔女，可以考慮先將佢哋掟去「一帶一路國家」，再用嗰10億資助返香港讀大學。分分鐘慳唔少呀。
| 
發表於 16-1-16 15:14
而家香港需要嘅係奴才咋，最緊要上面話乜你就要話乜。
