八億成立基金支持資優教育

JWKun

八 億 成 立 基 金 支 持 資 優 教 育


　　(星島日報報道)香港資優教育學苑自○八年成立以來，依賴政府撥款及私人捐款合共兩億元營運，一直錄得累積虧損，《施政報告》昨提出，成立八億元「資優教育基金」，支持資優教育學苑栽培十至十八歲特別資優學生。教育局亦會繼續推行校本資優教育計畫，包括培訓中、小學校長和教師。

　　資優學苑連年累積虧損，政府終決定成立八億元「資優教育基金」以維持營運。資優學苑現時工作包括協助學校及早識別資優的中、小學生；在不同領域提供有系統的學術及非學術培訓，為資優生、家長和教師提供情意教育課程及服務。

　　資優學苑回應對消息感高興，已制定十年發展計畫，包括發展情意教育，支援資優學生和家長；提供特別深造課程予特別資優學生以迎接挑戰；進行研究了解香港資優學生的特質。教育局亦會加強支援校本資優教育發展，為校長及教師提供資優課程規劃和教學策略培訓、組織資優教育學校網絡等，讓學校靈活運用教學法，發揮資優學生潛能

2016-01-14

judy

又撥？ 一個基金，行政費多少，撥出又多少？

阿董改革之初，不是成立了優質教育基金嗎？

成立咪咪會物物會最大用途是出錢請一大批人，然這些人冇事找事做專出些制度啦、章程啦過來折磨人。社會由此多了一批使費，虚耗一些精力，少了人為社會創造財富。

ANChan59

HKAGE，巧婦難為無米之炊。


終於成立「資優」教育基金，好事！

Stillgood2

原帖由 ANChan59 於 16-01-14 發表
HKAGE，巧婦難為無米之炊。

資優兒童和學生，係家庭沒有資源之下，"資優"不知是好事，定壞事。就最簡單，去做評估，已經要自費，往後的培養，也需要資源配合。
曾經，在學生健康計劃，詢問醫生。
醫生簡單回答: 評估自費，於外边機構。就算評估結果是資優，那有可如何?醫生唔建議做!
另外，資優兒可能有不同特質和專長。也需要資源去研究，分辨，和配對。
支持資優基金是必要的。知識型經濟，除了常規教育，開發常規以外的人材，增加香港多元能力。

ANChan59

原帖由 Stillgood2 於 16-01-14 發表
資優兒童和學生，係家庭沒有資源之下，"資優"不知是好事，定壞事。就最簡單，去做評估，已經要自費，往後的 ...

香港好得意，一般教育經費資助大眾的學生，合理的。SEN家長嘈吓就多些資源，資優家長冇乜出聲，所以政府資源投放一向很少。


以前看過一些外國研究，投放在資優教育十分化算，本少利大，大部份國家地區積極去做，你看台灣及中國大陸，香港是例外的。

Stillgood2

原帖由 ANChan59 於 16-01-14 發表
香港好得意，一般教育經費資助大眾的學生，合理的。SEN家長嘈吓就多些資源，資優家長冇乜出聲，所以政府資 ...

可能，香港社會上普遍有誤解。誤解: 1) 某少部份資優童，有情緒病，如過度活躍症，自閉症 ... 其實，並不是完全相關，但偶然，巧合存在  2) 資優，即係好叻 成績好，那不需要特別再優待。 事實，資優分類也有語言天份，数理天份，藝術，... 有時，資優於數理，語文能力弱... 3) 常規教育，以整體成績為重。學校於教學理念，必然以常規為標準。  口中所講拔尖，往往以成績(分数)為準則。  就中大 科大有資優暑期班，學校基本是用學生成績，分數去釐定那些學生有資格。 但實情，中學學習，努力用功已可達成績理想效果，未必反映學生潛實。

我建議基金亦需要推廣教育一下，如何發掘資優童。又應該如何堤供發展機會予資優童。

我亦相信，投資於資優上，對社會有理想回報。

小曳人

HKAGE所舉辦之課程，接受學校提名，而HKAGE職員亦可到學校教老師析別何謂資優，當然，做唔做到，肯唔肯做，就唔到HKAGE控制。

今年開始，HKAGE改變以往政策，加推家長提名。而以往被提名嘅學生部份並無學習嘅興趣，新嘅政策底下，將會有probation 式網上課程，學員需要完成相關課程，合格，先可以真正成為HKAGE學員，上face to face嘅課程。

HKAGE今年亦會加強情意教育，希望幫到資優兒常遇到嘅問題。

我係一個非學員家長，我响家長小組學到好多同仔相處嘅技巧，大家亦同聲同氣，唔再有苦自己知。

其實呢班小朋友學嘢快，各自可以有特別專長，放資源响佢地身上嘅成效應該對整體社會係較高效能嘅。而响傳統課堂上，佢地會遇到好多問題，甚至會影響老師教學，適當嘅老師培訓，加強教育心理學家輔導，呢d都對佢地响學校行為上，學習動機上，朋輩相處上，都有好大幫助！

佢地都係SEN，佢地都好需要人明白佢地，佢地都不過係小朋友....
資優~唔係個個都品學兼優架！更多嘅係underacheiver，活响困苦當中...

其實2015年，HKAGE都做過一輪公關活動，包括多編唔同媒體嘅訪問/專題報導，希望公眾對資優多點認識！

MASAYA

小曳人 發表於 16-1-14 21:05
HKAGE所舉辦之課程，接受學校提名，而HKAGE職員亦可到學校教老師析別何謂資優，當然，做唔做到，肯唔肯做， ...

政府都係將資優定位為SEN，不過學校SEN既支援唔覺會幫助資優生

小曳人

MASAYA 發表於 16-1-15 11:50
政府都係將資優定位為SEN，不過學校SEN既支援唔覺會幫助資優生

唔係架！我有次聽到某名小校長同HKAGE 職員傾單嘅對話，校長話：
edb俾落SEN嘅錢，就算用剩都唔可以用响資優度！所以都好難做....

而我私底下同一位學校老師傾時，提到學校教育心理學家，老師話：佢地都好忙，所以唔會得閒處理資優case...
言下之意，叫我有嘢都唔駛返學校求助！無人會理我！

真係孤兒仔架！

MASAYA

小曳人 發表於 16-1-15 12:04
唔係架！我有次聽到某名小校長同HKAGE 職員傾單嘅對話，校長話：
edb俾落SEN嘅錢，就算用剩都唔可以用响資 ...

下？政府自己定架喎...
http://www.edb.gov.hk/attachment/tc/about-edb/publications-stat/publication/sen_guide.pdf

不過校方主要都係睇報告做野，如資優生冇報告話有學習困難，佢地又的確唔會理

ANChan59

原帖由 MASAYA 於 16-01-15 發表
下？政府自己定架喎...
http://www.edb.gov.hk/attachment/tc/about-edb/publications-stat/publication/se ...

學障及資優是一缐之差，但在香港待遇大大不同。

我以前就算有資源，但都要敲門，好多課程有年齡限制，好難有位。

在老師培訓方面亦遠遠落後 SEN 學生，