一個學生反對普教中的Q&A

tamama79

為不影響對普教中的討論 修改了語氣措辭 因轉載關係Q&A部份仍用口語書寫
我是一名三大學生 小學至中學都是粵教中 中文成績優異 普通話對答尚算流利
本文以學生學習角度出發
並未深究語言學 純粹個人感受 未必符合linguistics

Q:我想個仔普通話叻d
A:小學係有好多普通話堂既 佔課時好大比例
我係小學六年係已經學識哂聲母韻母讀音 小學畢業個陣既我&其他同學都可以用普通話流利對答

Q:咁普教中可以再用多d普通話 再流利d喎
A:學普通話我好認同既 因為識多種語言有好多好處 但點解唔應該用普教中呢？
一個土生土長既香港人 母語係廣東話 90%日常用語都係廣東話 大陸人除外
咁母語就係我地最容易吸收同理解既語言 就算學其他語言 我地都只會用緊廣東話既mindset
例如我地有咩英文生字唔識 第一時間都係搵中文解釋 而唔係用情境既想像去理解果隻字
所以小學生做一份中文卷 佢要係腦裹面特登tune左d普通話做廣東話mindset去理解 係會學得慢左
小學d簡單文章尚可應付到 但上到高中教莊子論語呢d深奧野 係好難即時理解既

Q:咁點解大陸人又可以普教中？
A:因為大陸人既生活係90%用普通話 即使佢地有方言 但日常用語仍以普通話為主 普教中咁少既課時係唔足夠去tune到mindset 除非家長可以將佢日常接觸既所有中文變成普通話 包括所有說話、電視對白、環境等等

Q:聽聞普通話係書面語 作文會好d喎
其實普通話都有口語 eg.兒化音
and小學作文只是第一階段公開試才是重點
DSE並不重文筆
更何況用書面語同文筆無關係
寫錯口語既情況係小學生先會出現
唔應該顧此失彼
到升上中學作文 人地用母語去構思
普教中學生就要用普通話慢慢諗 呢d咪輸在起跑線

另外,高中係用粵語教中文，如果上到高中先由普通話教學轉廣東話教學，
就要用大量時間適應 但本身粵教中既同學已經學緊更深層次既野
除非高中都轉普通話教啦 但政府做野速度好慢 冇咁快會轉

Q:咁大陸商機處處,我想個仔抓緊大陸商機喎
A:鋪路係岩，但應該先諗公開試
DSE淨係考中文英文
想個仔考好DSE 最好方法係谷英文 普通話根本冇英文咁重要
香港學生英文越黎越差 但英文係搵好工最重要既標準
好多大學將英文科double count
口音要細個學 大個好難改
唔知有冇以偏概全 由地鐵d細路做功課/交談見到
今日既家長好似重視普通話多過英文

Q:我都係想我個仔普通話叻
A:家長可以買普通話教材 可以播普通話卡通片 可以同佢講下普通話
我自己都鐘意睇大陸劇
可以將普通話當做一種語言黎學 但唔應該將普通話上升到用黎學中文

有咩意見都可以討論下

Iloveoldseafood

為了兒子學好中文，2個月前跳船，安排轉廣教中學校，中文明顯有進步，現時讀小二

Iloveoldseafood

我非常認同樓主

Jane1983

一開口在標題已經用「點醒」家長，而家年青人的氣勢真係好厲害！

palmchristy

青年人自己心中非常明白, 他們才是未來社會的棟樑, 而在社會中打滾了多年的家長, 如果立場和他們不同, 都是不明事理, 需要點才會醒的.  因為再過些日子, 便要靠他們了.

所以, 新會員用"點醒"這個字眼, 是非常客氣而又反映現實的.

P.S. 我對普教中未有立場.

annie40

回覆 tamama79 的帖子

多謝樓主「點醒」！


也許因為全文Q&A運用港式口語拼習少量英文字母，本人需要努力地調節來吸收才有點明白，過程又慢又痛苦，估計是樓主的港式文筆，也讓母語是廣東話的家長見識「tune慢左mindset」之苦呢。惟望樓主下回認真考慮用書面語分享賜教。


請問甚麼是三大學生？看文時想了一會兒，不肯定是大學生，中學生，還是小學生，見後面提到中文5星，猜想是位大學生了，對嗎？

p.s. 謝謝您特意開新帳戶來「點醒」香港家長，真有心啊，學生！

MASAYA

palmchristy 發表於 16-1-11 22:52
青年人自己心中非常明白, 他們才是未來社會的棟樑, 而在社會中打滾了多年的家長, 如果立場和他們不同, 都是 ...

我同意樓主既觀點, 但係用詞客氣d其實令內容更有力, 態度強硬反而令人容易忽略內容

sukitelfold

原帖由 tamama79 於 16-01-11 發表
本帖最後由 tamama79 於 16-1-11 18:56 編輯

是咁的 我係一個三大學生 小學至中學無用過普教中 中文5*  ...

多謝「點醒」！我小朋友想補中文，收唔收學生？

tamama79

annie40 發表於 16-1-11 23:15
回覆 tamama79 的帖子

多謝樓主「點醒」！

本人以口語行文,皆因本人有意將此文轉載到其他地方,故特意使用口語論述,如閣下難以明白,本人便以書面語回覆。三大學生是指港大、中大、科大學生，想必是閣下畢業已久，所以不太清楚學界稱呼。本人點出自己是三大學生，目的是增強文章說服力，是要指出粵教中的學生並不落後於普教中學生。

至於點醒一詞，可能令身為長輩的家長們略感不快，但用詞並非重點，請各位認真思考上文的內容。因本人看到社交網站內支持普教中的留言，認為大部分論點存在謬誤，不吐不快，才用上點醒一詞，請勿因此而略過文章。如有針對普較中的論點，歡迎再留言討論。

YolandaTam

樓主, 有事請教:

小女來年將升中一, 由於風聞心儀中學的普教中組是精英組, 師資較佳, 因此中文較佳的同學都爭相投考, 要進入普教中組必須經過面試和筆試, 頗為嚴格.  小女抱着"遇強越強"的心態, 亦希望和成績較好的同學一起上課, 因此打算投考.  但說實話, 我是反對普教中的, 樓主跟小女都是年青人, 請指點一二, 我應以何理據來說服小女? 我不希望到時小女萬一考中, 我才措手不及...

tamama79

MASAYA 發表於 16-1-11 23:17
我同意樓主既觀點, 但係用詞客氣d其實令內容更有力, 態度強硬反而令人容易忽略內容 ...

我明白,早上看到報導指家長們對粵教中十分反感,他們認為粵教中就是輸在起跑線上,作為一名粵教中學生,難免憤憤不平,亦認為這些家長視野不夠長遠,所以用語比較強硬,煩請細看內容,不要被語氣所影響。

palmchristy

在求職面試時，你可以嘗試用文中的語氣，去試試面試人員是否有興趣了解你所要表達的內容。你可能會發現，語氣可能比內容更重要，因為這會影響到他人對你的觀感，令他們很快地評估出是否需要給你機會。

如果讀者有興趣看下去的話，應會發現你文中部份論點是有道理的。

tamama79

YolandaTam 發表於 16-1-12 01:01
樓主, 有事請教:

小女來年將升中一, 由於風聞心儀中學的普教中組是精英組, 師資較佳, 因此中文較佳的同學 ...

不敢當,請問貴子女的普通話能力如何？小學是否習慣普教中？
如貴子女的普通話不錯,晩輩建議試試投考,主要因為師資和學習風氣。晚輩唸的班級是理科班,班上同學十分努力讀書,逼令我留心聽課和認真複習,不敢鬆懈,相反另外兩班同學經常相約玩樂,能力好的亦無心聽課。學習風氣是很重要的,比普教中和粵教中的差異重要很多,近朱者赤,如貴子女習慣普教中,倒也無妨,因為高中較艱深的部分會以粵語授課的,現在更重要是找到好老師,培養好對中文的興趣。其實上文論點主要是反對小學普教中的,因為小學生較年幼,學習能力、理解能力較中學生低,所以未必能適應和兼顧多種語言,而且用粵語打好中文根基較好,但中學生對語言的掌握力較高,如果早已適應可以繼續的,到時高中轉回粵語需一點時間適應,但始終師資和學習風氣更重要。


如果閣下還是希望粵教中的話,晚輩再回覆。

tamama79

palmchristy 發表於 16-1-12 01:24
在求職面試時，你可以嘗試用文中的語氣，去試試面試人員是否有興趣了解你所要表達的內容。你可能會發現，語 ...

謝謝你的意見，面試我會十分恭敬，因想著這裏是討論區，便沒有注意。倘若知道這裏比較著重語氣措辭，我亦不會用上點醒一詞，如有關於普教中觀點亦歡迎討論，因為上文只是我的個人意見，我自己未嘗試過普教中，亦想了解一下實際情況有否不同。

annie40

回覆 tamama79 的帖子

小學生較年幼,學習能力、理解能力較中學生低,所以未必能適應和兼顧多種語言,而且用粵語打好中文根基較好。xxxxxx
同意小學生理解能力較中學生低。但另一理論是幼童對語言，語音適應力，學習力高，如果有良好師資，語境，會否很快便成為雙語孩子，習慣普教，不用中學轉回用粵語教古文或其他經典文學呢？

ps， 本人並無立場，只想求出不同觀點和角度。

YolandaTam

原帖由 tamama79 於 16-01-12 發表
本帖最後由 tamama79 於 16-1-12 01:38 編輯

謝回覆。

小女小學是由小三起可選擇是普教中還是粵教中的, 本來校方把普教中組定性為精英組, 但不知因何自小四開始有不少成績本來選了普教中組的同學轉回粵教中組,其中不乏成績較佳的同學(有人說這些同學因為老師普通話欠佳,授課拖沓,功課多又不到位而退出), 我一向為小 選粵教中組。

她的普通話聽寫無問題,只是發音較差, 因而她才打算如升讀心儀中學會投考普教中組。現在我明白了,絕對尊重她的意向,我不會再想去阻止她了。

MASAYA

tamama79 發表於 16-1-12 01:09
我明白,早上看到報導指家長們對粵教中十分反感,他們認為粵教中就是輸在起跑線上,作為一名粵教中學生,難免憤 ...

你講既內容我都有細看，所以先會話同意你觀點，因為我都係咁樣同人講，睇埋你另一個回覆話中學生有能力普教中，認同，我打算小朋友升中時畀佢自己選擇。我知道語氣既影響，所以唔會畀語氣影響，見你已經修改用詞，是會判斷、修正、改善的年輕人，值得一讚。內容係最重要，但表達出黎畀對方接收都好重要，無論內容幾好，打唔入對方個心都係枉然，而且非常可惜。

sukitelfold

同意樓主是一個有前途的年青人。。。讚！普教中，個人覺得有三大條件之下，我是讚成的。1）師資要接近普通話母語口音⋯2）小朋友的語言天份要比輕高⋯3）學校要有相當的普通話語境。。。同意annie40越細個接觸，相對掌握其他語言比較容易！！！純粹討論，沒有對錯，利申：亞女是普教中，效果相當滿意。。。

sukitelfold

另外想加多個現實的「Q」⋯⋯Q：而家好多中學面試，無論小組討論或單對單面試，好多時也需要用普通話面試，相對普教中的小朋友，平均在這方面是否有優勢呢？！

MASAYA

另外補充一下自己觀點，唔好好似只講同意、認同就當我既意見...

廣東話、普通話、英文，係三文三語，並唔係政府講既兩文三語，呢個只係推銷手法。說話係即時同互動，寫作係深層次思考，係兩套語言系統，所以我手寫我口都係政府既推銷手法。內容係最重要，文筆係襯托，所以一篇文章有冇價值，作者思維最重要，用母語思考最直接，所以小學階段學習語文我選擇廣教中，普通話獨立堂就夠，想有流利普通話，有語境既普通話堂唔得，一定要用黎學中文？