那間直資有較好的支援予亞氏保加(自閉譜系)男仔?

h9907246

請賜教🙇🙇感激不盡！！
那間直資有較好的支援予"亞氏保加”男仔？

囝囝現K1, 英文聽同講能力很高，但寫及認字弱，a b d p 都有明顯 混淆情況 (有點像讀寫 障礙表徵)

另外，聽指令及服從轉弱，大班教學唔啱他。

🙏🙏🙏🙏🙏🙏🙏🙏🙏🙏🙏

小王子J

原帖由 h9907246 於 16-01-11 發表
請賜教🙇🙇感激不盡！！
那間直資有較好的支援予"亞氏保加”男仔？

你可以去special 嗰邊問

target4

K1甘快已知？

小王子J

原帖由 target4 於 16-01-11 發表
K1甘快已知？

對，五、六check會準好多

iamadc

那麼係唔係找官津？唔知亞氏明唔明顯，如明顯，直私面試應可以看出。我就唔覺得這些學校真係有教無類，除非二線尾三線，那麼同抽無乜分別，又免費。可以比你多點預算做training.

ncls

椐聞新會商會支援特殊學習需要好好，特殊教育培訓50%，政府資助。

monsterparentss

我朋友個仔仔係亞氏保加，佢依家讀嶺南大學香港同學會小學。

佢話係朋友介紹，佢朋友個小朋友亦係亞氏保加。

學校小班，一級2班，包容大啲。之前都適應咗一段時間，但依家讀得幾開心。

siden

原帖由 monsterparentss 於 16-01-11 發表
我朋友個仔仔係亞氏保加，佢依家讀嶺南大學香港同學會小學。

佢話係朋友介紹，佢朋友個小朋友亦係亞氏保加 ...

我都諗起之前有jm提過呢間包容度高

monsterparentss

回覆 siden 的帖子

其實係初小都發生咗一啲唔開心事，但希望係個別事件。
他媽媽盡量配合學校，因媽媽知道自己小朋友真係難控制的。

總算依家讀得幾好。

AgapePa

iamadc 發表於 16-1-11 18:54
那麼係唔係找官津？唔知亞氏明唔明顯，如明顯，直私面試應可以看出。我就唔覺得這些學校真係有教無類，除非 ...

其實好多直資都有支援亞氏 ( eg. 港同), 但唔會大力宣傳吸引亞氏報考, 亞氏面試亦無優待, 總之考得入就會幫你.

cyriliris

我認為呢方面津校資源反而較多。如小朋友認字寫字麻麻，應選擇小班，小功課的學校。好多傳統直私就唔係咁，又大班，又多功課，注意力放在好成績的小朋友上。同埋可試下直接打去學校問。佢地有無心做，一問就知。我問過一d津小，佢會搵負責呢方面的老師答，有d直私就叫我自己去簡介會聽。

iamadc

去過一個簡介會，真係有個爸爸問這個問題，校長亦好直接話老師無這方面知識，無支援，意思係唔洗apply。聽到都幾shock, 這是間基督教學校，宗教氣氛濃厚！

mockingbird

是斧山道 附近嗎？

小王子J

原帖由 iamadc 於 16-01-12 發表
去過一個簡介會，真係有個爸爸問這個問題，校長亦好直接話老師無這方面知識，無支援，意思係唔洗apply。聽 ...

重視音樂又基督教嗰間？

micmicmic123

有特異功能亞氏保加小朋友，男抜最喜歡收。

小王子J

原帖由 micmicmic123 於 16-01-13 發表
有特異功能亞氏保加小朋友，男抜最喜歡收。

really？！交報告畀佢地？

小曳人

我個人覺得，SEN要支援，一定係官津校較多資源

而男拔收生，小一要過到面試先得，插班就"容易"好多，因為好多亞氏仔其實IQ好高，如果响數學比賽有優異成績嘅話，到時就唔多睇"面試"表現

iamadc

原帖由 小王子J 於 16-01-13 發表
重視音樂又基督教嗰間？

是的

cyhh

原帖由 iamadc 於 16-01-13 發表
是的

但我朋友個女係阿氏保加，喺度讀緊喎，小四了，佢仲話讀得幾好，所以妹妹都讀。妹妹小一。

iamadc

原帖由 cyhh 於 16-01-13 發表
但我朋友個女係阿氏保加，喺度讀緊喎，小四了，佢仲話讀得幾好，所以妹妹都讀。妹妹小一。



  ...

都係那句，學校唔會想收，收了都要幫，或亞氏加資優，又唔同講法。