York 主流班還是國際班好D？

Happymama330

英文邊個好D？

Happymama330

考小邊間好D？

chungayu2

問返自己想小朋友如何。。。我就入左主流班，除左不是外國人班主任之外，冇咩分別，我家中100%廣東話，小朋友現在K1,在家中自己玩時，多左自己同自己講英文，返而中文要用心教佢。。。。
另讀小學方向，都係要睇小朋友天賦，唔通覺得那間學校好，就跟風去報，受害的只會是小朋友和父母。。。。

maomaofafa

英文程度應該無咩分別，國際班多個NET 班主任。我自己報國際班係貪佢多主流班2堂普通話。

Happymama330

咁其他校內嘅活動有冇分別呢？

Happymama330

我只知國際班校舍大D靓D。

Happymama330

chungayu2 發表於 16-1-8 16:37
問返自己想小朋友如何。。。我就入左主流班，除左不是外國人班主任之外，冇咩分別，我家中100%廣東話，小朋 ...

我朋友個囝囝讀緊國際班，家中都係全廣東話，但小朋友英文都算above average, 冇中國人嘅口音。所以我想知主流班小朋友嘅英語水平係点，因我了解係只有上英文堂才有net, 其餘全部都係本地英語老師。

Happymama330

maomaofafa 發表於 16-1-8 17:45
英文程度應該無咩分別，國際班多個NET 班主任。我自己報國際班係貪佢多主流班2堂普通話。 ...

我自己就两班都有報，但徧向國際，因喜歡有net 班主任同每日有普通話。只係成日聽到人話其实两班分別不大，咁學費貴$900就係貴咗係校舍，net 班主任同多咗普通話？如果囝囝本身係語言天份高，咁係咪國際班會較適合呢？

maomaofafa

原帖由 Happymama330 於 16-01-09 發表
我自己就两班都有報，但徧向國際，因喜歡有net 班主任同每日有普通話。只係成日聽到人話其实两班分別不大， ...

$900多個net班主任同一個月8堂普通話我覺得幾抵，而且我重視普通話，所以我一定會揀國際班。語言天份沒怎麼考慮，但我覺得多點機會接觸也是好的，小朋友吸收很快，好過特登額外又走出去上，增加彼此壓力。

chungayu2

回覆 Happymama330 的帖子

大家都好似注重左英文和國語教學，York方面英文一定問題不大，返而中文我小朋友讀左K1半年，己經表演興趣不大，要家長留意了。

Yoyo81

原帖由 chungayu2 於 16-01-09 發表
回覆 Happymama330 的帖子

大家都好似注重左英文和國語教學，York方面英文一定問題不大，返而中文我小朋友 ...

我覺得中文難D,同埋想囡囡上主流小學，所以選擇本地班

swarovski2011

但讀主流班有對中文加深左興趣嗎？如果國際班和主流班課程一樣，只是班主任的國籍有分別，咁讀哪一班對中文的興趣影響都不大

Happymama330

swarovski2011 發表於 16-1-9 13:41
但讀主流班有對中文加深左興趣嗎？如果國際班和主流班課程一樣，只是班主任的國籍有分別，咁讀哪一班對中文 ...

認同你的講法，因為两班課程都一樣，不過好多時都聽到人講york小朋友嘅中文係會差少少，但英文就好好。其实真係好難有一間幼稚園可以做到樣樣都好，就算一線名幼都會有佢著重的賣點。

Happymama330

chungayu2 發表於 16-1-9 12:19
回覆 Happymama330 的帖子

大家都好似注重左英文和國語教學，York方面英文一定問題不大，返而中文我小朋友 ...

其实興趣不大即係點？平時講少咗？我朋友個女讀國際學校，對中文真係冇乜興趣，主要講英文。我囝囝返學前主要講英文，返學後講多咗好多中文，因為係本地班主任，同學校接觸中文多咗，好彩每天都有net上英文堂同埋屋企盡量用英文嚟平衡返。