測驗,考試及功課量

carnick

小女將於明年升讀小一,想知道多點聖心學校的測驗,考試及功課量.希望有用家可以分享一下.
1) 從網上資料看到聖小每學年有2考4測,請問小朋友課餘休息時間會否很少呢?
2) 學術以外,聖小課外活動多嗎?
3) 每天功課量如何呢?
4) 每星期都有中,英默書嗎?
明白做功課及溫習時間亦視乎小朋友學習能力及專注程度,資料只能作為參考.
謝謝你們的寶貴分享.

mandycheung333

小兒今年大抽獎好好彩抽中聖小, 暫時功課量不多, 每天約4-5樣, 不計改正(若做功課及默書好, 改正自然少, 或者可以冇), 當然有時功課會多D .... 默書11月開始每星期都有中英默書.... 課外活動種類一年級都有7-8樣, 你小朋友今年去左邊間讀?

cecila

回覆 mandycheung333 的帖子

hi mandycheung333
小兒下年會入讀聖小小一，想了解多些希望能分享一下，謝謝

請問學校老師是否可嚴？係咪比較主重分數？
如果學生比較吾聽話吾專心，老師會點處理？
11月開始每星期中英默書，請問默書範圍可多可深嗎？
聽聞午餐時間只有15mins,是嗎？
課程有否教快半年？

mandycheung333

回覆 cecila 的帖子

請問學校老師是否可嚴？[[回覆]] 家長會時見到阿仔班主任好nice, 有D幼稚園老師feel, 有時唔小心冇帶書及功課, 都只是寫手冊通知家長, 阿仔話老師冇話佢..... 但我又聽到有1位其他班的小朋友因為欠交功課比老師鬧..... 我個人感覺老師都不是太嚴.
PS 在選校時都有擔心過太嚴太多功課默書測驗考試阿仔唔ok, 但因考慮派中學表現及別人評語聖心小朋友好乖, 相對遇到困難時冇咁容易放棄......所以最後都放左大抽獎第一志願.
當讀左3個月又唔覺得好多功課, 測試考試都唔係最多果D, 所以先前擔心又冇了!!


係咪比較主重分數？[[回覆]]   學校好主張健康校園, 午飯是食品公司早上到學校炷 (這點我覺得好好), 沒有小食部, 鼓勵帶健康小食小息食, 不要帶零食.....
老師時時話小朋友需要有休息時間.....唔好太多野學.....咁你可以想像學校對小朋友是如何....
是否注重分數這方面感覺不到, 但我覺得入來讀的大部份學生已經有一定水平, 因為家長會見到其他家長質素都高.....老師有講過今年入來D小朋友唔錯, 睇得出有備課, 亦適應得幾好.....

如果學生比較吾聽話吾專心，老師會點處理？
[[回覆]]   老師會教佢, 但當然好幾次唔聽之後都會邊話邊教.... 我仔班都有D活潑小朋友, 但個個都好鍾意返學, 所以老師應該唔惡.
p.s. 我先前唔覺, 直到阿仔返左3個月小學後覺得.....小學是對小朋友來講好重要, 我阿仔完全吸晒學校教佢的一言一行, 我好慶幸入到這所天主教學校, 校風十分之好, 我所見到的小朋有都很乖, 學校絕對可以教好小朋友及受朋背影響.

11月開始每星期中英默書，請問默書範圍可多可深嗎？
[[回覆]]   中文會多些深些, 需要讀範圍較大, 抽一段讀默及詞語, 試過一次背默.  英文讀默句子及phonic.
我比較過其他小學都差不多,  不可能太淺, 因學校亦需要考慮銜接聯系中學程度...

聽聞午餐時間只有15mins,是嗎？
[[回覆]]   應該無咁短, 我個仔食得咁慢都ok, 而且學校咁注重健康, 不用擔心..

課程有否教快半年？


[[回覆]]   現在無, 遲D唔知, 因中文數學都教得幾快.

cecila

回覆 mandycheung333 的帖子

mandycheung333 多謝你既回覆，睇完你既回覆，我放下了一些擔心，真的很謝謝你