請問有家長收到優才offer 未？

magg2241

原帖由 kc1016 於 16-01-04 發表
想請教一下你覺得優才有咩優點你鍾意呢？

我有個朋友的兒子係由優小讀到優中畢業的，佢話優中頭三年真的如校長所講是“開心學習”（學校的第一個目標），之後三年因要應付DSE，(校長說入讀本地大學是學校另一個目標)，所以會比較辛苦，這亦是正常的，因我囡囡係坐唔定，所以頭三年我覺好適合佢，同時學校會投放比較多資源在Science科，我囡囡已明確知道自己好喜歡Science，因此佢自己都覺得呢間學校好啱自己。
我朋友亦好欣賞優才的小班教學，佢話每班有兩個班主任，由於初中係學生的發育階段，佢覺得老師有好留意學生心理及生理的轉變，能為學生提供適切的輔導。
雖然囡囡應該可入傳統的名校，但我不想囡囡太過辛苦和太大壓力，我只求她開開心心享受她的校園生活，然後考入大學。

Anniewinky

原帖由 magg2241 於 16-01-05 發表
我有個朋友的兒子係由優小讀到優中畢業的，佢話優中頭三年真的如校長所講是“開心學習”（學校的第一個目標 ...

知道學校課外活動會收費用嗎？謝謝

cptma

新人報到。大家好！多多指教！

cptma

新人報到。大家好！多多指教！

magg2241

原帖由 Anniewinky 於 16-01-05 發表
知道學校課外活動會收費用嗎？謝謝

“優才、福建（觀塘）、中華基金懇請俾意見”呢個post #18有講

Anniewinky

原帖由 magg2241 於 16-01-05 發表
“優才、福建（觀塘）、中華基金懇請俾意見”呢個post #18有講

cptma

很想加了解一下，優中怎樣令學生從愉快達至學習呢？我知道功課少，但：
1.課堂活動
2.功課形式
3.課程深度和廣度
4.評估形式......是怎樣的呢？
有沒有家長可以解答一下？
想知道學校對學生的學術表現有甚麼要求。謝謝！

kc1016

原帖由 magg2241 於 16-01-05 發表
我有個朋友的兒子係由優小讀到優中畢業的，佢話優中頭三年真的如校長所講是“開心學習”（學校的第一個目標 ...

我仔同你女女差不多，又係坐唔定，佢鍾意科學，數和音樂，老師都同我講，佢可以入到更好的，但佢自己唔想多功課，死讀書，壓力大，而我就想佢開心，能建立自信和自律，所以希望無選擇錯誤。

另想問下，你知道優中的課程深嗎？如我們不是優小直升，會否難pick up?

magg2241

原帖由 kc1016 於 16-01-05 發表
我仔同你女女差不多，又係坐唔定，佢鍾意科學，數和音樂，老師都同我講，佢可以入到更好的，但佢自己唔想多 ...

我朋友話優中的課程都深㗎，非優小的學生，二月開始會有Bridging Programme，相信小朋友學嘢快，應該唔難pick up

magg2241

原帖由 cptma 於 16-01-05 發表
很想加了解一下，優中怎樣令學生從愉快達至學習呢？我知道功課少，但：
1.課堂活動
2.功課形式

對不起，我答不到你的問題，我朋友話她的兒子初中時讀得好開心，每日最多做一個鐘功課，佢會有好多時間同個仔傾計。朋友亦好欣賞學校的學生交流計劃，因為學生會入住當地家庭或學校宿舍，這令學生更能體會當地人的生活及文化。

cptma

謝謝你！知道2月已有bridging programme我沒那麼擔心。這樣問是因為既然功課少，想知道是否靠課堂活動和自己溫習已能達到學校的學術要求。希望小朋友應付得好。

cptma

聽開也有家長課，安排是怎樣的呢？

iamderek

cptma 發表於 16-1-5 12:59
很想加了解一下，優中怎樣令學生從愉快達至學習呢？我知道功課少，但：
1.課堂活動
2.功課形式

3. 優中G7課程：
中文：初中係普教中，高中轉回廣東話，正常坊間課本
普通話：GAPSK中學組，兩年內讀完
Math：正常坊間課本但快接近半年
I.S.，Geog，中史：正常坊間課本
Bio：最初先讀完I.S.課程內的Biology部分，然後開始讀IGCSE
English：Oxford's New Headway Pre-Intermediate （因為係國際版，唔知點同本地課程比較）
Reading：Daybooks of Critical Reading and Writing （又係國際版，唔知點同本地課程比較。但聽聞有其他中學中一會用優小G4讀嗰本）
Writing：我自己覺得最特別和最花資源，一星期有一堂即場作，即場改，老師一對一指出可以改進的地方。如無記錯，係3老師對25學生

4. 評估形式
一年三學期，每學期一次評估，也有計算平時分（功課和測驗）。跟優小評估對照，比較多長問題（open-ended questions)。升班係中英數合格(50%)，其餘四科有三科合格。另有達標獎學金，全科合格，中文>60%，英文數學>65%，其餘四科有兩科＞65％。

1，2唔識答，阿仔好少講，由G6開始我已經無理佢功課，但肯定功課好少。

其實點樣「從愉快達至學習」，我估連學生自己都唔識答，因為佢地只親身經歷過一間中學。但我覺得功課少，壓力小，有多姿多彩的校園生活，同學品格良好和彼此的背景性格相約，小朋友一定覺得愉快。而公開考試暫時看起來成績也不錯（當然大把學校成績好過優才），間接證明學生真的在學習中。

iamderek

cptma 發表於 16-1-5 15:56
聽開也有家長課，安排是怎樣的呢？

四堂家長課（本校和外校新生家長一齊上），一個月一次，主要係介紹課程和教學理念。

以下抄返我之前答其他家長
--------------------------------------
我最鍾意優才的地方，就是they deliver what they said they would（優小肯定係，優中暫時都係）。你在新生家長課那四堂聽到什麼，學校真的這樣實行。例如你會聽到校長坦白同你講，初中係喜悅，俾時間你發展學業以外的興趣和才能，但去到高中，為咗考公開試入大學，一定要谷，一定要專心讀書。家長用幾小時的時間，了解小朋友未來六年的學習過程，我自己覺得超值。適合就入讀，唔適合咪再揾其他學校。

cptma

十分感激您詳細解答，讓我對學校有了進一步了解。你提到的ICGSE,好像是英國的考試。我想多了解一下，考這個試目的是為海外升學鋪路？還是學校以此作為學術的standard呀？我面試時聽老師說「每年考一D」，我不太明白。

iamderek

cptma 發表於 16-1-5 18:20
十分感激您詳細解答，讓我對學校有了進一步了解。你提到的ICGSE,好像是英國的考試。我想多了解一下，考這個 ...

其實要全部G9學生考IGCSE Biology，係有啲爭議性，而背後實際的理據係乜，真係要問李教授先知。從過去六年半我聽回來的原因是：
（1）考IGCSE壓力唔大（比以前香港會考淺，而且唔係要嚟報大學，考唔到都無所謂），但可以提前習慣公開試嘅模式和答題技巧，到真正去考DSE，反而更容易應付
（2）Biology是Phy/Chem/Bio三科中，對高階思維要求最低，比較適合低年級收讀
（3）如果IGCSE Bio合格，文科生也可報讀護士課程 <-- 唔知現在仲係咪得？

「每年考一D」
其實優才由G4到G9/10，每年都會安排全部學生去考不同的公開考試。一來可以做benchmarking，二來令學生習慣公開考試，唔會緊張。好消息係學校唔會為考試特登去操練，通常係正常教書，臨公開考試前做一兩份past paper了解考試形式就算。
選擇IGCSE應該係因為IGCSE同以前香港會考的範圍差不多，即係等於DSE的subset，唔需要另外去教。而且俾錢就考得，仲可以同全世界一齊做benchmarking。

cptma

謝謝解答，十分清楚了。

Frankydady

cptma 發表於 16-1-5 12:59
很想加了解一下，優中怎樣令學生從愉快達至學習呢？我知道功課少，但：
1.課堂活動
2.功課形式

優才初中正規課程只佔約七成時間，其他三成時間會用來上特別課，如才華班、興趣班、選修班及運動班等，亦有領袖訓練；基本上每日上午上學術堂，下午就參加自己選擇的各種興趣課程。
咁嘅安排，除左可以減輕學習壓力，亦可讓學生發掘個人興趣及才華，我覺得非常好。

Siumingmama

請問bridging course 是否教G7的中英數？有功課嗎？謝謝

iamderek

Siumingmama 發表於 16-1-6 07:50
請問bridging course 是否教G7的中英數？有功課嗎？謝謝

聽聞係教英文、數學和I.S.的中一上學期課程，因為優小G6下學期已經開始教。而在G7的頭幾堂，會再快速重溫一次，因為可能有外來生遲註冊，無上bridging course。

唔清楚有無功課，但以優才慣例，有都唔慌多。