訓練左五個月？從爸爸到餅餅...燈燈！

newsky

仔仔七月尾發現自閉症譜系障礙！返了密集訓練四個月  從咩指令都唔識到識扔垃圾同俾物件！ 開始識指嘢！ 但言語進步不大 從淨係識叫爸爸到識叫餅餅 燈燈！ 但我指住燈 仍然唔識叫燈！ 認知仍然無咩進步！ 打算唔上密集訓練 自己全職訓練仔仔！ 各位媽咪有無好的家居訓練分享？謝謝！仔仔快三歲了！而家無幼稚園收！

DENNIS201

加油!父母係幫助最大的

angieying1024

努力加油呀, 我仔都返緊, 不過都無得睇點上, 感覺都有點徬徨.
都希望可以找到多d比較下, 協x會好嗎? 要排得耐嗎如果上訓練.

newsky

回覆 angieying1024 的帖子

你講訓練津貼嗎？我排了五個月先排到言語治療 一個星期一堂 ！剛上了一堂

vicky_leung2011

我都想知有咩家居訓練可做

kittyeva

我都想知

leungsiufan

我做左ftm年幾，呢年幾以來阿囝都不斷有進步，我囝當初唔識講野，四圍走，聽唔明指令，唔望人，到而家開口講簡單野，跟到課堂上嘅學習，有簡單嘅對答，而家阿囝3歲2個月，不過ftm呢條路唔易行，一定比返工辛苦好多，無論精神上或體力上。我日日都會帶我囝去公園挽一個鐘左右，又幫佢系屋企附近建立啲朋友仔同佢挽，亦有帶佢去上各樣training,系屋企同佢挽，其實最好將訓練溶入生活中系最理想

leungsiufan

例如我煮飯咁，洗菜會同阿囝一齊洗。我囝對聲音有好大反應，佢好驚吸塵機聲，到而家佢唔驚仲成日爭住要吸塵，其實所謂家居訓練冇話邊種方法好，因為每個小朋友唔一樣，但制定一個岩嘅時間表對於佢地黎講系好重要。加油大家

newsky

回覆 leungsiufan 的帖子

請問你用咩方法訓練仔仔講嘢？你仔仔幾歲先開始識講詞語？我仔仔兩歲九個月 只係識爸爸 燈燈同餅餅！而家我每一日出街同佢講燈 花 樹葉 蛋糕！連續十日不停教佢 但佢暫時都只係發到燈呢個音！我甘去教的方向啱嗎？

vincelo29

在兒子2歲半開始評估為發展緩慢及自閉傾向開始就轉做ftm，初時真係好㥬惶，又唔知俾咩訓練仍，自己又無咁的知識技巧，亦沒有給他們上密集式訓練，因他們返緊全日制n班，唯有每天自己帶他們上唔同訓練治療，有言語，有早期啓道課程，總之什麼都給予他們，再在9月加埋感統，我自己每樣治療訓練我都會在場陪伴及學習，回家自己會試訓練他們，明顯有進步，懂表達簡單句子，如我要餅，媽媽過來瞓覺等，最緊要唔好放棄，加油

leungsiufan

我囝兩歲8個月開始開口講單字到而家3 歲2 個月識講句子（名詞加動詞），我冇點特別訓練佢，只系日常生活上遇到嘅野話佢知，而且佢有言語治療師跟進，治療師都會教我點訓練佢，如果你囝某啲音未發到可能同口肌未成熟有關。其實我囝有上密集班，仲有上職業治療，言語治療，社交班同返pn，呢啲都幫助好大，我主要系陪佢挽，成日帶佢周圍去，我覺得小朋友開心最重要。其實好難實質同你講點訓練，只可以講因材施教，因為每個小朋友嘅特質都唔一樣，唯一一樣野可以教你嘅就系媽媽要幫下小朋友建立固定嘅社交群，最好搵啲住附近嘅小朋友可以經常同你囝一齊挽，用生命影響生命，努力，因為呢啲小朋友真系要好有耐性先得

doramei

原帖由 leungsiufan 於 16-01-02 發表
我囝兩歲8個月開始開口講單字到而家3 歲2 個月識講句子（名詞加動詞），我冇點特別訓練佢，只系日常生活上 ...

請問在哪裡上密集班、職業治療及言語治療？thanks

leungsiufan

原帖由 doramei 於 16-03-20 發表
請問在哪裡上密集班、職業治療及言語治療？thanks

我囝系協康上密集，但我覺得如果location就到其實邁步會全面啲，因為佢有5日班上。言語治療系間私人機構叫恩言恩x上，其實協康密集系有言語治療，但密度唔夠，只得每兩星期一次，但最主要系個治療師經驗未到家。職業治療系協康，理工大學，明愛都有上過，我囝比較鐘意明愛嘅治療師

vyvycollection

回覆 leungsiufan 的帖子

完全同意你的說法，湊仔，煮反，教仔帶佢週圍去，我全職湊佢第一個月已瘦了十幾磅，慘過做工人，不過見到仔仔的進步幾辛苦已是值得的