點睇德信十年籌四億

kate12210

自問家境普通，聽到真的有些怕怕。現在讀緊德幼，已經個個月有不同的理由要捐錢籌募，一時買奬券，有時步籌等等。仲聽聞德小要去其他地方交流，去年小三四的去台灣都有三次，次次都花費萬元....因為是聽朋友說的，聽後真的擔心啦，如果真的上到德小，好像要迫住捐獻多六年甘，德小唔係津貼小學嗎？點解好似私校甘架我真的好喜歡德小成班男仔柴娃娃的，但比仔仔跟去，又能力有限，一年去三次台灣，仲多過我地大人去啦！

heffalumpiglet

籌款擴建就預咗多籌款 我地都有3叠獎卷

P.4-6要去交流
台灣
大陸河源
大陸佛山

se6b03

學校目標係用十年時間籌四億，但可以講以現時工程費用計算都未必夠，更何況係十年後，工程費用又不斷上升超支。到時既四億可能只係今日四百萬或更少，連整地基都唔夠，到時唔通又再籌? 今年籌款次數的確較以往頻密。

當年轉全日制果陣，政府好似話過以換地形式比德信搬遷，順便有千禧校舍，但由於要搬離尖沙咀網，校方拒絕左，其實現時塊黃金地好值錢，校方又唔洗交租，已經慳左唔少租金，今年德幼又勁加學費。

kate12210

真係心大心細的呀，都唔知仲填唔填第一選擇好填左又要有心理準備比人湯多六年

se6b03

今次賣獎券籌款，注定失敗，獎券總數只有4萬張，每張面值$20，就算好彩全數成功出售，收益都只有800,000，但你地不妨睇下獎券背後既獎品，好多都由校方自己出錢購買，贊助既只佔少數，扣除各樣成本開支，可能只籌到十多萬，仲有用獎券形式有風險，就係獎券賣唔晒。

kate12210

原帖由 se6b03 於 15-12-23 發表
今次賣獎券籌款，注定失敗，獎券總數只有4萬張，每張面值$20，就算好彩全數成功出售，收益都只有800,000， ...

真心覺得唔成功架！上次週年飯局大人800，細路500都算，去到仲好似好比人老強甘買券，買完都算，返學又比多三本要親朋戚友買，點講得出口呀⋯⋯又步行又買券，連學校週年校慶活動都係樣樣收錢，幼稚園老師同小朋友講有雪糕食，有畫畫，有玩具等等，每樣都係收緊錢的，大家都讀過書，真的未見過一間學校甘架，本來的歸屬感無晒啦

se6b03

根本整個德信架構都有問題，表面上德信係天主教學校，但不同於油天果d，

人地油天大天果d係天主教教區轄下，又或者聖公會小學果d，全部係教區轄

下，等如親生仔女，德信就由東亞教育促進會經營，只能夠用慈善團體形式

注冊經營，不屬教會團體，每年只能夠獲天主教教區及公益金有限度撥款，

經費少得可憐，政府果d津貼額只夠日常學校運作，全部都只係杯水車薪。

我實在唔明白當初點解係1993年聖母無原罪傳教女修會會將辦學權白白送給

東亞而唔係天主教香港教區？否則德信既資源唔洗攪到咁缺乏。而家整個德信

資源分配極不平均，好多用左係德中，但德中又係直資形式辦學，同德小根本

上算不上直屬聯系關係，德小就係津貼，德幼又用學券制，中間條數我唔知上

上面係點計。

而家又大力籌款，但根本我小朋友都未上德小，德小係津小，跟政府派位，

我點知第日自己小朋友係咪派到德小呢？我根本想唔通，我用咩野身份捐款

比德小重建？家長身份 ? 我唔係，校友身份 ? 我唔係。學生身份，又唔係。

kate12210

原帖由 se6b03 於 15-12-23 發表
本帖最後由 se6b03 於 15-12-23 14:01 編輯

根本整個德信架構都有問題，表面上德信係天主教學校，但不同 ...

完全同意！捐左又唔係話收硬上德小，叩門位又得十個八個，現在同搶無咩分別。

se6b03

kate12210 發表於 15-12-23 15:25
完全同意！捐左又唔係話收硬上德小，叩門位又得十個八個，現在同搶無咩分別。



  ...

好現實講句，獎券上講明係幫德小籌款，但我小朋友係讀德幼，就算叫人買券都要有前因後果先得，德小籌款好似唔關我事，而家每人比三疊券，家長變左包銷商，放完假要交數，因為根本唔知道同班同學仔是否賣晒d券，自己家境一般，朋友唔多，但如果一疊券都賣唔到，同班同學個個賣晒，自己會感到壓力，我預左最後要自己硬食一疊券。

kate12210

原帖由 se6b03 於 15-12-23 發表
好現實講句，獎券上講明係幫德小籌款，但我小朋友係讀德幼，就算叫人買券都要有前因後果先得，德小籌款好似 ...

我都是硬食一疊就算，上次週年校慶已經食左一疊啦！台上司儀好好意思咁樣講：奬券不設找續，希望大家慷慨解囊，一疊疊咁買，買多幾本！真心反感！有去的家長都係甘話的，只係比下面就算，一諗到就算收到小學，之後六年好似上咗賊船，有定心理準備個個月都要俾人湯

MicFred

雖理解大家的感受, 但誇張咗d囉!
我自己則抱平常心,  量力而為, 我也沒有去晚宴,  亦唔需要同人比, 想買就買, 唔想買就唔買, 隨心吧, 何須自加壓力? !

psng

只有今年新設的奬券, 每年十一月的步行籌款和二月的華服日是籌款項目而已, 85週年晚宴並不是每年舉辦的, 為何要說成月月籌款比人劏那麼誇張呢?

而且, 所指的一疊奬券, 是十張一疊, 每張二十元,  買哂3疊也只是六百元, 學校
從沒要求學生要買哂, 所有壓力都是家長因怕自己同人比較, 自己比壓力自己而已。

德小全年課外活動只是數百元包一年, 學校一向有津貼, 其他津貼活動, 就讀的小學生也受恵不少。新裝修的VA室、圖書館, 新買的樂器, 善款是全校學生一同受恵的。

是的, 德幼並不是百份百上德小，但捐款全是自願性質, 不捐款並不影響小朋友的校園生活, 如果真係介意, 從而抺殺德幼德小在品格和學術的成績, 那不要報考好了。

還有, 德小從沒有一年三次到台灣, 收的也不是萬元費用, 請不要以訛傳訛。

psng

說德幼學費今年加得勁, 請問有比較過德幼加後和其他學校的學費嗎? 加完後扣除學券還是不過千, 低於一般水平啊!

而且, 之前三至四年一直沒加過學費, 小兒於2011至2014就讀德幼, 三年來從沒加過學費。我是三年也支持籌款活動 (一年兩次, 步行籌款和華服日), 而且捐時也沒想過一定讀到德小, 更是跨區的, 我只是欣賞德幼對小朋友品格的培育, 支持這個辦學團體而已。

是的, 我小朋友現讀德小, 感恩他成績好, 感恩他讀得很開心, 十年後重建看似遙遠, 但每年德小也把部份善款用於維修、增加校園設施上, 也令現就讀的小朋友受恵。我不會放大自己付出的, 同時也體會到小兒在德幼和德小得到的, 他得到的, 遠超過我付出微不足道的捐款。

se6b03

睇返學校之前派果份重建構想圖，又體育大樓，又泳池，又飯堂，設施拍得住大學。

而校方竟然只定立十年籌款目標四億，就算係行外人都知款項遠遠不夠，唔排除到時

經費不足又要再挖空心思搵方法籌款。

校方今次可能想小試牛刀，測試一下家長對有關活動既反應，如果連三本獎券咁少目標

都達唔到，上頭可能會施壓，籌款活動未來幾年可能還會陸續再有。

最近收到風有部分家長已經賣晒d券，所以未賣晒既家長要加把勁，免得上頭有借口話連

少少獎券都賣唔晒。原本打算趁星期六同小朋友係街向途人兜售，點知校方話未有另外申

請街道售賣獎券既牌照，要係街道賣，要另獨立申請牌照，所以獎券只能向親戚朋友售賣。

至於德幼今年勁加學費一事，早前被人點名，並經傳媒廣泛報導，德幼加幅為全港第二高，校方已發聲明解釋，在此不再重複。

http://hk.apple.nextmedia.com/realtime/news/20150907/54176190

kate12210

原帖由 se6b03 於 15-12-31 發表
睇返學校之前派果份重建構想圖，又體育大樓，又泳池，又飯堂，設施拍得住大學。而校方竟然只定立十年籌款目 ...

psng

我知道德幼學费加幅達三成，以往多間學校逐年加幅，德幼學费連續凍結幾年, 報紙會報導這些嗎？每間學校基數不一樣，單以百分率比較並不公平。

heffalumpiglet

其實我仔讀緊，我無諗過一定要賣晒全部獎券，盡力而為咋。

一間學校靠自己能力去擴建校舍都係為第時嘅小朋友著想，我知我仔無可能會受用到，但都希望第時有更多學弟受惠，有泳池、有大型圖書館。

其他天主教小學咪一樣要捐錢，但祇不過無我地咁密。

kate12210

原帖由 heffalumpiglet 於 16-01-02 發表
其實我仔讀緊，我無諗過一定要賣晒全部獎券，盡力而為咋。

一間學校靠自己能力去擴建校舍都係為第時嘅小 ...

甘又係，我都只是比佢張捐款表嚇親啦。仲要收兩次，捐座大樓立名甘

se6b03

kate12210 發表於 16-1-2 11:07
甘又係，我都只是比佢張捐款表嚇親啦。仲要收兩次，捐座大樓立名甘




  ...

到時不知是否會出現陳大文圖書館，李小三游泳池，郭超群綜合大樓，李英超體育館等等，十足十大學入面果d命名方式。如果捐款夠多，可能學校名都可以冠名，到時要改名李+誠德信學校。

kate12210

原帖由 se6b03 於 16-01-02 發表
本帖最後由 se6b03 於 16-1-2 12:12 編輯

其實讀得教會學校都預左多捐款的啦，但對津貼學校黎計，重建校舍數以億元的計劃，單單只是在讀學生，好采的由幼兒班到小六的120個家庭，新生加入，再加舊生和善長們，理論上籌得最多的應該是第一年和最後一年。但高鐵甘多專業人士計算底下仍然是超出預算數以倍計，何況是說這個重建計劃要在十年後才知道有沒有機會成行，理想是美好的，實踐就卻欠規劃。