討論: 點解要比較中學既DSE成績同入U率?

hkpapa852

我一向都係鍾意睇D可量化既資料(統計數據)既人, 所以選校時, 不管係小學定中學, 都會睇下佢地既"學術表現"先

尤其係中學, 我重點係要睇"DSE成績"同"入U率".

點解? 有以下理由:

1. 升中唔同小一大抽獎, 係按學生學術能力決定派位組別, 熱門學校(即所謂B1英中), 基本上B1學生都唔夠分. 但主收B1學生既熱門英中, 是否6年後亦能令學生做出B1水準既成績呢? 如果主收B1學生既中學, 6年後畢業生DSE成績/入U率都只有B2中學水平, 可視為負增值學校, 家長要諗楚了! 反之, 如果一間主收B2學生, DSE成績/入U率能同B1中學相提並論, 絕對值得留意.

2. 入U率, 我只重視"升讀本地學士學位(Local degree)"呢個比例, 畢業本地學士學位, 差極都係香港有承受性, 符合政府資歷架構中學士學位一欄, 反而海外學士, 名校固之然好, 但非名校既可能更多, 認受性成疑. 加上連大多數傳統名校, 學生主要都係升讀Local degree, 好似QC, MSS, St Mary, DGS, HY呢D名校, 其實每年都只有~10%學生升讀海外大學; 所以如果一間中學話佢學生成績好所以升讀海外大學人數多 (除非有辦IBDP之類既國際文憑課程), 可信性其實值得懷疑.

3. 另外, 近年有見一部份中學,DSE既3322率, 4+/5+率唔算高, 但JUPAS degree郤有3322率既80%以上, 似乎又多一點值得留意既地方, 就係學校"能否提供有效既升學輔導"俾學生, 讓學生能在並不突出既成績之下, 爭取到最高入U既機會. 呢點其實比谷成績來得更實際而有幫助.

何為增值, 每人定義唔好, 以下係我個人暫時既定義:
1. 成績上既提升
2. 協助學生增加升讀local degree既能力/機會

我會認為大多數家長, 都希望子女中學畢業後可順利升讀大學學士學位, 入到3大固然好, 入唔到3大都希望入到8大或者JUPAS degree吧!

咁你會寧可子女只能以較平凡成績但可入到local degree, 定好似部份傳統名校, 不少學生都只能高分地入唔到local degree?

歡迎討論!

c1234

回覆 hkpapa852 的帖子

很好的分享! 請問有能否分享下那些中學增值率高，那些較低?謝謝你。

hkpapa852

c1234 發表於 15-12-22 00:29
回覆 hkpapa852 的帖子

很好的分享! 請問有能否分享下那些中學增值率高，那些較低?謝謝你。 ...

負增值就無謂講啦, 有較理想既增值學校, 可以留意下:

德雅 (深水埗區女子津貼中學)
香島正校 (深水埗區派位直資中學)
聖瑪加利 (深水埗區一條龍直資中小學)
顏寶玲 (九龍城區直資中學)

saikueny2k

果然係傳說中既 數據佬

mcl203

hkpapa852 發表於 15-12-21 13:19
我一向都係鍾意睇D可量化既資料(統計數據)既人, 所以選校時, 不管係小學定中學, 都會睇下佢地既"學術表現" ...

其實升讀海外大學....有部份中學並非只有~10%學生
可以參考吓 F6/F1人數....就可以估吓係6年內剩流失率~~~

mother904

MSS去海外升學的不止10%，以2014年為例，考DSE的只有90人，但每年F.1都約有140人，加上DSE放學後去海外的又約有10﹪，加加埋埋超過一半去海外升學

但我同意，海外升學要看升讀的是甚麼學校

biffkwok

回覆 hkpapa852 的帖子

如果有80%入U率是指SMC，那要留意一下學生人數，這80%是base on 67人計，當年小學部可收8、90人，加上升中外來生，S1可收約120人，近年S1維持約110人，去到S6得番60幾人，當中流失的學生為數不少。如果只計入local degree，人數40，實際入U率應用邊個基數計，就看自己的個人標準。

Lucifer3960

原帖由 hkpapa852 於 15-12-21 發表
我一向都係鍾意睇D可量化既資料(統計數據)既人, 所以選校時, 不管係小學定中學, 都會睇下佢地既"學術表現" ...

請問如何推斷學校增值數據?pre s1（中一，中三）成績不是教統局才有嗎?

TEMPO123

hkpapa852

Lucifer3960 發表於 15-12-23 07:11
請問如何推斷學校增值數據?pre s1（中一，中三）成績不是教統局才有嗎?



  ...

今次呢方面其實係用「常識」再加上數據嚟推論。好似我講個幾間學校，大家認為7、8年前，會收到幾多B1學生先？但係近幾年畢業生既DSE成績同入U率，郤不比大部份所謂既B1C中學差，咁算唔算為學生增值？
其實要數據化d既方法都有，就係參考下中學公佈既Pre-S1成績，就更可更準確知道收番嚟既學生水平。

hkpapa852

mother904 發表於 15-12-23 01:11
MSS去海外升學的不止10%，以2014年為例，考DSE的只有90人，但每年F.1都約有140人，加上DSE放學後去海外的又 ...

所以統計只會以該屆中六畢業生人數為基數

crystalwsm

多謝hkpapa852的分享，請問可否再分享多D增值中的學校？

mother904

hkpapa852: 增值同負增值之間，都引伸左另一個問題：B1A學校在F1收番黎的最少都會係B1C學生，B2只係少數，但幾乎沒有B1A的學校可以有100%的入u率，那麼是否代表B1A學校是負增值的學校？

Band 1生考慮揀學校的時候，應該如何決定應該揀低增值的B1A，定係高增值的B2學校？

YmOra

mother904 發表於 15-12-24 00:33
hkpapa852: 增值同負增值之間，都引伸左另一個問題：B1A學校在F1收番黎的最少都會係B1C學生，B2只係少數， ...

我都有你這個未解的疑問好耐?????

尤其一D宣稱全收B1a學生,最後入U%都只是70%-80%.那麼,20%-30%的B1學生在六年間越讀越差,這樣是否需要計落學校的教學能力呢?!令人退步的教學能力又是否代表到學校有一定的負增值隱憂呢?!因為B1a之神校和地區性名校吸引好多B1a學生入讀,可能全級考第尾嗰位EE同學的能力還遠高於多收來自B1b-B1c學生之B1b/B1c中學第一嗰位AA同學,按現況,沒有一間B1a中學是100%入U%,又沒有一間B1b/B1c中學是0%入U%,按現況得知EE同學入唔到U,AA同學入到U,即是說EE同學的能力不是真正的高,他的能力在該校六年間出現負增長,相反AA同學在那中學就有正增長的成績,從而使得他能夠入讀大學,在該校由AA同學打後的學生出現正增長的情況可能較多,以每名學生能力向上計之正增長,幅度和人數都可能比EE同學所屬學校為多,因為我認為EE同學的學校取錄B1a學生多,六年後入U%幾乎一定有他們份,問題是那批B1b/B1c學生又如何呢?!是否因為學校唔就便可能會輪為入唔到U呢?! EE同學如果當初去到AA同學的B1b/B1c中學就讀,結果又是否會改寫呢?!

附註:

B1a神校和地區性名校之收生推算,純個人意見,如有諗錯方向請指教指教. thx.thx.

自行的30%=B1a學生,因為可自主決定及極受B1a學生歡迎,可盡收B1a學生.
大抽獎70%=B1a : B1b : B1c (個人推算比例為3 : 2 : 1)
個人認為3 : 2 : 1而非1 : 1 : 1,因為大抽獎應該不會出現均等的選校取向,我認為如果該校有6人感興趣,就有3人屬B1a學生(可能一開始就喜歡B1a中學吧!),2人屬B1b學生(可能只想略為向上,進取入讀B1a中學吧!),1人屬B1c學生(可能因為B1a中學出名,想搏入名校吧!),我推算認為比例最少都有 3 : 2 : 1.

所以:
大抽獎70%=B1a : B1b : B1c
                  =35% : 23% : 12%

又所以:
B1a神校和地區性名校取錄B1a學生百分比大約
   =30%(來自自行) + 35%(來自大抽獎)
   =65%

個人認為65%屬於分界線,如果B1a中學一般大約都有70%入U%,換句話說,只有大約5%學生被大大提升其能力達至入大學,只有5%學生其正增長能力是最明顯被提升吧!

thx.thx.

socute

謝謝前輩，新手媽媽還在學習中。港島區有無你認為的增值學校？St Clare 算唔算？

Yanamami

唔…小学時有唔少band1生係家長發功伴讀、補習、上功課班、操卷、雞精出黎，小学既課程無问題，但上到中学，成个生态都唔同哂，学习模式、答題技巧……全部同小学唔—样，加上青春期，家長可以做既相对少，除非小朋友係有資質，加上英語能力好、有目標、時间管理好，否則小学時既“假”band1生，上到中学就会現形~所以band1中学無100%入U率一d都唔出奇~
阿女初中有次IH測驗, 話有同学攞9/50, 我已问佢，話哂係band1校，就算大抽奬入都应該係band1生吖~但阿女話佢地就係唔讀書又心散｡其实好多人以為升到band1中学就已完成任務，其实只係另一个故事既开始！

一家三口

原帖由 Yanamami 於 15-12-24 發表
本帖最後由 Yanamami 於 15-12-24 11:39 編輯

唔…小学時有唔少band1生係家長發功伴讀、補習、上功課班 ...

完全同意。上到中學讀書真的靠自己啦！

Charlotte_mom

原帖由 一家三口 於 15-12-24 發表
完全同意。上到中學讀書真的靠自己啦！

呢樣我唔同意。我自己間中學真係，句句聽得明但加埋唔知做咩，d notes老過我（應該係老師讀書年代歷史文物）。考完會考都唔知考試局有marking scheme（從來無人講過我地知）。AL考完試果日撞到老師傾左幾句，佢完全無idea 果日考佢自己教果科。出去補習學識原來一題有5分要畫圖（即使題目無叫），返去畫，老師鬧無端端點解畫。好多混帳事唔只電視劇會發生。

hkpapa852

mother904 發表於 15-12-24 00:33
hkpapa852: 增值同負增值之間，都引伸左另一個問題：B1A學校在F1收番黎的最少都會係B1C學生，B2只係少數， ...

其實你預期B1中學可以點增值呢?

B1中學入U率不高? 咁你要瞭解吓, 香港其實有幾多local degree學位.

如果以近兩年UGC degree學額同DSE考生人數比例去計, UGC degree學額只夠~15%DSE考生入讀, 就算加埋其它本地大學自資degree, 都只係不足30%.

B1中學即使盡收B1學生, 也只是小學既top 33%既一批, 即使照比例可直上中六, 呢33%人都唔夠一人一degree位啦! 何況D有科未必人人想讀, 有D又爭崩頭, 咁最後入到U讀degree course, 得番一半又有何出奇呢?

加上中學生活中學生既發展, 無人能估計.

人不是機器, 無可能肯定一個小學B1A學生將來一定能入U. 如果人生係咁簡單, 唔知到時係好事定壞事呢?