選校芧盾

natnatbaby

小朋友很堅持選A校，但家長真心覺得B校較適合小朋友。已經傾了幾次，各有各堅持。A校成績略高一線，每年收小朋友學校約三十人，專注學業成績，活動少D，中四後體育，音樂和藝術只有得玩下，DSE不開這些非學術性科目，也不可以自修生名義考。B校，每年收小朋友學校約十多人，沒A校甘受家長歡迎，較少人選讀。成績校風OK，活動很多，話劇，家政，弹床也有得玩。中四非術科也可參加DSE。小朋友性格活潑，愛藝術和運動，年年A級，學術成績就中等，能力不低，如肯努力一些能再發揮好些。小朋友有志於藝術，體育方面發展，奈何A校高中不設非學術的科目，不可考DSE。作為家長，覺得要專重小朋友，返學是小朋友自己。但心裡感到選了A校，中四選科就頭痕，沒有想入大學的科目。小朋友知道這情況，卻話到期時在外面自己學習，自己參加各項比賽。話雖如此，但高中肯定忙得要命，很難要就時間出外自己學，自己比賽，而且學校不太支持，沒有同學團隊，很難捱下去。小朋友選A校，原因很簡單，鐘意，會讀得開心。背後原因多是朋輩影響，同感到較優越。作為家長，很想小朋友能選較為合適的路，很擔心走錯這步，影響小朋友心理和前路。大家點睇，AorB？

moondream3003

如無估錯， 兩間都係直資， 兩間都報， 收左先再算啦。  幸好我同我仔都鍾意B校， 無此煩惱， 我仔小五， 小四見家長時話我仔係 B1A， 但都唔想選 Banding 好d 的 A 校。

natnatbaby

原帖由 moondream3003 於 15-12-16 發表
如無估錯， 兩間都係直資， 兩間都報， 收左先再算啦。  幸好我同我仔都鍾意B校， 無此煩惱， 我仔小五，  ...

HiHi，係收左先最後決定。但都要諗定了，因為已in一間，今星期in一間。如果同一時間通知，又不知在幾天内要註冊，怕會好急。而且小朋友性格很硬的，又青春期，吾易攪，所以要想定對策。希望聖誕假期，多陪她玩，四圍行下，大家輕輕鬆鬆再傾下。

王家爸爸

natnatbaby 發表於 15-12-17 00:07
HiHi，係收左先最後決定。但都要諗定了，因為已in一間，今星期in一間。如果同一時間通知，又不知在幾天内要 ...

性格强硬反而易搞，同佢講清楚你既期望，等佢知如果佢入自己選嗰間，你希望佢最少攞乜野成績。

Emilyeee

我會自行一A，自行二B，佢鐘意由得佢，但希望佢兩間interview 都要認真。

將來要有好成績，讀邊間都辛苦，但唔比佢選A，佢可能怨你一世，由其是她同級有三十人入，最好的同學可能也在A校

YuYuMother

讀書既係佢，如兩間各方面都差不多，我會比佢選擇。

至於你講既音樂藝術科目，我覺得你同小朋解釋清楚中四選科既問題，如佢知道都揀A校，我會比佢決定。

老實講，佢而家喜歡音樂藝術，係咪肯定到佢中四都咁熱愛呢？堅持到當然好，但我覺得有機會佢去到中四揀科都未必真係會揀呢…

我明白你諗法，做家長梗係希望揀條啱佢既路，但佢都會有自己既選擇呀………

natnatbaby

原帖由 YuYuMother 於 15-12-17 發表
讀書既係佢，如兩間各方面都差不多，我會比佢選擇。

至於你講既音樂藝術科目，我覺得你同小朋解釋清楚中四 ...

Thanks.其實我看到小朋友在藝術方面很有熱誠和天份。每天花上一小時以上沉醉這方面也樂亦不倦。反之，讀書做功課卻是坐不下來。我自己本身也在藝術方面興趣也很濃厚，小時候很想在這方面發展，很可惜沒機會去學習，自己年輕時也不懂爭取機會去學習。今時今日自己工作忙，家庭忙，但仍希望在孩子升中後再學習藝術，但始終年紀大了，只能是興趣。
我現在工作的，毫無興趣可言的，只是捱下去，揾飯食，不是想小朋友實現我的夢，而是所以希望小朋友真係要想清楚。既然本身有自己的清晰目標理想，又不直接一些。

moondream3003

原帖由 natnatbaby 於 15-12-17 發表
HiHi，係收左先最後決定。但都要諗定了，因為已in一間，今星期in一間。如果同一時間通知，又不知在幾天内要 ...

明白明白同小朋友傾傾選科問題， 佢自己選擇對自己負責。

chocolatebean

natnatbaby 發表於 15-12-16 23:25
小朋友很堅持選A校，但家長真心覺得B校較適合小朋友。已經傾了幾次，各有各堅持。A校成績略高一線，每年收 ...

2 所都係好學校.

我會尊重小朋友意願. 選A校

你想選B校係因為到高中時選科可選音樂/藝術, 其實考呢2科DSE, 未必係你想像中的事情, 而且, 孩子3年後又是否真係會揀嚟考, 都是未知數, 建議你上ED 網STUDY SYLLABUS, 然後同個仔再傾下啦! 只為一個選修科放棄一間好學校,而且仲係仔仔鍾意既學校,值得嗎?

little_yolky

natnatbaby 發表於 15-12-17 12:26
Thanks.其實我看到小朋友在藝術方面很有熱誠和天份。每天花上一小時以上沉醉這方面也樂亦不倦。反之，讀書 ...

放心, 大學藝術系並不一定要求學生修讀視藝。最緊要成績好, 又keep住有畫畫, 到時interview做靚個profile就得。

VENUS2005

路過，dse考體育，聽聞好難好難先會有星，所以就算有興趣，到選科時都會有取捨，唔好到時後悔，祝 小朋友一切順利

natnatbaby

原帖由 little_yolky 於 15-12-17 發表
放心, 大學藝術系並不一定要求學生修讀視藝。最緊要成績好, 又keep住有畫畫, 到時interview做靚個profile就 ...

謝謝！相信我要入大學選科方面再了解下。

ilyrd

我贊成和同意給小朋友選擇,但大前題是家長要把學校之狀況,歷史,現在情況,各個方面告知小朋友,再告知利弊,而不是簡簡單單去聽了簡介會,見見校舍環境,便要一個心智未成熟之小六生去自己選學校.-- 個人意見

Chole

興趣與修讀科目未必有直接關係。我的女兒十分喜愛畫畫，亦拿到不少獎項，考IGCSE 理所當然選擇art 一科。怎知她只陶醉在創作作品中，不喜歡做 Sketch book/portfolio 寫下她的創作過程，老師已三番四次勸導/批評她，說她的作品A*, sketch book D, 現仍未見改善，她亦決定以後都不再 take art!

路是小朋友自己走的，有重大決定我只能list out 考慮因素，pros n cons.  我們另外開一個 WhatsApp group 專門討論升學問題，想到了就立刻寫下來，之後有空才在家討論，效果很不錯呢！

如果學校A成績不錯，到時仍然希望讀術科，到升中四亦可轉校，不用太擔心。

natnatbaby

原帖由 Chole 於 15-12-17 發表
興趣與修讀科目未必有直接關係。我的女兒十分喜愛畫畫，亦拿到不少獎項，考IGCSE 理所當然選擇art 一科。怎 ...

對，小朋友才11歲，由小到大我不想迫小朋友，但他是否有足夠的能力去分析，而且這年紀，朋輩影響很大，見人話好又話好的。如他能比出有力的原因，不只是鐘意兩個字，我會支持。我的確要找出更多資料跟他分析，務求大家清清楚楚前路。幾年後變數仍大，我只想多條路可選。中途轉校，位不多，小朋友已經有班朋友，更是困難。我朋友的囡現在遇上相同問題，完全不喜歡讀書，惟只想讀pe，因為興趣，中四學校又係吾開Pe，想轉校，又揾到學校，臨尾又吾捨得同學，又擔心同新同學夾不到，最後放棄左。放棄左，諗諗下又後悔，好似前路茫茫甘。

little_yolky

natnatbaby 發表於 15-12-17 14:58
對，小朋友才11歲，由小到大我不想迫小朋友，但他是否有足夠的能力去分析，而且這年紀，朋輩影響很大，見人 ...

A校成績較B校好, 已經係小朋友最大的理由了吧。應該係你做阿媽的, 有咩理由要小朋友有A唔揀揀個B。

另外, 又係僅供參考的, 可能你要睇睇兩校的高中選科邊間較靈活, 因為有D學校選擇似乎唔太多, 响現階段未知鐘意文理情況下, 可能不太理想, 因為大學某些系, 需要修過某些科目才可以報的。


況且, 我個人就唔會鼓勵小朋友DSE報AV, 因為投放精力太大, 回報太少, 不成比例。大家一日都係得24小時, 但AV投放的時間量巨大, 直接影響其他科目的投放時間。(我跟我姐都有考) 而且小朋友的興趣不斷在改變, 今天佢有藝術天份, 鐘意畫畫, 他朝佢見到新事物, 可能有另一樣興趣都未定, 無需要因為一科去作選擇。除非你真心覺得女女响A校會跟唔上。

hkpapa852

natnatbaby 發表於 15-12-16 23:25
小朋友很堅持選A校，但家長真心覺得B校較適合小朋友。已經傾了幾次，各有各堅持。A校成績略高一線，每年收 ...

不如講清楚, A校B校係邊兩間, 可能現實大家既意見同你想像好唔同

natnatbaby

原帖由 little_yolky 於 15-12-17 發表
A校成績較B校好, 已經係小朋友最大的理由了吧。應該係你做阿媽的, 有咩理由要小朋友有A唔揀揀個B。
...

多謝你意見，我的確要刺激下我的思維。高中方面，A校其實高中選科限制很大，只有A，B，C餐，資源有限。而B校，可任意组合，學校保証同學能100%選到自己的科目。我們喜歡B校，另一原因是不想小朋友太辛苦，自信心强D，同多D活動。他喜歡活動式教學，最憎補習，從不肯補。明顯是懶散形。不知她將來會有幾進取，真係50/50。除了VA科問題，都會有少少擔心小朋友捱不到A校的學習模式，不知什麼時候才能坐定。

mcl203

natnatbaby 發表於 15-12-17 16:06
多謝你意見，我的確要刺激下我的思維。高中方面，A校其實高中選科限制很大，只有A，B，C餐，資源有限。而B ...

現實係....上到中學....B校都可能要補

natnatbaby

原帖由 mcl203 於 15-12-17 發表
現實係....上到中學....B校都可能要補

B校校長話不要去補習，老師支援很足夠，放學，星期六和長假可幫忙。補習不如多參加有意義活動。這些也是我buy的。A校也查詢過，有幾位中上同學也只補數科。