教局查地址

AsaphEunice

原帖由 www 於 15-12-17 發表
本帖最後由 www 於 15-12-17 22:48 編輯

Can't agree more

Charlotte_mom

版主按: 請冷靜及理性討論, 切勿作出侮辱及挑釁之言詞,  敬請注意!

bboo1

喜樂果子

我小朋友有D同學仔O係自行唔得之後先搬, 佢地係真係搬左, 但真係會長住, 租約夠期先搬返自己屋企, 講真咁樣真係灰色地帶, O係大眾家長眼中好似唔係咁好, 但佢無出千, 香港係自由的, 教育署唔可以唔比人搬屋, 住一年就搬又真係唔係好奇, 有業主唔再租, 有加租而無錢再租, 有一百個理由要搬屋, 真係無計的.  就算最後教育暑查到咁既情況都無計架. 我反而唔會理呢類人, 因為好似樓上有個家長講, 呢一類佢地係有付出的, 而且又真係恆常有住, 只不過計個數住幾耐者.  人地是有計劃的, 想用最少的錢同唔犯規下比最好自己的小朋友.  我唔做唔係我高尚, 而係我無咁多錢去做.  我反感的是, 明明就唔係住HK既大陸人, 佢地仲要只借信箱, 比少少就攞最大的利益.  同埋有D借地址既, 直情唔付出而攞最大利益的.  HK因為太自由, 而且HK既精神係你話我犯法咩, 你有責任比證據, 而唔係我既責任去話我無罪, 有哂足夠證據先會提出起訴.  就係因為咁, 仲有咁多人覺得HK仲有D安全感.  如果連呢樣野都無埋, 就真係唔知同大陸有咩分別.  所以搵到借地址果D出黎都真係好易 , 但係要有證據既話真係唔容易, 因為教署D人, 大家心照啦.  問心如果唔係咁多雙非單非, 我地D家長邊有咁大壓力呀, 以前借地址一直都有架啦. 不過唔會咁多人做囉.  怪只可怪教育制度太差, 唔知點解幾時變到咩幼稚園係有影響去咩小學, 咩小學又可以影響好大你去咩中學.  有果D 70% 入BAND1 中學既小學, 有D50%, 有D30%, 有D10%. 你話呀, D家長點會唔緊張呀.  中學入大學既%更利害, 有D一個都無, 有D OVER 50%, 死未.  

有時只好安慰自己, 盡能力教好小朋友, 希望佢可以靠自己啦, 因為我不可能由幼稚園就好好安排, 我只可以盡我能力比佢去讀間我覺得理念同我相同而我比得起學費既學校.  但問心全香港有好多同我理念一樣而且辦得比我小朋友讀果間更好既幼稚園, 但我唔想比咁貴學費者.  講來講去, 真係架, 有錢真係選擇多好多, 只不過唔一定成功.  

總之, 家長們, 大家都努力啦, TSA又唔知攪成點, 不過我都真係唔係好明TSA既制度同制定出來既真正原因      

isolg_ying

我所知真係有人會夜媽媽突擊上門拍門睇下個細路係咪真係喺度住

vinik

我只想講句, 家長做任何事, 子女看在眼中, 他日有咩後果, 就自己承擔吧。

扼$1同扼$1百萬都係扼。

其實好好笑, 面試時教子女謙虛誠實有禮, 自己轉頭就做一D踩界既事。

tigercrabxo

教署剛剛先打電話來話唔排除要家訪, 我光明正大又唔係借, 無任歡迎

efcgk

學校都會搬啦, 唔明如果負擔得起, 搬屋有咩問題...
舉例, o岩o岩見個topic 話聖保祿搬去柴灣, 唔通家長唔可以跟住搬咩?

chumeme2015

原帖由 tigercrabxo 於 15-12-18 發表
教署剛剛先打電話來話唔排除要家訪, 我光明正大又唔係借, 無任歡迎

其實連大抽獎表都未交，咁快就家訪

喜樂果子

vinik 發表於 15-12-18 16:22
我只想講句, 家長做任何事, 子女看在眼中, 他日有咩後果, 就自己承擔吧。

扼$1同扼$1百萬都係扼。

你又真係諗多左啦, 如果做得出既家長唔會覺得有問題囉, 同時, 講真一個5.6歲既小朋友點會知道個制度係點呀
對佢地影響又真係有幾大呀.  同埋想講句, 唔做既人又唔一定可以好好教小朋友, 道德標準好高, 可能只係無錢, 無心機攪咁多又或者唔識, 100個原因.  

我地呢D平民家長只可以觀看, 得閒發表下感受, 不過你話如果發表一次要100蚊, 又真係有幾多人會因為正義而發表意見呀, 唉!  要搵返D正能量

小兔咕

總之比人捉左會留案底，最高監禁14年。值唔值搏，大家好好考慮。

ckhmama

上年係熱門網自行交表既時候, 聽到隔離交表個位爸爸同收表個老師講話個住址正明係嫲嫲個名, 因為小朋友係跟嫲嫲住既, 個老師就答佢,咁你地係咪一齊住架,  如果你係填表個度寫家長係監護人, 咁地址就要係監護人個名, 如果你用左嫲嫲個地址就要轉嫲嫲做監護人先得, 唔係有機會會被查! 咁當然如果你小朋友真係係嫲嫲度住就冇問題啦! (好似老師都覺得佢地係借地址咁), 個爸爸再問, 咁係咪即係改返嫲嫲做監護人就冇問題, 老師話係, 但你要記住,如果抽中要到學校注冊或跟住統一派位注冊必需監護人親身到學校辦登記手續!但入讀後都可以同學校改番監戶人係爸爸媽媽既, 老師講!
所以即係話如果問屋企人借地址個d十居其九都係可以話關啦..如果婆婆嫲嫲家姐細佬個d肯幫手做監護人,淨係登記辦理入學手續時去一去就攪掂哂啦~所以呢個制度係冇得解決既, 睇你用邊招好唔好彩~朋友就難講d,都唔會冇啦啦幫你做監護人又要幫埋你去注冊, 屋企人就多數肯幫手啦!

methy

原帖由 mymelody0701 於 15-12-16 發表
今日收到信要提供住址証明，但都未開始大抽獎，咁快就要查地址？



  ...

真係住係所報既地址無咩好擔心。

但自行階段又唔限區，大抽獎又未開始，呢個時間check,其實想check咩

ffaye

原帖由 ckhmama 於 15-12-18 發表
上年係熱門網自行交表既時候, 聽到隔離交表個位爸爸同收表個老師講話個住址正明係嫲嫲個名, 因為小朋友係跟 ...

唔知用非父母做監護人，又會否特別容易被抽查呢？

boyi

原帖由 ffaye 於 15-12-18 發表
唔知用非父母做監護人，又會否特別容易被抽查呢？

要同小朋友一齊住才可以做監護人架，不是求其找阿E、舅父、朋友的地址做監護人，因為會家訪見小朋友，一問就冇所遁形

www

vinik 發表於 15-12-18 16:22
我只想講句, 家長做任何事, 子女看在眼中, 他日有咩後果, 就自己承擔吧。
扼$1同扼$1百萬都係扼。
其實好好笑, 面試時教子女謙虛誠實有禮, 自己轉頭就做一D踩界既事。

十分同意。

身教最重要，若家長是其身不正的騙徒，教子女面試時扮謙虛誠實有禮又有甚麼用呢？

bboo1

tigercrabxo 發表於 15-12-18 16:39
教署剛剛先打電話來話唔排除要家訪, 我光明正大又唔係借, 無任歡迎

岩，叫佢半夜上黎坐下

ffaye

原帖由 bboo1 於 15-12-19 發表
岩，叫佢半夜上黎坐下

駛唔駛煲定個靚糖水一齊食？

bboo1

ffaye 發表於 15-12-19 00:46
駛唔駛煲定個靚糖水一齊食？

聽講佢地會晨咁早仆上黎，叫佢唔使咁辛苦， 半夜三點過來恭候佢