發展遲緩, 我應該點做....應該點去教個仔, 好迷網...

Tsubi

情況係咁既:

我係在識媽媽, 我有一個仔, 而家16.5個月大, 平時由本地姨姨湊, (姨姨有兩個女, 6歲及3歲), 每日收工就接返阿仔, 星期六日都係自己湊。

阿仔而家16.5個月大, 仲未識行...
佢10個月開始肚貼地咁爬, 12個月開始4點咁爬同拉住我地仔隻手咁企起身
13個月左右拉住死物咁企起身(有野扶可以企好耐下), 手拖手可以行到, 直到而家都未可以單獨咁自己企及行路其實我地一放手佢企倒幾秒, 但好快自己坐返底...每日都有同佢訓練, 但一"豆"起佢企o係度, 佢對腳就曲埋。
另外... 阿仔由6個月開始叫個"爸"字, 到而家仲係冇意識咁叫"爸爸", "家家", "打打", "家爸"...
1歲時教佢做"BYE BYE" 動作, 開始都肯做, 但而家又唔肯做, 已經日日都教佢, 佢好似專登咁周圍望唔做...
我地同佢講野佢好似唔明咁...
佢最鍾意人抱, 一抱就成隻樹熊咁"撻"o係人度, 唔怕陌生人... (個個都話:咁咪好lor, 唔驚人... 但其實我唔知佢係唔識驚定唔認人)
唔鍾意玩玩具, 一拎上手就掉,,,
成日尖叫, 有事冇事都叫, 放盡喉嚨去叫, 但好少喊....

本應以為姨姨度有小朋友, 會學野學得快d, 但
我62 99成日話我過份擔心, 應該由佢自由發展...雖然我知小朋友發展有快有慢, 眼見同佢同齡既小朋友已經識行同明白家長講咩, 我個心真係好著急, 但我無從入手... 健康院有轉介去瑪麗醫院, 瑪麗醫院話佢發展遲緩, 又轉介去大口環做評估, 但要等9個月! 我真係唔想等喇, 我唔想再拖...

我想請問大家, 我應該點做....應該點去教個仔?  

piglet0529

原帖由 Tsubi 於 15-12-14 發表
情況係咁既:

我係在識媽媽, 我有一個仔, 而家16.5個月大, 平時由本地姨姨湊, (姨姨有兩個女, 6歲及3歲),  ...

協康會或STEP或許幫到你早點評估

KCHK

真的見意快點評估, 因為真係慢左, 本地姨姨的小朋友有幾大？

KCHK

Sorry 未溫好書, 如果姨姨的小朋友咁細， 佢應該不能專注同你小朋友玩, 另外有發現亞仔有無特別野, 眼神? 對人有無反應?喜歡同小朋友抱抱嗎？

小熊野

早D 做評估，自己都安心D

Tsubi

多謝你回覆！
我同佢有眼神交流，佢有時仲專登望人，撩人玩咁。
佢最鍾意睇人玩，佢見到姨姨度嗰兩個姐姐玩就成日笑，但自己唔會埋去一齊玩。

Tsubi

我有朋同我講佢仲細評估唔到D咩，叫我大D先，但我唔想拖，怕越拖越遲。想做返D嘢但又唔知點入手。
我想問，而家評估會唔會好似我朋友所講評估唔到D咩？

piglet0529

原帖由 Tsubi 於 15-12-15 發表
我有朋同我講佢仲細評估唔到D咩，叫我大D先，但我唔想拖，怕越拖越遲。想做返D嘢但又唔知點入手。
我想問， ...

你上協康會網頁望下先, 其實聽你講小朋友差不多可以肯定有某程度的發展遲緩了, 仲細或未能評估出有否自閉但遲緩與否可評估到, 他們經確診後有密集課程可上的, 價錢評估幾千加密集幾千, 你可以聯絡他們問下, 我仔是另一類問題, 所以不知實際花費, 協康會或STEP的報告也可以用來排政府服務, 你叫他寫紙𨍭介, 咁你自費上他服務時另外已經開始排政府隊

墨汁英英

本地姨姨 睇小朋友玩會笑 詞少
我個仔差幾天16個月 全部狀况同你子一樣
我都好想有治療幫到佢快些行 如物理治療師。
已打健康院和Step 邁步問過 他們建议18 個月才跟進 step18個月做評估
現在有推學行車是可踏步行的
好擔心

carolksw

上協康網站，睇下有冇堂可上，排青蔥計畫。仲有自己帶佢去公園玩多D，去圖書館行下，同佢玩多D，簡單的撕紙都可以同佢玩，同佢一齊爬都得，因為所有的訓練都係一個字「玩」

Maria20140423

原帖由 Tsubi 於 15-12-14 發表
情況係咁既:

我係在識媽媽, 我有一個仔, 而家16.5個月大, 平時由本地姨姨湊, (姨姨有兩個女, 6歲及3歲),  ...

18個月前識行便ok .健康院書寫的

Tsubi

多謝大家回覆，我已經約左下個月評估，希望對正下藥！

小熊野

有問題，大家可互相分享架
這兒是一個好好的平台交流

墨汁英英

原帖由 Tsubi 於 15-12-16 發表
多謝大家回覆，我已經約左下個月評估，希望對正下藥！

我們交流下，因我仔都係咁

Tsubi

Hello~你囝囝情況如何？有冇D詳指令識做？我囝囝哩幾日又好返D，叫佢bye bye 拍手都肯，唉，真係好睇心情😞

Tsubi

係呀，喺度搵到好多資訊同戰友！

Rubykychung

請問你會覺得你囝囝眼皮會好腫嗎？因為我個囡同你仔仔情況有D似，例如遲緩生長，但有好多問題都會影響遲緩生長，但我見到你話囝囝好鍾意同陌生人玩同笑完全唔怕生，我個囡就係，就算俾陌生人抱住唔見媽媽佢都冇問題，早幾日睇左遺傳學，話我囡有機會有威廉氏綜合症，要抽血檢驗，呢個病嘅特點就係唔怕生保、生長遲緩、長相眼皮腫，咀大同厚、鼻短，或者你可以上網睇下資料，不過真心希望你囝囝唔係呢個問題同好快可以跟得上進度～

Tsubi

你好，我個仔的眼皮，唇都唔算厚大，我第一次聽哩個症，我上網睇下D資料，希望大家的仔仔女女都健康成長🙏！

Ckting

我個仔都係😖叫佢拍手就捉住我隻手來拍
而家想搵一啲觀塘或將軍澳的playgroup / 訓練俾佢，想問各位有無好的提議？
希望各位媽媽都加油💪🏻佢哋只係進度慢, 我哋一齊加油就可以追返進度😊

DollyCC

我囡18個月係行到，但左搖右擺，未講野，cac評完排s位，其實我自己唔覺佢好嚴重。所以自己感覺未必準