用戶登入
用戶名稱:
密      碼:
搜索
教育王國 討論區 自閉寶寶 十年同行分享:飲茶好好比IPAD
發新帖
查看: 1132|回覆: 2
go

十年同行分享:飲茶好好比IPAD

Rank: 3Rank: 3


106
發表於 15-12-11 16:19 |顯示全部帖子
唔好意思,因為大多PM同帖子回覆,所以遲了一點才出新之前所講的都是理論野,你地看書都看到,現在入正題,到我好想同大家分享同討論的實戰篇

作為社工,我覺得好多時醫生/CP/EP的野都好好,但係好多都落唔到地,點先可以落到地,便變成我每一天同家長一切探索的工作。

我想大家都會知道看電視的影響,除了小時候比媽媽話看得多電視會盲眼仔之外,或者講了好多年看得多電視會有暴力傾向外,其實看電視更加會影響腦部發展,現在開始有研究探索電視同自閉症的關係,有一個追縱研究在美國進行,針對以IPAD對小朋友腦部發展的影響,會否影響自閉症的出現。

IPAD為我們的生活提供了更豐富的娛樂,大人都機不離手,小朋友便更加不懂節制,我想大家好多時飲茶便會見到大人比了IPAD小朋友看電視或"益智APPS"便自己顧著傾計,小朋友便對著IPAD個多小時,沉迷在其中,連自己食了什麼東西都唔知道。

自閉症的小朋友好多時只要一看卡通或著玩APPS便會乖乖坐下來,不論是尖叫中定是發脾氣都可以立刻停止。家長都常同我講,我都唔想比IPAD佢,我都知道IPAD會影響他的情況,但係真係無辨法,在公眾場所給予IPAD便是我唯一同快速可以停止小朋友的問題行為,他們會立刻乖乖坐下來食野。

首先,有特殊需要的小朋友最好減少接觸電子產品(電子奶嘴)因為所以電子產品便讓他們的情緒更不穩定同更容易出現焦慮。連續觀看或者玩APPS,電子產品的強光會讓他們的腦袋受到剌激,影響他們晚上休息時的睡眼質素,讓他們發惡夢或者係睡得唔夠,影響他們明天的學習,長遠更會影響他們的發展,另外,他們只係暫時停下,到看完或收番IPAD便會出現更大的問題行為。咁多唔好處,但係這是最即時同最有效的方法,咁點解好?你們通常又會點做?

其實可以先同小朋友講明,我們去飲荼,要飲一小時,讓自閉的小朋友有定心理預備。出發前帶小朋友最心愛的一玩具,如:THOMAS小火車活動書,九大行星書或者係巴士路線圖等,預計大約與最心愛的玩具約五至十分鐘,其他二至三分鐘。要早一點到酒樓,等佢地可以熟習一下環境,建立他們的安全感。還有唔好迫佢地叫人,等佢地觀察好親戚朋友才要他叫人,因為迫他們叫完人後,他的的情緒及脾氣都會變差,這樣餘下的時間便會變得好糾纏。最少有兩位帶小朋友去酒樓,當小朋友開始按耐不住便可以帶他們出去行下,或者可以分散一下注意力,同時家長亦不會太辛苦。自閉症的小朋友通常都會怕嘈同多人的環境,所以找一些角落或廳。如有一些閒人來聊小朋友講野,家長可以按情況代答,唔好迫他們自己答陌生人野,這樣容易讓他們情緒失控。還有仲重要的是家長自己千期唔好看電話或IPAD,因為一見到電子奶嘴,他們便會去搶。還有飲茶的時間一定要在一小時以內,一般小朋友一小時都好難靜靜地,更何況是他們,所以一定要現實一點替他們考慮。如果情緒好失控令願早走,這樣便較留在酒樓糾纏為好,在家長同小朋友的情緒失控前便離開,同時讓他們知道他們失控都唔會有IPAD。

記住控制到自己的情緒才可以控制子女的情緒,任何情緒家長都要保持理性,不要自己失控才可以處理有關情況。

這些都係綜合不同家長經驗而寫出來,希望對大家有幫助。


553
發表於 15-12-11 22:46 |顯示全部帖子

回覆:十年同行分享:飲茶好好比IPAD

提示: 作者被禁止或刪除 內容自動屏蔽

Rank: 3Rank: 3


106
發表於 15-12-27 01:42 |顯示全部帖子
唔好意思各位,因為學校放假前,我實在好忙,所以沒有時間回覆大家的問題,現在過完聖誕節,希望可以盡快回覆大家。

你好叻 讀到大學,你的例子是給予我們的JM好好示範,他們個個都擔心小朋友讀唔到書呢

Ritalin係醫ADHD的葯,這是控制你的腦的控制同反應,水聲嘈同重復說話好大機會係因為A仔,不過都唔係重點,我反且想了解你點面對?你生活了廿年人,應該有自己的方法處理,你可以分享一下嗎?