TSA的所謂閱讀訓練 --- 小孩為何要學應試技巧?

retriever

立法會TSA公聽會，家長說的都是由衷之言，是每天在家裡和孩子掙扎的吶喊。童年幾多快樂時光，就是斷送在這些操練上。

最近我傷心地發現，小女做閱讀理解時，根本沒有閱讀，也根本沒理解文章。她懂的，只是在文字裏找答案。


那是一篇朱自清的散文，我看到了，興奮地跟她說，媽媽以前也讀過這一篇，不過好像是初中才讀的，還感情豐富地朗誦起來。她不屑地瞧瞧我，繼續做她的練習。


怎樣做呢？她沒看文章，直接看題目，然後才在文字裏找答案。我問，不是先看文章，再看題目，再找答案嗎？她又沒理我。


TSA小三中文科的閱讀卷，25分鐘裏要做3篇閱讀理解，平均只有8分鐘一篇，莫說是她，我或者也會覺得緊張。


8歲的孩子，8分鐘要看一篇520字的文章，答9條題目，還要一連看3篇。若不操練，根本應付不來。但過度操練除了賠上寶貴光陰，還因而喪失閱讀興趣。


那篇朱自清，她有些題目不懂而問我，我指導過後，正想介紹作者有多聞名，文章裡一些句子有多優美，她全沒興趣地把習作蓋上，「做完了」，她說。


我問，你還沒看過那篇文章呢！她答，不用看的。


從這一份功課裏，她學到什麼呢？只學會機械地在文字裏找答案，訓練得愈多，做得愈快。但對閱讀能力，一點沒進益，她甚至不知道那篇文章的主題。更可惜的，是她對文字的好感和敏感度也失去了。


我不明白，一個8歲小孩為何要學應試技巧，而不好好去培養閱讀的興趣與能力。


陳惜姿

原文載於《明報》副刊（2015年12月2日）

Fungcarrie

睇完真係好傷心，而家嘅小朋友真係好慘

florence.lau

好心痛。我們的教育制度真的很悲哀！救救孩子，救救香港！

loveDD

文中小女孩的反應同我個仔一樣

開心小花

依家好多小學的閱讀理解係睇題目，圈key word. 根本不是去理解篇文同欣賞文章。小一已經開始要閱讀理解訓練。我估個小朋友可能字都未識齊。

Hillkymama

啲小朋友除了少了學習興趣,也少了同理心,我們小時鄰居,同學,朋友有需要,定必守望相助.

最近跟一個中四學生和小六學生家長傾開, 兩個小朋友都話,我以前都係咁考TSA,唔應該取消.

中產直資中學生個阿媽話,唔係喎, 你學校唔操,係你好彩,依家有啲小朋友小一就要操卷,補課,小息都無得放喎. 如果你係依個年升代小一,連依間直資都考唔到,你5歲仲好bb咋,只係媽媽答問題.

小店店主小學生家長仲話,佢個囡呈分試唔好,但老師校長話TSA影響Branding,一定要努力呀. 同返佢講TSA同Branding無關, 呈分試先影響你個囡,跟住佢答我,已安排好人事入心儀中學,主科合格就得啦.

救命呀!咩世界, 香港好快有小悅悅事件,比車車完,十幾人經過都無人理.

HK-MAN

成個教育制度都錯晒....

giting

小一已經要開始準備玩這（個）東西, 全港每一級學生有多少人,

個個學生多多少少都要買D tsa練習簿, 最大得益是甚麼人,

是否有利益輸送 ???

retriever

HK-MAN 發表於 15-12-3 14:36
成個教育制度都錯晒....

最大問題係, 連受眾觀念都歪埋....

有版友話自己小朋友無問題, 做唔到個D, 或者要操既學校要反醒下... 或者以此為學校/孩子能力的指標?



評價一件事, 點解係以自己有無遇到問題為起點?!

retriever

Hillkymama 發表於 15-12-3 14:29
啲小朋友除了少了學習興趣,也少了同理心,我們小時鄰居,同學,朋友有需要,定必守望相助.

最近跟一個中四學生 ...

同理心係咪因為教育制度?!


無同理心好多是係孩子太自我中心... 習慣以自己利益喜好為起點看事情...


呢個問題, 大家會否覺得跟家長太過BABY, 太過為孩子安排有關?


EK 有初中同高中版, 早幾日突然諗起.... 得罪講句, 如果初中高中我仲係度出POST, 我諗自己作為家長真係好失敗...



HKU INFO DAY收生資料等等, 點解而家幾乎家長仲多過學生出席?

HK-MAN

retriever 發表於 15-12-3 15:08
最大問題係, 連受眾觀念都歪埋....

有版友話自己小朋友無問題, 做唔到個D, 或者要操既學校要反醒下...  ...

所謂指標就係當所有人都係資優生去出題目,強迫操練的後遺症,最終由學生及家長承受..

chanwendy

我印象中正式的 tsa 閱讀理解並不是520字咁長喎.  不過某啲出版社的所謂練習係遠遠深過正式的 tsa 卷的.

SiuYuet

大家試留意，而家全部名校神校考所謂的「閱讀」，同樣地要求一個5歲左右小朋友「讀」出文字。曾經有家長post文話好失望因為自己仔/女（我忘了）真的喜歡閱讀，但因為平日無訓練讀字認字，結果全軍覆沒！當時仲有好多回覆教訓個媽媽無真正教好個仔/女，讀唔出字唔叫閱讀.....可以想像對未入小學既學生已經有咁既要求，培育出考試機器絕不為其

其實即使無TSA, 我相信仲有根深蒂固既問題要解決

retriever

mmhoxxxxxx 發表於 15-12-3 23:54
呢個陳惜姿是否反國教果嗰人，請不要讓孩子成為反政府的工具！

唔好掉轉頭諗。。。最緊要講既係咪事實？


係咪小朋友要這條件下做閱讀理解？

2010_papa

chanwendy 發表於 15-12-3 16:19
我印象中正式的 tsa 閱讀理解並不是520字咁長喎.  不過某啲出版社的所謂練習係遠遠深過正式的 tsa 卷的. ...

The essays in the sample Primary 3 Chinese TSA paper downloaded from HKEAA's site are indeed around 500 words long.  The site is http://www.bca.hkeaa.edu.hk/web/TSA/zh/2014priPaper/PriIndex.html

PhilC

原帖由 mmhoxxxxxx 於 15-12-04 發表
其實妳有冇睇下其他post？大部份家長都話冇問題！亦都冇人公開有邊間學校會過份操練，不如叫陳惜姿公開佢啲 ...

請問你個大部分家長係點統計出來？小心好似民建聯個油天家長咁，呢頭話冇聽過學校有家長反對，轉過頭學校公佈調查，超過一半油天家長贊成取消tsa。怕你畀人揪秤啫，no offence.

joanne_ma

其實除油天，另外果兩位小朋友間學校都出左聲明話無操tsa,其中軒小更話無放學補課，咁究竟又係邊個講大話？

老實講，個公聽會吾應該叫小朋友上去。
講番閱讀理解，我細個都係先睇題目再從文章找答案，hehe

開心小花

先睇題目，再Scan Key Word找答案，咪就係當年我地去考公開試被人訓練的答題技巧囉。但對於一個初小的學生，唔應該咁樣去做閱讀的。其實，由文章中小朋友可以學識好多修辭手法，舖排文章。對閱讀能力及作文打好基礎。依家咁樣只求答案的訓練，我見唔到對小朋友有麼益。