有冇人後悔做超大B?想了解下

Heyheyjoyjoy

請教你點同阿仔講要讀多年幼稚園。我在考慮阿仔下學期轉回k2，現苦惱如何開口⋯⋯他心精懂事，但功課跟得慢，尤其抄寫，待人接物不懂看風亦不會討好別人…他認得好多中文字，英文phonics慢一點，數學是中英數中最好。他是要面，喜歡贏、被讚的…

Woojojo

janicelwy 發表於 15-12-4 12:32
回覆 Woojojo 的帖子

你提出個point好好, 就係他人期望。

個人意見, 考直私大B機會會比細B高一點, 例如今年啟基校監的一番言論說不會考慮9-12月出生的細B考生就令很多應考家長側目. 雖然如此, 在我來說, 學校應考學生多的是, 確有本錢揀易上手D嘅大B來收, 但舉辦得面試而暗地裡為細B設限, 學校的理念又不是我杯茶了.

Woojojo

yfchoy 發表於 15-12-4 18:17
不要太擔心，字體醜和功課慢只是小肌肉的問題，小女亦經過過。跟老師傾下睇下有咩意見。上面我的兩個POST希 ...

對呀, 我從不著眼他因體能上發展局限而做得比人遜色的地方, 也不刻意讓他知道自己是細B而以此為自己開脫. 幸好他算是有鬥心的人, 聽老師講亦受教, 例如他寫字寫不好或是功課做錯了, 就算老師要他改正三四次他都可以坐定定耐心改好, 不會發脾氣, 不會亂來了事. 這能耐讓我有信心他會keep住進步的!

很喜歡你的一句"因你有的是勇氣!", 大家一起努力走下去, 前面會將更天朗氣清!

chopin999

啟基校監講吾解吾收9-12月細b小朋友？

Woojojo

SWEETANN 發表於 15-12-5 15:57
阿女10 月b, 今年直私全軍覆沒，不過仍會升上自行派到學校，讀得好就算了。但如果有大進程，也可以明年再試 ...

今年直私競爭很激烈, 有自行派到已經係好好彩, 身邊朋友大多仍要一邊火併尚在面試中的學校, 另一邊又要預備大抽獎等運到呢!

Woojojo

chopin999 發表於 15-12-7 09:54
啟基校監講吾解吾收9-12月細b小朋友？

我冇報呢間, 但可參考 : http://www.edu-kingdom.com/forum.php?mod=viewthread&tid=3147941

chopin999

Many thanks

yfchoy

Woojojo 發表於 15-12-7 09:47
對呀, 我從不著眼他因體能上發展局限而做得比人遜色的地方, 也不刻意讓他知道自己是細B而以此為自己開脫.  ...

我和老公在對囡囡成長方面，都係比較有自我堅持的一套(由其老公)。出世時，個個都反對我哋話要囡囡入育嬰園，話好慘，點解唔請姐姐？但事實把他們的口給封了！雖然有段期間病痛好多，但一直的由初生到幼稚園前的這段期間，可以說的是每個見到囡囡的親戚都讚佢乖，食飯唔周圍搞，玩具放上枱自己玩，喜歡食飯食菜，會自己食(當然成日趁機用手攞)。我覺得這些大部份都是由育嬰園的各位老師調教出嚟！因為園裡照顧的不只佢一人，要學識分享，規則，要講導理(因為多人同佢講唔同嘢，佢自己都好喜歡講話)。所以當時考幼稚園的時候我充滿信心佢冇問題，可惜就係囡囡當時仍很喜歡隨意而為，面試全軍覆沒，這是我冇留意的。到幼稚園，初時又會有人問阿囡咁細追唔追到成績架？到K2至K3時我都好担心自己有冇做錯，但眼見其他同期嬰園的細B同學仔都冇問題、幼稚園老師都唔覺得有留班既需要住。一關一關地過，到現在為止，其實以前囡囡成日覺得自己唔夠人哋叻(其實我都覺得係)，今次的考試完全是照乎我和老公的預期(興幸有補習老師的不斷鼓勵佢成功，不能否定老師的功勞都好大。)。現在囡囡的自信心開始建立，往後的路更加要靠佢自己既勞力。"獲得成功"可以算是努力的其中一個動力，所以我好明白有些JM想小朋友做大B的原因。
你的小朋友其實好好呀！一個人有鬥心就有動力推動(我囡囡就係之前一啲鬥心都冇，激死)，聽取別人的意見係好，但最清楚知道小朋友的所有情況的人是自己，認清目標就勇往直前！


P.S.: 今年囡囡的情況是坐過山車的一年，表面上還可以，但心理上的問題好彩及早發現(覺得我哋唔關心佢，只會同佢講成績，其他嘢唔關心。嗰陣只係小一生咋。其實到現在嚟講，我都未知解開到佢既心結未。不過我選擇學業上放手俾其他人，回家除了必要的檢查功課執書包，其他一律放手，等佢自己去承擔番結果。發現這樣對囡囡行得通(但這方法未必個個行有通，我都係諗唔到點搞，囡囡覺得我對佢太兇)，佢衰過知後果，下次唔再做。佢有學琴，以前我係坐在旁邊每粒鍵捉，現在係我有我煮飯，叫佢練琴，認為OK便算。到上堂時做得唔好俾老師罵我又唔介意，好彩佢雖然懶但想學，暫時都勉強可以。老師都冇諗過小二就放手俾佢自己練(我要求唔高，彈琴為求興趣不求証書，有就俾學校冇都冇所謂，考試比賽從來唔主動提出，係老師問起囡囡要就報。阿囡一懶我就話唔好去比賽了，佢就忟)。

Rachelmummy2008

回覆 chopin999 的帖子

兩年前啟基已經話吾收細B，我囡正是, 聽完好失望以為一定reject, 不過囡囡講老師有讚她。
我們收到2nd in信, 即係細B仍有取錄的機會。

當時已有offers, 沒有再去2nd in了。

我記得啟基說依據兒童發展, 滿六歲才是入小一的適齡時間。

對此 我有點保留。

Woojojo

yfchoy 發表於 15-12-7 13:03
我和老公在對囡囡成長方面，都係比較有自我堅持的一套(由其老公)。出世時，個個都反對我哋話要囡囡入育嬰園 ...

的確, 人人都可以是揍仔老手, 但只限自己的細路! 每個家庭都不一樣, 每個小朋友性格, 資質和強弱項亦有不同, 只有父母最了解甚麼是最適合的(不是人云亦云的'最好')! 我跟你的諗法都幾相似, 現在我催阿仔做功課都係強調功課係佢嘅, 佢唔想做可以唔做, 但老師問起請自己解釋. 暫時聽到咁佢都就範. 到小學時我都會狠心由得佢錯由得佢唔做功課, 等佢俾老師教! 太保護佢只會害咗佢, 要佢明白自己要承擔得起自己的所有決定.

自信心真係好緊要! 因為我兩公婆都要返工, 姐姐冇辦法叫得郁阿仔做功課, 佢日日都等我放工才肯做, 所以根本冇時間同佢溫習. 於是k2開始同佢join咗數學班, phonics班咁, 目的不為證書, 但求有人同佢溫習下及預習下現在/將來所學的東西. 睇住佢上咗呢d班之後喜歡咗phonics同埋數學, 對幼稚園老師所教的不再茫茫然, 真的很喜出望外! 事實上, 在他k2那年, 我都已坐過一趟過山車!

話說N班時基於阿仔面對分離及戒片等都做得不錯, 於是順理成章升上K1. 到K1時穿珠仔, 夾衫夾, 行平衡木等大小肌肉評估他亦做得不錯, 雖然課堂表現偏靜, 較被動, 但老師認為他上K2冇問題, 於是又照升上去.  到K2開學後第一次見班主任, 大概11月左右吧, 我完全冇想過她口中我阿仔會是如此一敗塗地 - 理解力弱 (對老師提問冇咩反應), 表達能力不足, 每每對著老師就只係眼定定冇反應... 問老師是否重讀比較好, 她亦答我'可以考慮'. 晴天霹靂之下, 趕忙同步找K1即學期插班, 和報下學年K2入學申請資料, 同時亦四處問人俾意見.

相信在當時這樣的處境下, 問10個10個都會贊成重讀, 但偏偏給我遇上例外的2個. 其中一個係阿仔k1班主任, 她聽完覺得阿仔冇可能咁差, 於是主動去跟校長商量, 並提議繼續讀下去, 如完成k2仍覺得需要重讀的話, 校長願意留一個位給阿仔. 另一個是教幼稚園的朋友. 她提醒了我, 要分清是資質不高還是發展跟不上, 如是後者, 多作訓練已可補足, 若是前者的話, 不要期望轉大b就可改善. 聽完她倆的意見, 我本著大無畏精神闖下去了.

至今我的體會是撇開天資因素, 在幼稚園階段做細仔確實須要父母多一點協助和鼓勵, 但只要他們建立起信心和能力, 他們一樣可以做得到, 而且, 當他們做得到時, 所得到的滿足感和成就感更高, 也因而產生良性循環推動他們呢!

yfchoy

Woojojo 發表於 15-12-7 15:37
的確, 人人都可以是揍仔老手, 但只限自己的細路! 每個家庭都不一樣, 每個小朋友性格, 資質和強弱項亦有不同 ...

"要分清是資質不高還是發展跟不上" ~ 我都覺得這點比年紀大小去取決做大B還是細B的重要多，發展唔夠可以緞練，問題係點樣做，若是前者較多的話，真係急唔嚟的！

MrBeast

Em, 發展未到而用操練去去達到學習成效，不知咁是不是叫拔苖助長呢？
其實資質差只要努力也一樣可以成功（有興趣可google 下 10000 hr rule)

MrBeast

回覆 yfchoy 的帖子

同意，決定了，正面地向前望便是。其實我冇乜要求，健健康康，開心返學，合格升班，培養到正確價值觀，我已很滿足

yfchoy

MrBeast 發表於 15-12-7 18:39
Em, 發展未到而用操練去去達到學習成效，不知咁是不是叫拔苖助長呢？
其實資質差只要努力也一樣可 ...

其實我不太清楚拔苗助長呢個詞(我是真心，沒有他意)，不過不能去得太盡，會有反效果。同意資質差一樣可以成功，正如自小大家都聽到的龜兔賽跑，烏龜天生行得慢、腳比兔子短很多，但他不放棄一直行，最後嬴咗兔子。怎樣才算成功，好睇家長的要求。小朋友(KG時)是一張白紙，你比咩佢就接收咩，你話佢差，佢就覺得自己差，自信心一旦冇了就要花更大的努力去重建(別認為自信心失去了便難以追回)

yfchoy

MrBeast 發表於 15-12-7 19:25
回覆 yfchoy 的帖子

同意，決定了，正面地向前望便是。其實我冇乜要求，健健康康，開心返學，合格升班，培 ...

讚成！我都係抱住呢個心態，另外，品德同樣重要。今次考得好未必下次都得，對我來說，只要囡囡盡力和保持健康和正確態度去學習和做人已經足夠。

Woojojo

MrBeast 發表於 15-12-7 18:39
Em, 發展未到而用操練去去達到學習成效，不知咁是不是叫拔苖助長呢？
其實資質差只要努力也一樣可 ...

揠苗助長有不可為而為之意思, 與鼓勵-輔助-嘗試是兩回事. 10000 hr rule所指的不就是操練嗎? 發展未到而操練, 以學術/興趣班每個鐘$100-$200計, 相信冇幾多家庭有財力做得到噃. BTW, 只想理性討論一下, 如有冒犯, 多多包涵. 暫且按下不表, 皆因這是觀點與角度問題, 父母總想為子女作最恰當的安排, 冇絕對的對與錯. 未行到最後, 大家都係摸著石頭過河, 邊行邊走邊交流.

有少少離咗題, 父母後不後悔讓小朋友做大B我不知道, 但暫時無悔做住細B先, 反正試咗唔OK仲有機會可以轉, 冇必要單純由出生月份過早去判定一個小朋友嘅能力與可能性. 另外, 作為大B過來人, 爸媽未必了解中學時期男女生唔多唔少都會八卦吓大家年紀. 誰人最'老'可以是個講足幾年的話題, 亦是孩子不能逆轉的事實. 當然, 不是每個人都會介意, 而且現今世代多咗大B可能情況會好好多了.

最後, 不吐不快, 既然大細B發展初小已看齊, 在教育制度下亦同是適齡學童, 為什麼還是要硬扣帽子說大B跟得好/細B跟不上? 難度大B的成功不包括自己努力? 又難道細B就不可以憑努力成功? 個人愚見, 除非要嬴在起跑線, 否則大B/細B的差異就只存在那寥寥數年而已.

cutecutebbchu

如果龍年細b係咪應該讀蛇年做超大b，個競爭無咁大呢?好煩惱

MrBeast

cutecutebbchu 發表於 15-12-31 00:42
如果龍年細b係咪應該讀蛇年做超大b，個競爭無咁大呢?好煩惱

排除個人感覺和別人閒話的因素，客觀觀察孩子能力和發展進度，自己能否($, time n eq)提供足夠support，再決定

saltato

原帖由 Woojojo 於 15-12-07 發表
個人意見, 考直私大B機會會比細B高一點, 例如今年啟基校監的一番言論說不會考慮9-12月出生的細B考生就令很 ...

上年他們已是如此⋯ 如果不打算收細B應該直接在收生條件上例明，這樣令人覺得學校想收多d報名費⋯錢我出左唔緊要，用了我一天時間真的很annoying...

cutecutebbchu

因為龍蛇的出生人數差距太大，唔知應唔應該避開龍年，如想考直私小，係咪應該值得讀遲一年？