迦密柏雨開放日

little

請問知唔知係迦密柏雨嘅開放日呀？我上佢網站冇講，但又有人話係11/12

mamayatlun

11/12 是中一簡介會, 不是開放日

little

好的，謝謝

little

回覆 dorothy111 的帖子

咁你覺得間學校好唔好呀？

bb_2001

路過。。。 如果你覺得入大學率唔代表一切，若果你想小朋友自由愉快的學校生活，你可以考慮第二間。

跨區去沙田，未必一定要留大埔。有B1a成績與能力，跨去沙田，你可以有更好選擇。

xox

bb_2001 發表於 15-12-2 22:22
路過。。。 如果你覺得入大學率唔代表一切，若果你想小朋友自由愉快的學校生活，你可以考慮第二間。

跨區 ...

點解你咁感慨, 話中有話咁 ...

xox

dorothy111 發表於 15-12-3 12:21
仲未去呀. 不過哩間校風出名嚴, 唔係我首選. 我會試九龍同沙田先, 大抽獎留番大埔. ...

請問如果將自行的兩個 chance 試九龍同沙田, 但不成功.
會否影響大抽獎, 或扣門?

bb_2001

過來人的經驗，大仔選校當時沒有人提醒，以為是最好，其實可以有其他選擇。學校過份嚴厲及不合情理，只會令家長和小朋友關係轉差。

到細仔時成功跨區去了沙田，才知真的有成績是B1a的關愛學園。

另外，自行選區外，應該對乙部大抽獎冇影響。而甲3個位，可填區外2個，區內1個。但甲部碌入的機會不大。

但我細仔時，係自行1間沙田，1間莫壽增補底，大抽獎也冇選迦密柏雨。

tht125

原帖由 bb_2001 於 15-12-03 發表
過來人的經驗，大仔選校當時沒有人提醒，以為是最好，其實可以有其他選擇。學校過份嚴厲及不合情理，只會令 ...

乜真係咁差,我同囡仲諗住第一志願呢。。。可以講多d嗎?間學校唔係幾好咩

bb_2001

回覆 dorothy111 的帖子

乜你都知這外號，利害。我大仔開學後話我知。
都係那句，決定選去入讀的，唔好以為學校永遠是對的，別太看重他們的扣分制。

學校唔同你溝通，就多啲同小朋友溝通。要佢成為你朋友，佢先會同你講心事，你先可影響佢既決定。學校已是監獄，唔好令家變另一個戰場。

分數並不是太重要，親子關係是一生的。

不要被Annual Report 的升大學率誤導，識睇就知其實不太特出。

很多中學的升大學率報告，其實玩緊數字遊戲。沙田呂中的升大學資料，相對比迦密開放得多。

bb_2001

回覆 tht125 的帖子

唔知點講，大仔下年三月考文憑試，這六年經驗話我要看重溝通和親子關係。但有些初中時的衝突已經形成，往後的補救就很費力。
我仍覺得，如果當初跨區入呂中，我們的關係可能會更好，就像細仔和我的關係一樣。但亦可以話這是大仔的失敗經驗，加上呂中著重的德行教育的結果。

siden

如果唔想誇區就莫記la。

風氣冇咁嚴厲。

little_yolky

siden 發表於 15-12-4 01:18
如果唔想誇區就莫記la。

風氣冇咁嚴厲。

其他幾間都無咁嚴厲, 係柏雨出名啲。

不過話說回來, 真係要睇下自己小朋友, 有D係要人管的, 柏雨就啱佢哋, 自律的, 就可以有多D選擇。

tht125

原帖由 bb_2001 於 15-12-03 發表
回覆 dorothy111 的帖子

乜你都知這外號，利害。我大仔開學後話我知。

可以請教扣分制是什麼嗎?謝

bb_2001

little_yolky 發表於 15-12-4 13:07
其他幾間都無咁嚴厲, 係柏雨出名啲。

不過話說回來, 真係要睇下自己小朋友, 有D係要人管的, 柏雨就啱佢哋, ...

partly agree.
我以前都係你咁諗，所以自行只填佢，因為大仔高小時操行差，試過C+, 幾經辛苦先去到B+，才可入迦密。

但當你每天都為小朋友扣分而打罵勞氣時，你便不會認同，因當中包括互不信任，小朋友轉向講大話來逃避責任，沒勇氣認錯。而其實有些情況，責任不在小朋友，只是校方以易於管理為目標，而忽略對小朋友是否公平。就算家長寫信解釋，說是父母的要求，也要扣分。例子太多，不能盡錄。

但亦同意一點，小朋友相對是較守法，我大仔便是那類喜歡挑戰校規，但又不敢犯規那類。

bb_2001

tht125 發表於 15-12-4 16:14
可以請教扣分制是什麼嗎?謝

扣分制就是扣分制，乜都可以扣分，我大仔是較操心和亂的人，扣的分數通常係冇簽通告，有帶書，冇帶習作，或冇做功課，冇簽手冊，借書冇還等等，扣夠34分(好似)，便要留班。每扣夠10分便有時罰企操場，有時罰做其他野。
他們也有加分，但扣分容易加分難，校方可以因主科唔合格而試升，但卻因為操行唔合格而要小朋友留班。

我在中一，二時很緊張佢被扣分，但後來有些事發生後，我發覺要放手，要做佢朋友，唔想有事時後最後一個知，便開始唔睇佢手冊，扣咗分留堂只係話幾句。

其實呢啲唔小心是很小的事，細仔也因唔交功課比老師罰留堂，但扣分的壓力讓事情嚴重化，亦變成學校，家長和同學間的角力，有需要嗎？