如果最後冇K1收囝囝讀書，點算？

sharonho98

近來十月至十一月是面試季節，囝仔因為有言語障礙，面試表現都非常差，如果最後冇K1收囝囝讀書，點算？
又唔想佢日日在家對住工人！非常頭痛！

methy

原帖由 sharonho98 於 15-11-23 發表
近來十月至十一月是面試季節，囝仔因為有言語障礙，面試表現都非常差，如果最後冇K1收囝囝讀書，點算？
又 ...

唔使擔心，我仔3年前，當年2歲半未放手行，只有單字，一樣有書讀，當然你現在面試所面對既不安又係好真實。

舊年細女in k1,發展正常當然無問題，whatsApp group都有幾個小朋友完全唔出聲，有個懷疑語障，最後大家齊齊有書讀。
發展正常似我女既，會有幾個offfers係手，但最後都只會讀一間，放其他幼稚園既位出黎，所以唔使擔心的。

濼晴

你如果唔係報名校 ， 屋村學校一定有 offer

再加speech training 一定會改善

我女以前都係咁

lauywa

我仔有言語遲緩，面試N班時十間有八間喊，最后有一間offer!面試K1時無喊，但都只有一間下午offer, 我寫了轉上午班信，真的轉到，阿仔讀得開心！

lauywa

今年一月註冊后，我都八卦上番教署個網睇，原本話好full的次熱學校，仍有好多間有位呀！
所以你要帶小朋友去多幾間面試，爭取waiting list, 就算無后補，到時教署個網果d學校有位的都可去報名

Littlecatta2013

回覆 sharonho98 的帖子

村校/新校一定有位。

sharonho98

咁你囝仔K1學校有冇兼收組讀？或者有沒有在外面找言語治療師？

sharonho98

原帖由 lauywa 於 15-11-24 發表
我仔有言語遲緩，面試N班時十間有八間喊，最后有一間offer!面試K1時無喊，但都只有一間下午offer, 我寫了轉 ...

咁你囝仔K1學校有冇兼收組讀？或者有沒有在外面找言語治療師？

legolas625

努力D一定搵到

fatfathippo

如有社工跟進開，可以問他們有無介紹，因有些幼稚園有特殊教學服務。

lauywa

回覆 sharonho98 的帖子

我仔學校無兼收位，排緊e位，剛知道學校有參予"到校...試驗計劃",希望報到啦!九月時幫阿仔報了8堂言療，剛上完，加上平時返學，阿仔係有進步。