F.1 既家長, 你地幾時開始考試呀?

germainehui

原帖由 silvia_ng 於 15-11-23 發表
過多個幾星期就開始考試了, 但某人仲大安旨意唔溫習, 我真係放手睇下佢點死 ...

過完聖誕、新年假期一返學就開始考試。我囡都係懶懶行，唔見佢溫書。

ChapmanMa

原帖由 Yanamami 於 15-11-24 發表
本帖最後由 Yanamami 於 15-11-24 11:22 編輯

真係好多謝您的指導，比到D方向我地，可以輕鬆甘去享受佢既中學旅程，阿仔暫時仲好開心甘去番學，就係吾想佢甘快被嚇怕，甘快覺得學習係辛苦既事，希望您日後再多多指導下我，多謝哂

Yanamami

ChapmanMa 發表於 15-11-24 15:10
真係好多謝您的指導，比到D方向我地，可以輕鬆甘去享受佢既中學旅程，阿仔暫時仲好開心甘去番學，就係吾想 ...

指导唔講得上，只係阿女已F5, 我講下过來人經历啫~只要仔女有好既学习态度、开心既学校生活、对自己有要求、有自己目標，其他既放手俾佢地啦~
初中時阿女懶型，边听歌边做功課，有時温温下書又上網，好睇唔順眼｡不过成績表交到差，我又無話好説~近來阿妺有样学样，听歌做功課，俾大女鬧……我碌大对眼，以為听錯，話：你自己都听住做喎……佢話：咪做錯哂囉！無啦！戒左啦！所以呢~~最紧要学习态度好同有目標，撞下板就会知点先啱~

ChapmanMa

原帖由 Yanamami 於 15-11-24 發表
指导唔講得上，只係阿女已F5, 我講下过來人經历啫~只要仔女有好既学习态度、开心既学校生活、对自己有要求 ...

我阿仔同你囡囡好似，又係邊唱歌邊温書，我昨夜才對他說，口在吹口哨，眼在温書如何記到，他馬上背左一段history 比我聽，我看一下書，便馬上冇得出聲……唯有出去煮反…

kittylam

原帖由 silvia_ng 於 15-11-23 發表
過多個幾星期就開始考試了, 但某人仲大安旨意唔溫習, 我真係放手睇下佢點死 ...

10月20日經歷第一個考試，同你仔一樣大安旨意，結果2科6x，包括中文，學校好得意一邊派卷一邊繼續考，個仔未見過自己6字頭，開始知衰，剩下3科終於肯溫下，最後3科一科比一科高分。聽日開始第二次考試，有第一次經驗今次佢一放學就主動溫習，唔駛煩！

hoimaho

一月頭考試，希望放聖誕假果陣有時間溫啦

qkhui

我仔升F.2, F.1都有同佢溫下書, F.2比佢自己來, 噉有提佢要溫習. 噉UT都叫係自己溫. 都無唔合格. 當然成績就一定唔會太好(如果比我同佢溫. 一定好好多)..HA, 好似中文佢有O的會以為唔會考無溫, 有O的又以為自己溫了, 但唔熟. 數學. 以為自己明. 點知原來係明佐一半. IS 又以為自己串好晒O的字. 點知又係唔熟.

1月初就要考試. 我有叫仔自己寫有咩科, 覺得有咩野係要溫. 邊樣覺得要早少少開始. 噉佢其實都唔係太識. 都有問我見.

我想問下, 如果我跟他傾好了時間表. 而我又無見到佢在指定時間溫書. 噉我是否不理他? 由他自己? 因他話自己會安排. 會做.  因我都係想有初中比佢自己可以安排到時間溫習.

月希

我仔學校一月中考試...
10月尾時大測左...

想問大家小朋友大測又如何?

我仔完全係全級鬥低分咁
50分滿分..考38已係最高分...我仔36已覺得自己好醒
重要係2科紅左....雖然都係差1,2分..但佢D滿分係3,40分..差1,2分以%計都唔少
我話佢...有冇搞錯..以前小學平均分90%的..
依家計埋得6,70%....
佢重要話佢好多同學全部唔合格

happylogin

月希 發表於 15-11-26 13:18
我仔學校一月中考試...
10月尾時大測左...

2科已算少, 我女3科, 地理及西史30幾分咋 (100滿分). 中文最好, 全部合格都叫高分. 因為今次小測係比佢模索, 我地完全冇插手. 睇埋今次1月考試, 到下學期再決定要唔要插手.

miriam

原帖由 月希 於 15-11-26 發表
本帖最後由 月希 於 15-11-26 13:19 編輯

我仔學校一月中考試...

我囡 UT 等佢自己黎，成績都嚇親我。

下星期考試，問佢温左未佢答有温，我只可以做就係 print pass paper 畀佢每科考試前一日做咋。

月希

happylogin 發表於 15-11-26 13:50
2科已算少, 我女3科, 地理及西史30幾分咋 (100滿分). 中文最好, 全部合格都叫高分. 因為今次小測係比佢模 ...

第一次測驗我都冇理佢...但係我真係唔太滿意...

佢測完派卷都話自己唔太理想...
會溫書架啦...

但係11月就黎完..佢都未溫過書囉

月希

miriam 發表於 15-11-26 14:03
我囡 UT 等佢自己黎，成績都嚇親我。

下星期考試，問佢温左未佢答有温，我只可以做就係 print pass paper  ...

我仔就一月先考...
我諗住聖誕先催下佢溫書..
但都只係催下佢..唔會太理佢..
睇下佢自己識唔識做...

成績好番既野...我講明會由得佢自己黎..唔理佢...
如果再係差的話...就回到小學模式...
抄書做練習

yipcharie

我女4/1返去就考試啦！
温習都唔知從何入手，成日要踢下先郁。
有時仲衰到上堂對功課答案，都無留心聽，到頭來又温左d錯既答案！

mamee

原帖由 qkhui 於 15-11-26 發表
我仔升F.2, F.1都有同佢溫下書, F.2比佢自己來, 噉有提佢要溫習. 噉UT都叫係自己溫. 都無唔合格. 當然成績 ...

其實我似你，我仔都係中二，中一我都無完全放手。我係叫佢間書/重點，佢自己溫，溫完我抽問書（我認為重要）跟手大家貼題，估下最重要係邊part，不過通常佢同我都估晤中。
今年中二UT，真係完全放手，慶幸佢keep到成績。
時間表，我地真係由小學到中學都無整。

silvia_ng

我仔UT有D得, 有D唔得, 而且校長叫我地家長要放手, 所以呢次考試真係等佢衰下, 日後會留意返啦! 不過講真, 我把口都係忍唔住, 會繼續做嫦娥囉。

一月尾就派成績表, 到時等佢自己睇下自己每科排名, 等佢自己知驚啦!

miriam

原帖由 月希 於 15-11-26 發表
我仔就一月先考...
我諗住聖誕先催下佢溫書..
但都只係催下佢..唔會太理佢..

無諗過捽佢温書，真係衰左等佢知道唔可以再當小學時既温法係得，預左會心臟病嚴重左。

miriam

原帖由 mamee 於 15-11-26 發表
其實我似你，我仔都係中二，中一我都無完全放手。我係叫佢間書/重點，佢自己溫，溫完我抽問書（我認為重要 ...

UT 衰左時我囡都緊張左，但唔會係我面前温書，放學去到婆婆屋企係入房温。

佢依家既平均分我哥話岩岩升中係正常。

miriam

原帖由 silvia_ng 於 15-11-26 發表
我仔UT有D得, 有D唔得, 而且校長叫我地家長要放手, 所以呢次考試真係等佢衰下, 日後會留意返啦! 不過講真,  ...

我都係等佢衰下先，老本食晒就要轉方法去温。