我們爲什麽要孩子功課好？

200904

兩個小女兒今年剛上小一，兩個多月來，作爲媽媽，也在與她們一起適應。

有時候，也會來這裡走上一圈，看到很多家長在擔心孩子們的功課，有時候實在失控。所以，我常常問自己，我們爲什麽要孩子功課好？

是爲了將來出人頭地嗎？其實，出人頭地地，有幾個真的是功課好的呢？又或者，出人頭地之後，與自己的父母有隔膜，那又有什麽意思呢？你只是用了10多年的時間與心力，培養了一個傑出的街外人而已。
我情願培養一個快樂，愛學習，對世界充滿好奇，愛探究的孩子。孩子的心是怎樣的，世界就是怎樣的。如果她的心不快樂，就算做到高官厚祿，也不快樂。我寧願，在孩子在我身邊的這幾年裏，努力營造開心的家庭生活，讓她們快樂，滿足，長大都有開心的回憶。

babywoman

我自己細個，好鐘意做功課，放咗學，會做咗功課先，我仔現在話我以前係怪胎，我小學時，真係當完成功課就如完成一件完美嘅藝術品般，成績很好嗎？又唔係，中上咁。

到我仔，小一時，我會對佢不能立刻或自動自覺做功課感到意外，不解，之後，接受咗，因為時代唔同，人唔同，男女又不一樣

但，對於功課，我希望，佢能當日完成，認真，而不用改正再改正再改正。
做功課我當係溫書，一個任務，他日，上司給你一項任務，成果如何？有時這成果，可能就是自小由做功課養成的，特別是態度方面。

三歲定八十，不是說三歲時如何，八十歲就如何，而是各種習慣、生活態度、待人處事等 等都要由小培養

200904

回覆 babywoman 的帖子

我完全同意你的説法。

所以我嘗試灌輸，做功課是一種溫習，讓小朋友看看是否上堂老師講的東西都明白？如果不明白，可以問爸爸媽媽，問老師，搞明白就好。不明白，不是能力問題，而是每個人都不是全能的，一定會在某方面很厲害，但某方面很弱。但因爲她們還小，所以及早發現弱的地方，爸爸媽媽與老師會同她一起努力，幫助她在後天補足就好了。

所以，就算她們沒有滿分，回到家裏，也是開心的。因爲我會說，好厲害啊，識的多過唔識的！然後再幫她們分析錯的地方。

傻太

原帖由 200904 於 15-11-20 發表
兩個小女兒今年剛上小一，兩個多月來，作爲媽媽，也在與她們一起適應。

有時候，也會來這裡走上一圈，看到 ...

應該點？叫個細路欠交功課？我已經算係一個hea媽，只check有無做，唔會check啱唔啱。。。但由佢欠交我真係過唔到自己。。。

hohoyy

babywoman 發表於 15-11-20 09:12
我自己細個，好鐘意做功課，放咗學，會做咗功課先，我仔現在話我以前係怪胎，我小學時，真係當完成 ...

各種習慣、生活態度、待人處事等 等都要由小培養 -->

讀書做功課, 唔係只係功課本身, 或者學左個樣知識, 係態度, 責任感,既培養. 如果細個做功課都求求其其, 大個讀書, 出黎做野都會一樣.

MASAYA

做功課係學生責任, 確保子女作息係父母責任, 覺得功課超出學生能力, 就同學校反映, 一個人唔得就同家教會或其他有同感既家長一齊反映, 都冇效就轉校, 呢間學校唔適合, 其他學生一係有能力正常時間完成, 一係屋企覺得佢地捱得, 佢地就適合

仲有個情況係, 留意子女有冇學習障礙, 呢個都係父母責任

最鎖死父母想法既一句說話 : 點解人地得自己唔得? <-- 係囉, 問埋點解人地買博士做高職位都得自己唔得?

little_yolky

傻太 發表於 15-11-20 09:41
應該點？叫個細路欠交功課？我已經算係一個hea媽，只check有無做，唔會check啱唔啱。。。但由佢欠交我真係 ...

如何說好呢? 應該係咁講, 做功課係小朋友既責任, 真係自入幼兒園要一步一步培養的事情。可能不可以一步登天, 但起碼一步一步慢慢改善。
我細果隻懶精雖然好玩, 但放學一定會先做功課的。週末功課會星期五狂做, 因為佢想星期六、日留返嚟玩(雖然呢個原因我成日覺得唔太好), 其中可能有欠做, 但都不是故意, 因為她不是很小心的人, 所以有甩漏。慢慢來, 慢慢改善。

BTW, 我仲hea過你, 基本上只會一星期突擊抽查一兩日功課有無做完, 平時佢自己check。

200904

回覆 傻太 的帖子

是啊，我覺得父母的責任就是要幫小朋友樹立正確的學習態度，做人的態度。

我常常講，做功課是小朋友的權利與責任。自己的功課自己要負責檢查，我現在幫她們檢查，只是一個過渡期，是她們的bonus，下學期媽媽就放手了。眼見她們現在已有條理，將作完的功課放在一曡，夾在手冊等我回家檢查，我已經很欣慰了。

其實，每個小朋友都不同，作爲家長，應該先在幼小期，培養定她們的責任感，時間分配感，以及自信心。培養成習慣之後才能放手。而不是，明知道小朋友還未養成習慣，就放手。就好像，你去一個公司打工，老闆都沒告訴你公司怎樣運作，就要你完全接手，你就會很彷徨，不知如何處理。小孩子更是這樣。

我先告訴她們，她們是有能力做到的，打下信心的基礎。然後，教她們按學生手冊的次序一樣一樣做。做完，要自己檢查一次，然後放在學生手冊，等我放工回家檢查。我檢查時，發現有做錯的，我會與她們一起分析原因，不懂得就教，因爲畢竟一個班3X多個學生，全部推給老師，不太可能。當然，前提是她們一定要在學校認真學習。

little_yolky

MASAYA 發表於 15-11-20 09:53
做功課係學生責任, 確保子女作息係父母責任, 覺得功課超出學生能力, 就同學校反映, 一個人唔得就同家教會或 ...

呢點真係無奈, 好似我校, 唯一既缺點就係測考默太多, 曾在群組內同其他家長反映, 但其他家長覺得朋友小學更慘云云, 我們已經很好了。整個月曆自九月底開始, 密密麻麻排滿測考默時間, 但成績又唔見突出, 點解仲會覺得無問題呢?

家教會都係支持學校的死硬派。

scyauchris

回覆 little_yolky 的帖子

我同你一樣, 不過我hea d 一星期都無去抽看一次。不過連續三天red marks 我會出聲。
其實功課是責任感問題, 家長唔要求全A無錯及超級靚字。

200904

回覆 little_yolky 的帖子

所謂眾口難調，就是這樣了。

畢竟小學一個班都有30多人，就算一個家庭，父母之間都有可能意見相左，所以，我不太會主動投訴什麽。除非，我覺得有特別嚴重的問題，如有欺淩，虐待，我就一定會出聲，否則，還做什麽父母？

其他的，我會覺得，應該讓小孩子自己去適應。畢竟，這個世界不是為她而存在，她應該在某种程度上去適應這個世界。只有能在這個世界生存到，將來才有機會去改變這個世界。

MASAYA

200904 發表於 15-11-20 10:20
回覆 little_yolky 的帖子

所謂眾口難調，就是這樣了。

[size=30.3998px]反映唔一定係投訴既, 最近好多人公開話好多小學功課太多, 我女小學自動減少左功課, 我主動搵校長講呢排功課少左多左閱讀時間, 我女係旁邊附和, 校長回應多謝支持, 我覺得同學校要保持溝通, 唔係只有學生係中間維繫, 學校有改變你冇反應佢點知家長諗乜? 學校真係可以唔駛理家長想法, 只諗自己個套?

palmchristy

功課能有效反映小朋友的學習是否能掌握.

我地唔會檢查功課對錯.  細女有時做得好, 代表佢該科自己能攪掂; 但有時真的做得不理想, 咁就會在測考時幫佢, 至少明白返要留意乜野地方.

所以我唔認為應該由家長檢查是否功課好, 甚至病態地要求全對, 因為咁根本反映唔到小朋友有乜野地方攪唔掂.

scyauchris

回覆 palmchristy 的帖子

更本不應該check功課包括有無做齊, 小一開頭就話。重有唔應該因字寫得不達家長要求就擦左佢做的功課, 好慘的。

MASAYA

scyauchris 發表於 15-11-20 14:57
回覆 palmchristy 的帖子

更本不應該check功課包括有無做齊, 小一開頭就話。重有唔應該因字寫得不達家長要 ...

哈，如果唔睇功課，但搵補習操練習你點睇？

palmchristy

scyauchris 發表於 15-11-20 14:57
回覆 palmchristy 的帖子

更本不應該check功課包括有無做齊, 小一開頭就話。重有唔應該因字寫得不達家長要 ...

完全放手不管有無做齊功課, 對某些自動自發, 對自己有要求的小朋友是可以的.

palmchristy

MASAYA 發表於 15-11-20 15:06
哈，如果唔睇功課，但搵補習操練習你點睇？

我識有家長在初小學階段完全無睇, 到高小先發現問題, 結果留班, 同步再搵補習.

HaYi

功課是學生的責任, 只有認真對待, 才是真正學習.

至於父母是可以放手或放多少手, 我只覺得幸運的父母有個有責任心的小朋友, 是可以輕鬆些, 早些放, 讓他們早自立，　但好多不達標的小朋友仍只可以靠外力 :父母或補習社去監管,　難道由佢自己亂來，　最後派回來，　改來改去完全沒耐性去學更好？　　 無奈的一步，　但做法不應受指責, 因人各有異。　

MASAYA

HaYi 發表於 15-11-20 15:23
功課是學生的責任, 只有認真對待, 才是真正學習.

至於父母是可以放手或放多少手, 我只覺得幸運的父母有個 ...

如果有個有責任心既小孩就係幸運既父母，未免太抹殺佢地既努力呱？

oooray

原帖由 MASAYA 於 15-11-20 發表
本帖最後由 MASAYA 於 15-11-20 15:28 編輯

努力栽培子女而得到成果並非必然。說家長們幸運，正確不過。