用戶登入
用戶名稱:
密      碼:
搜索
教育王國 討論區 教育講場 校舍空置養蚊 寸土必爭搵笨(東方功夫茶) ...
發新帖
查看: 221|回覆: 2
go

校舍空置養蚊 寸土必爭搵笨(東方功夫茶)

Rank: 12Rank: 12Rank: 12


71390
發表於 15-11-20 08:55 |顯示全部帖子
房屋問題死結難解,港府束手無策,一味好似盲頭烏蠅咁四圍盲搶地,甚至一度想打郊野公園主意添。其實,香港邊係冇地吖,只係官僚暴殄天物,有地而唔識利用啫。

嗱,審計署發表新一份衡工量值報告,踢爆十多個部門行政失當,問題多多。其中檢視空置校舍問題時,揭發由○五年至一五年四月期間,共有二百三十四間校舍空置,當中四成半即一百零五間未有使用,七十三間被教育局認為不適合作教育用途而交回地政總署,呢啲校舍已分別停用零點六年至三十五點六年不等。審計報告又揭發,有七十九間空置校舍被納入學校改善工程計劃,其中二十六間喺改善工程完成後五年內仍然空置;而喺一百零五間未有使用嘅校舍中,當局保留二十九間作為教育用途,但奇怪嘅係有啲學校已停辦近十六年,都唔知保留嚟做乜。

香港寸金尺土,港府任由大量校舍荒廢,何止係暴殄天物,直頭係浪費資源。特別係嗰七十幾間交回地政總署嘅空置校舍,點解唔用嚟改建房屋呢?官僚經常問地從何來,其實遠在天邊,近在眼前,大批校舍長期丟空,有啲甚至長達三十五年,港府渾渾噩噩,一味嘆無地建屋,等於守住金庫呻窮,你話係咪匪夷所思吖。

其實,隨着適齡學童持續下降,校舍空置情況愈嚟愈普遍,如果將部分改為房屋用途,紓緩居住問題,保證市民舉腳贊成。道理好簡單,空置校舍與其荒廢養蚊,何不為無殼蝸牛着想呢?

除咗丟空校舍問題,教育局亦被踢爆浪費公帑,明知部分小學收生不足,仲將校舍納入改善工程計劃,結果有啲小學呢頭做完改善工程,嗰頭殺校停辦。最典型嘅例子係,有間被殺嘅小學白白浪費三千幾萬元工程費,豈有此理!

話時話,港府浪費珍貴土地資源,又點止空置校舍吖。空置街市、私人會所、公務員宿舍、遭非法霸佔嘅官地……只要港府善加利用,就可以大大紓緩土地荒問題,又使乜搞到盲搶地咁狼狽吖。當局一方面任由大量土地閒置,一方面打郊野公園主意,係人都唔服喇。計功夫茶話齋,港府不如認真諗吓點樣撥亂反正,善用閒置土地同收番部分私人會所用地,咁仲實際喇!

所以話,房屋問題搞到積重難返,政客為反對而反對,一味阻住地球轉,固然抵鬧,而官僚尸位素餐,得過且過,一樣難辭其咎。嗱,反正有咁多校舍丟空,不如搵一間改建成高官幼兒班,畀港產官僚接受再教育吖!

Rank: 3Rank: 3


382
發表於 15-11-30 19:52 |顯示全部帖子

回覆:校舍空置養蚊 寸土必爭搵笨(東方功夫茶)





Rank: 3Rank: 3


382
發表於 15-11-30 20:08 |顯示全部帖子

回覆:校舍空置養蚊 寸土必爭搵笨(東方功夫茶)

灣仔學校校舍涉借友好 先後借兩國際校 辦學團理事長與兩校高層曾共事
[2015.11.20] 發表
推文
灣仔區街坊福利會理事長林貝聿嘉(左)與滬江維多利亞國際學校丁毓珠(右)稔熟,曾一同外遊,亦一同在婦協共事。(資料圖片)
【明報專訊】審計報告不點名揭發,由林貝聿嘉擔任理事長多年的灣仔區街坊福利會所營辦的愛群道灣仔學校停辦後,拒絕按批地條款交還校舍給政府,卻先後把校舍借予同屬非牟利的滬江維多利亞國際學校(VSA)及德瑞國際學校。根據本報採訪所得,游說林太借出校舍予德瑞的是德瑞校董王沛詩,而VSA創辦人則是丁毓珠,二人與林貝聿嘉都在香港各界婦女聯合協進會有名銜。本報昨多次致電福利會,透過職員向林太查詢,但她至截稿前未有回應。

立法會政府帳目委員會昨開會,決定就審計報告其中4個項目深入研訊,包括使用和處理空置校舍、政府管理都市固體廢物的工作、廚餘減量及循環再造,以及香港郵政的運作。至於另外6個議題,帳委會會安排會議,邀請官員到立法會公開交代和接受議員提問。

廖長江妻說林貝聿嘉借校舍

德瑞網站顯示,該校在2011年底起可使用由福利會擁有的前灣仔學校作臨時校舍,要感謝董事兼家長Mrs. Priscilla Liao游說福利會理事長林太。根據公司註冊處資料,德瑞其中一名校董為Wong Pui Sze Priscilla,與廖長江共同持有另一公司,亦即廖的妻子大律師王沛詩。林貝聿嘉為婦協主席,王沛詩曾任該會義務法律顧問,二人曾一同擔任平等機會委員會委員。

本報昨以短訊詢問廖長江,其妻事前是否知悉福利會拒歸還校舍予政府、現是否認為福利會應歸還校舍,他截稿前未有回應;本報昨未聯絡上德瑞負責人。根據審計報告,德瑞借用灣仔學校前校舍,有效期至明年7月屆滿,之後要每季續借。

丁毓珠曾與林太組旅團

至於VSA,創辦人丁毓珠為婦協副主席,與林太為老朋友,二人2010年曾偕同10多人自組東歐團遊覽多個國家;丁毓珠女兒兼VSA校長孔美琪亦為婦協執委。孔美琪及該校發言人昨截稿前未回應事件。本報昨多次致電福利會,職員指林太有返回開會,但林太昨未有回覆本報查詢。