學琴會有影響嗎?

dokanty

各位好, 我是新手, 因之前唔留意有呢個欄目.我囡囡今年4歲半, 佢返N班後老師懷疑佢有自閉傾向同言語發展問題,
感統低, 有固執性行為, 言語慢半年, 無自發性分享, 皮氣大, 專注力低.

其實呢年幾兩年, 佢進步都好大, (之前學校安排左個感統訓練比佢,
政府職業治療排左一年後去評估, 就話OK, 而大口環果度亦話唔駛
再返去, 直到上小學之前)
排緊早期訓練但未排到. (要等到5歲排快線)

4歲開始學畫畫, 係唯一佢自己話想學的野,
後來約4歲半開始, 同佢安排左暑假時上左4堂唱遊班, 睇下佢對學
音樂/琴有無興趣, 學完佢都OK, 話想學音樂, 於是就繼續試學.

但學左約2個月, 老師話佢有D奇怪, 對樂理就OK, 肯聽.
但對於個琴, 佢就好似有點抗拒, 唔會有興趣彈, 同店.
好似怕怕地咁, 我本身諗住, 如果佢唔特別喜歡, 就唔學住啦,
唔想逼佢學, 所以諗住試多一個月睇下情況.

唔知大家有無試過呢D情況? 如果有可否分享一下.
多謝大家的寶貴時間/意見. .. .

Jcat

重點唔係個琴, 他日可能係結他or其他物件.
自閉症既小孩會好無里頭咁抗拒一件事或一件物品, 反而這些位要正視, 因為年紀越大, 佢固執抗拒既人事物會越來越多, 佢又解釋唔到, 你又勸唔到.
要改變佢接受新野一定要小時候去做訓練, 否則六歲後就好難教了.