用戶登入
用戶名稱:
密      碼:
搜索
教育王國 討論區 談幼稚園 分享:不要在interview後責怪孩子
發新帖
查看: 765|回覆: 13
go

分享:不要在interview後責怪孩子

Rank: 5Rank: 5


1742
發表於 15-11-15 02:30 |顯示全部帖子
不要在interview後怪責孩子的10個理由:

1.尊重孩子是自己的主人
一個未夠2歲的孩子,其實唔會知道做咩?點解要去果度?所以佢地只係做番自己。(其實明咗呢點,以下9點都不太重要了。)

2.陌生梗係驚
在陌生的環境,唔配合生活規律的時間,反應 + 狀態和平時唔同(所謂表現失準),實在是正常不過。

3.等真係好悶
Interview前,往往要等待一段時間。孩子不會明白為何要等待太久,更不會去保持冷靜平和心情,只想四處去跑,去發現新奇的事物。

4.唔啱玩梗唔想玩
每個孩子的興趣和喜好是很獨特的,溝通方式也是親人才會知道;所以interview內的task,是否「撞中」孩子的喜好,實在難以控制和要求。
不想玩那些玩具,或者有其他更吸引的玩具(不是老師手中那一件),又有什麼好怪責孩子?

5.小朋友咁聽話你先驚
10分鐘內:老師拎玩具A…完成A指令;老師拎玩具B…完成B指令;老師拎玩具C…完成C指令;老師拎玩具D…完成D指令….E…F…G…—>其實不是一個玩耍/好玩的過程,而是一個指令與服從指令的過程。

6.欣賞小朋友的好奇心
孩子極有可能對課室內/外的其他東西有興趣,多過那些Task。來到新的地方,有好奇心去探索於新奇的事……周圍攪……跑跑跳跳才是孩子該做的事!

7.好野唔分享都好正常
老師算是個陌生人,剛剛見面三分鐘!一個未夠2歲的孩子,那一刻唔想把玩緊的玩具分享,是完全可以理解。

8.興趣無限,耐性有限
孩子對老師手上的東西沒興趣,就想玩其他野!大人不斷捉番佢去老師度,孩子可能連玩都唔想,只想逃跑……逃出課室,去發掘更有趣的事物!

9.我愛我的獨特小寶寶
記住!無論interview發生咩事……孩子反應如何……他與interview前沒有分別,仍是那個在您心目中一樣獨特、可愛的孩子!一樣值得您愛!

10.心態決定一切,玩就最實際
無論interview後有無收到佢,千祈唔好用「成功和失敗」來形容孩子!我們成年人自己都interview過,決定的因素實在太多!如果單是因為interview唔收,而在孩子身上貼上「失敗」的標籤,我們作父母的實在枉對孩子!

唔知後記定前傳:
話說,N班interview旺季,Facebook + 咩咩Kingdom熱門post是「今日去interview/作戰/迎戰/上戰場/策略分享/考題分享/阿B加油」,配以賽後檢討「表現好好/實況/戰況/失準/唔乖/唔合作/失敗」等等等等。

本身沒有興趣討論「戰況」(用「情況」比較適合),但今天體驗過後……我很想很想嘗試代入孩子的處境去明白孩子多一點!

不要只叫一個2歲未夠的孩子「interview加油」!要加油的是我們做父母的,努力不要用「評判」的目光去評論孩子的「表現」!

想講清楚:我不是想討論的interview的設計/評分的準則,而是父母對孩子interview時的「反應」(表現)而作出的評語。

用「反應」來形容,而不用「表現」,是因為我們往往對「表現」有特定的期望,故此就會有評論高低的傾向。

我列出以上10個理由,並不是要為孩子的「表現」去辯護和找藉口,而是想立體一點去睇呢個interview過程。

明白父母已經很繁忙,最好一take過interview叻叻(邊個定義叻,其實是很需要討論,另文再論),學校收佢唔駛煩!但就算父母有多煩惱,也不要怪責/責罵/失望,並把「成敗」都推到孩子的頭上!

不要在interview後怪責孩子,說他們失敗!孩子的成長中,還有很多不同的挑戰,不要把事情的結果去認定孩子的成敗!

無論interview成點/學校收唔收佢,孩子在我心目中,從沒變過──都是我們獨特的好孩子!

抱抱孩子!攬攬孩子!

Source: http://topick.hket.com/article/962574/?r=tdsdhn很有意思的文章,星期六見盡不少家長怪個小朋友,話無用架,又喊,心傷



Rank: 3Rank: 3


112
發表於 15-11-15 03:12 |顯示全部帖子

回覆:sala222 的帖子

我從來冇諗過要怪小朋友,佢次次in完我都會讚佢叻叻!但反而我想鬧我老公!尋晚已經同佢brief晒今日要in學校既資料(一間only)已經教定佢點答(間學校好重視父母兩個一齊教育小朋友,所以我肯定就算我答完,老師實再叫佢補充或搵題要搵佢答)點知佢將我講完既野又重覆講一次,我即場真係想殺左佢
不過呢編野應該比老師睇,等佢地了解吓小朋友interview表現差並唔可以作準



Rank: 2


64
發表於 15-11-15 08:17 |顯示全部帖子

回覆:分享:不要在interview後責怪孩子

謝分享

雖然我家12月女今年全軍覆沒,但事後每次我都心痛,不只因她表現不到自己真正一面,而是未入房i之前她對我說“媽媽,我驚呀,想走啦”

我最愛的小寶寶,媽咪太殘酷地留妳interview



Rank: 4


718
發表於 15-11-15 08:30 |顯示全部帖子
要怪就怪祖國帶協,以前一般學校駛乜in,簡簡單單就可以讀,幾時聽過村校都要8,9間都仲驚無學校收,只怪世界不正常。天真可愛的小朋友不斷被迫極速成長,變態!

Rank: 3Rank: 3


153
發表於 15-11-15 08:53 |顯示全部帖子

回覆:分享:不要在interview後責怪孩子

唉,我係怪我自己做得唔好,連累個仔....我interview時轉去第2個班房時太心急,老師一叫呀仔個名我地無拍櫈就起身跟老師走,而家諗返起就超後悔,越緊張就累咗佢



Rank: 3Rank: 3


278
發表於 15-11-15 09:08 |顯示全部帖子
我都覺而家社會變晒,細細個就咁, 我地嘅小朋友都係獨特架,就算interview做唔到唔代表平時唔識做,可以果刻小朋友都有自己意願,唔係邊個叫做都肯。


2288
發表於 15-11-15 09:11 |顯示全部帖子
提示: 作者被禁止或刪除 內容自動屏蔽

Rank: 3Rank: 3


462
發表於 15-11-15 09:18 |顯示全部帖子

回覆:分享:不要在interview後責怪孩子

通常我只怪自己見得唔好,自責比責人更難受



Rank: 3Rank: 3


378
發表於 15-11-15 09:19 |顯示全部帖子

回覆:sala222 的帖子

借分享,很好的提醒!上年PN報十間得一間offer(二月大B啊!),都試過話阿囝點解咁失控坐唔定,鬧完都後悔,一個兩歳既小朋友奌解要為面試而改變自己。今年去in,我每次都同佢講去新學校玩,佢好開心,我亦𣎴介入,由佢自己發揮。當然有表現好亦有不好,(我相信小朋友也會揀學校)但我看到佢既成長,一些平時未做過既task,佢都做得到,好開心。願大家同小朋友継續努力,有心儀offer!



Rank: 3Rank: 3


153
發表於 15-11-15 09:22 |顯示全部帖子

引用:通常我只怪自己見得唔好,自責比責人更難受

原帖由 心急媽媽xxx 於 15-11-15 發表
通常我只怪自己見得唔好,自責比責人更難受
係呀,好恔自己,瞓都瞓得唔好,點算?



Rank: 3Rank: 3


424
發表於 15-11-15 10:03 |顯示全部帖子

回覆:sala222 的帖子

11月7日,下午1點幾,有個媽媽係石x尾幼x學校同個女in完出到大門 大鬧個女 我咁辛苦同你報呢間學校 之後一巴二巴打個女 打左幾十巴 真係唔明點解有啲咁既家長



Rank: 3Rank: 3


275
發表於 15-11-15 10:25 |顯示全部帖子

回覆:分享:不要在interview後責怪孩子

我有一次呀女in得唔好,我都有鬧佢,但之後非常後悔...



Rank: 5Rank: 5


2126
發表於 15-11-15 10:42 |顯示全部帖子

引用:Quote:原帖由+心急媽媽xxx+於+15-11-15+發

原帖由 iphone8 於 15-11-15 發表
係呀,好恔自己,瞓都瞓得唔好,點算?
Same here



Rank: 6Rank: 6


8761
發表於 15-11-15 16:15 |顯示全部帖子

回覆:分享:不要在interview後責怪孩子

我都試過埋怨呀女吾開金口,  超後悔,佢咁細個要佢「拋頭露面」其實心有點內疚,不過明明識又吾做攪到好鬼忟