也談TSA（左丁山）

elbar

在中國人社會，冇考試就好唔掂，即使係司徒華一生最大政治成就，即成功爭取取消全港升中試，亦帶來不少後遺症，即係妨礙貧窮區域尖子學童升上其他地區嘅精英中學，有礙社會向上流動。

現在講到風潮四起嘅TSA（左丁山最初唔知係乜，聽完大記者講，先知係Territory-Wide System Assessment）（全港性系統評估），淨係睇個英文名字，已經摸不着頭腦，啲教育局官僚都幾有方法去弄到人人糊塗，咁即係乜呀？就係一個考試囉，夠笑話嘅係，教育局話考TSA唔駛事前操練，大把家長反對操練，教育專家教授話唔好操練，但市場唔會死錯人，有不少出版商出版TSA練習，就證明大把學生實際上係有操練，學校唔施壓嘅話，學生操TSA做乜鬼喎，貪玩咩。學校目的係乜，真耐人尋味，睇落實係與金錢有關，金錢即是每月薪水，唔少學校驚住TSA成績唔好就會引致家長捨棄，跟住收唔到新生，收唔夠學生就會被殺校，校長老師全部冇得撈，為保飯碗，點都要催谷學生考TSA啦。

之不過，教育局三番四次公開講TSA與殺校完全無關，TSA成績唔會公開。但講極都冇人信，可見教育局已經冇晒公信力，可哀也。

問一位老師，TSA究竟係乜程度？佢話小三學生理論上按照小三官方訂下之課程指引範圍考試，但事實上，考試程度高於小三，故此學校咪要操練學生囉。咁都得？教育局與考評局冇聯絡嘅咩？啱啱呢日揸車聽收音機，一位退休英文女教師講得好激動，佢話2004年，佢應邀為小三TSA英文科出試題，佢百分百按照小三學生課程範圍擬定試題，點知考評局唔收貨，話題目太淺，試題審核員認為要提高啲程度！女教師不服，三番四次追問試題審核員係乜嘢專業，得到嘅答案係，一位教中七嘅英文老師。呢位女教師好激氣，認為不應以中七程度睇小三，拒絕修訂。咁講法，逼學校及學生操練TSA，考評局可能係罪魁禍首，如果TSA小三試真係考小三課程範圍嘅話，所有小三學生駛乜操得咁辛苦呀，現教育局長吳克儉以前係教評局主席，佢最知得清楚啦，唔該佢開個記者招待會，向全港小學、家長、教師解釋，以釋疑慮。


左丁山

ANChan59

我都有聽那位老師的經歷，如果她所言屬實，我們的教育官員，張開眼睛講大話！

她也說那年之後，再沒有找她出卷了。小三程度TSA，現在是遠超小三程度！

Unclejt

其實無須太執著於這位老師所言，TSA的試卷都是公開的，很容易找，找來看看，自行判斷題目是否過深可也。

judy

問一位老師，TSA究竟係乜程度？佢話小三學生理論上按照小三官方訂下之課程指引範圍考試，但事實上，考試程度高於小三，故此學校咪要操練學生囉。咁都得？教育局與考評局冇聯絡嘅咩？啱啱呢日揸車聽收音機，一位退休英文女教師講得好激動，佢話2004年，佢應邀為小三TSA英文科出試題，佢百分百按照小三學生課程範圍擬定試題，點知考評局唔收貨，話題目太淺，試題審核員認為要提高啲程度！女教師不服，三番四次追問試題審核員係乜嘢專業，得到嘅答案係，一位教中七嘅英文老師。呢位女教師好激氣，認為不應以中七程度睇小三，拒絕修訂。咁講法，逼學校及學生操練TSA，考評局可能係罪魁禍首，如果TSA小三試真係考小三課程範圍嘅話，所有小三學生駛乜操得咁辛苦呀，現教育局長吳克儉以前係教評局主席，佢最知得清楚啦，唔該佢開個記者招待會，向全港小學、家長、教師解釋，以釋疑慮。

http://www.bca.hkeaa.edu.hk/web/TSA/zh/PriPaperSchema.html

我發現依家啲人好懶。喜歡人云亦云，咁易揾嘅資料，看完才出聲未遲。

ronniedad

個人睇法，題目當然唔算話好深，但d卷嘅內容及做卷嘅時間，真係一個未經任何操練或將TSA融入於日常課程的學校學生，能夠應付到？（2014中文閱讀十二頁紙23條題目二十五分鐘作答）

ronniedad

補充：都係個人理解閱讀嘅意思，自己試下做呢份卷時要先閱讀，後作答噃。如先睇題目再睇內容，在下相信咁樣係談不上閱讀，只係為考試所需而已。因無一本書會在章節間，有導引每個段落的重點或所想表達的意思為何吧。

cow

ronniedad 發表於 15-11-13 13:34
個人睇法，題目當然唔算話好深，但d卷嘅內容及做卷嘅時間，真係一個未經任何操練或將TSA融入於日常課程的學 ...

比多的時間學生, 更能準確評估學生的理解能力.

ronniedad

原帖由 cow 於 15-11-13 發表
比多的時間學生, 更能準確評估學生的理解能力.

正正就係，咁呢類嘅考試嘅用意係咪為考而考呢？

judy

個人睇法，題目當然唔算話好深，但d卷嘅內容及做卷嘅時間，真係一個未經任何操練或將TSA融入於日常課程的學校學生，能夠應付到？（2014中文閱讀十二頁紙23條題目二十五分鐘作答）

我就覺得一個正正常常讀書的學生，一定能完成 (垃圾局議員除外)。

除非，除非有人以為香港小三學生從未在校測過驗、考過試。再說，第一、二次TSA又點完成呢？

ronniedad

我都明白晉惠帝嘅思維嘅。

judy

女教師不服，三番四次追問試題審核員係乜嘢專業，得到嘅答案係，一位教中七嘅英文老師。呢位女教師好激氣，認為不應以中七程度睇小三，拒絕修訂。

再講，呢個女教師真係唔係路。怎麽教中七嘅英文老師就是以中七程度睇小三呢？如果試題審核員係博士級專業人士，難道就是以博士程度睇小三麽？

小三英文TSA深唔深？我睇過，不深。

ANChan59

原帖由 ronniedad 於 15-11-13 發表
我都明白晉惠帝嘅思維嘅。

Doray

回覆 judy 的帖子

「TSA原意是用以診斷初小學生的語文能力，得出數據再檢討如何改善教學方法，本身是output（測試學生能力的成果），不是input（學習語文的工具）。」曾經為教育局TSA設計電子版試卷內容達兩年的謝錫金教授，是香港大學教育學院中文教育研究中心的總監。對於取消TSA的說法，他有意見：「TSA是一把尺，當中的數據原意是用來改善課程，只是校董會過分重視TSA的成績動輒問責，校長及老師便不能不操練，有些甚至由小一開始便操練，這是不對的。」
層層壓迫苦學生

在國際間學術理論上，「閱讀能力」有五個層次，第一是「尋找資訊能力」、二是「領悟潛在意義能力」、三是「資訊綜合能力」、四是「評價能力」，最後是「創意思維能力」。謝教授認為坊間的TSA練習主要集中於第一及第二個層次上，這只是閱讀能力的表面，而篇章字數多，學生看起來很吃力。「TSA試卷一篇文章的字數約600字，但坊間的補充練習本追求更深一些，往往達650字。」這樣層層壓迫，外界便感到TSA是件苦了學生的差事。

大量朗讀練表達

一直從事語文教育研究工作，謝教授認為TSA其實有四個重點，即「讀」、「寫」、「聽」和「講」，外界普通操練首兩項，但對初小學生來說，後兩者才是建立語文基礎的重要元素。後兩者建立得好，前兩者便如魚得水了。謝教授主張初生至六歲的幼兒要多聽故事，熟悉語音，說話要清晰。而初小學生則要大量閱讀，認識生字和成語，建立生字庫。初小學生特別要多朗讀課文，「多朗讀就能建立說話、理解及表達能力了。」謝教授強調要先學朗讀，才學書寫，所以對於坊間一味操練學生閱讀理解和寫作，他認為是本末倒置的。

因此，他認為不是TSA本身的問題，而是學界及出版社把重點過分着眼於操練閱讀理解上，有些學校甚至減少教授小學課本內容及成語，把時間用在操練練習上。謝教授相信只要校董會不以TSA成績來評核學校的成績，學校把重點放在朗讀及認字層面上，打好學生的語文基礎，小三來一個語文測試根本問題不大。

Doray

唔係題目深淺問題，是本末倒置，影响初小課程編排的問題。

judy

一直從事語文教育研究工作，謝教授認為TSA其實有四個重點，即「讀」、「寫」、「聽」和「講」，外界普通操練首兩項，但對初小學生來說，後兩者才是建立語文基礎的重要元素。後兩者建立得好，前兩者便如魚得水了。謝教授主張初生至六歲的幼兒要多聽故事，熟悉語音，說話要清晰。而初小學生則要大量閱讀，認識生字和成語，建立生字庫。初小學生特別要多朗讀課文，「多朗讀就能建立說話、理解及表達能力了。」謝教授強調要先學朗讀，才學書寫，所以對於坊間一味操練學生閱讀理解和寫作，他認為是本末倒置的。

因此，他認為不是TSA本身的問題，而是學界及出版社把重點過分着眼於操練閱讀理解上，有些學校甚至減少教授小學課本內容及成語，把時間用在操練練習上。謝教授相信只要校董會不以TSA成績來評核學校的成績，學校把重點放在朗讀及認字層面上，打好學生的語文基礎，小三來一個語文測試根本問題不大。

謝教授也認為不是TSA本身有問題，而是學界及出版社把重點過分着眼於操練閱讀理解上。學校把重點放在朗讀及認字層面上，打好學生的語文基礎，小三來一個語文測試根本問題不大。

很好！很好！

judy

唔係題目深淺問題，是本末倒置，影响初小課程編排的問題。

既然TSA本身沒有問題，課程基本上又是教局編的。那個"影响初小課程編排的問題"是甚麽意思呢？

Doray

From 謝教授:  有些學校甚至減少教授小學課本內容及成語，把時間用在操練練習上。
其實TSA只會cover 部份的課程，但若學校太着重TSA成績，自然會多放時間在呢方面，咁其他area就相對減少，個比重自然同冇咗TSA 唔同。

ronniedad

原帖由 Doray 於 15-11-23 發表
From 謝教授:  有些學校甚至減少教授小學課本內容及成語，把時間用在操練練習上。
其實TSA只會cover 部份的 ...

呢個影響正正就令各學校，或多或少將課程要遷就TSA，直接影響各校的教學獨特性。

ANNAFRIEND

真的不明白為甚麼到現在還是有人不明白香港教育是給TSA扭曲了，還堅持它的出現是沒有影響，只是學校或家長問題，就是有這些人才有吳得惦的出現，OMG

judy

其實TSA只會cover 部份的課程，但若學校太着重TSA成績，自然會多放時間在呢方面，咁其他area就相對減少，個比重自然同冇咗TSA 唔同。

其實小三讀甚麽課程呢？不外是加減乘除、中英文認字閱讀之類。正如謝教授所言，學校把重點放在朗讀及認字層面上，打好學生的語文基礎，小三來一個語文測試根本問題不大。

這道理就如學校有測驗，有家長将所有時間花在操練試卷上。家長一方面操練自已孩子，一面呼天搶地：香港教育只重操練、不動閱讀云云。

現在最令人不齒的是一班專業人士，他們本人地承認操練TSA對孩童無益，即死操TSA，還将責任踢給别人。這些人，不是品格有問題，就是頭腦有問題。