老師說這句話是否帶有侮辱性?

tracy0927

我阿女10歲（5年班），昨天放學回來同我講:上體育堂的時候，老師趁阿女同另一女同學放呼啦圈回體育室時就講我地班的男仔就粗魯，女仔就斯文，但我就唔中意xxx和xxx,xxx即係我女和那個女同學，這件事係放學後同班同學講俾阿女聽嘅，阿女就覺得好唔開心啦！覺得老師唔可以係佢背後講d咁嘅說話啦！我就同阿女講要向其他同學了解一下究竟老師有無講過哩句話，昨晚我就寫左字條俾班主任叫佢幫手了解情況，今天放學班主任小息的時候就叫左2個同學、體育老師一起傾，之後就回覆我:體育老師係有講過，佢係因為見到我女同那個女同學攞呼啦圈回體育室的時候將呼啦圈放在膊頭上覺得佢哋行為粗魯所以就在23個同學面前用她們做反面教材，阿女就話老師認為我哋唔啱可以當面講，無必在咁多同學面前講哩d說話。宜家班主任係支持體育老師嘅，佢覺得體育老師係想教好佢哋姐，用佢哋來做反面教材係無問題，而體育老師係新來我哋學校的後生仔，都唔知有無教學經驗嘅，我就覺得你作為一個老師無論你在咩情況底下都唔應該講:中意女仔斯文但唔中意xxx,咁樣去開名囉，而且佢哋宜家開始青春期好敏感，作為一個男老師咁講已經係失言，最後我同班主任的對話已經係不歡而散的，想問下大家如果你哋嘅小朋友遇到咁嘅情況你哋會點樣再同學校溝通呢？因為阿女讀到五年班一直都是風平浪靜，無問題，老師眼中的好學生。我都好少需要搵老師解決問題嘅。

sunnygirl

原帖由 tracy0927 於 15-11-07 發表
我阿女10歲（5年班），昨天放學回來同我講:上體育堂的時候，老師趁阿女同另一女同學放呼啦圈回體育室時就講 ...

你都同老師反映左你的不滿，我覺得已經夠，無需要繼續追究下去。

lojo11

我覺得唔算帶有侮辱性！要開解呀女，都唔係大件事，睇開d！

longlokma

唔好再諗咁多，阿女快畢業

Yanamami

小五同班主任不和係自尋短見！唔好搞禁多野，專心考好成績畢業升中吧！影响了操行便麻煩~上到小五六係多—事不如少一事~

其实我一d都唔覚擺呼拉圈上膊头好粗鲁，禁攞法好正常~有好多時其他人係自己背後講閒話，唔开心总有，但既控制唔到人地，只要自己问心無愧，倒不如大方d當時运高听唔到？太執着对自己一d好处都無~俾着我此等小事，我唔会同学校溝通，反而会教阿女做人生存之道｡

hkspiderman

約晒學校所有男老師開大會，話體育老師在學生背後講不事是八婆行為，係一個反面教材，佢地就會明白自己有幾啱。

HaYi

可能個男老師是實習生冇咩經驗, 好少事, 叫阿女學識第時出來做野要成熟D, 背後講人非君子呵, 8婆野, 男女都不要做,  否則被人看不起呢.

4001cc

原帖由 HaYi 於 15-11-07 發表
可能個男老師是實習生冇咩經驗, 好少事, 叫阿女學識第時出來做野要成熟D, 背後講人非君子呵, 8婆野, 男女都 ...

老師唔識做無問題，但唔應該對人不對事。

學生做得唔啱成日有，老師做前係咪無講清楚要求先？係就怪錯學生。再做好榜樣，同學生道歉。

tracy0927

其實我本來的想法都係多一事不如少一事，但其實開學哩2個月以來班上同學對這位老師的做法都好有意見，因為體育課安排在下午2點上課，1:15先食完飯，佢哋學接力跑犯規一次罰跑操場5個圈，第二次罰跑10個圈，同學跑到下腹痛，老師都係要繼續罰，我就覺得出於健康理由唔應該飯後咁劇烈的運動，同學就覺得老師唔體諒佢哋，而班主任就不停同我強調同學好中意上體育課，唔覺得同學唔開心，其實作為班主任在這件事只係一個「中間人」的角色，未必要下下撩起我把火，因為今年學校來左幾多新老師，班主任係其中一位，都係後生女，宜家d老師真係越來越差

Jane1983

我都真係吾覺得甘樣拿呼拉圏係粗鲁wor，係個男老師不知所謂。

但吾好因為佢而搞大件事，對小朋友無好處。同你女傾吓，可以借機會學吓做人處世。

siden

原帖由 sunnygirl 於 15-11-07 發表
你都同老師反映左你的不滿，我覺得已經夠，無需要繼續追究下去。

Yes

siden

好少事。

將來出社會仲有大把氣受。

明白你和小孩難受，但正如樓上有講，小五同老師過唔去，小心因小失大。

siden

原帖由 tracy0927 於 15-11-07 發表
其實我本來的想法都係多一事不如少一事，但其實開學哩2個月以來班上同學對這位老師的做法都好有意見，因為 ...

明白

忍一忍， PE唔係日日有，好易捱過一年

HaYi

tracy0927 發表於 15-11-7 10:32
其實我本來的想法都係多一事不如少一事，但其實開學哩2個月以來班上同學對這位老師的做法都好有意見，因為 ...

PE 堂時間在Lunch 之後的下午又真係有D問題,
我個今年都是, 仲要隔個星期 swim,
佢有日說游下游下好似有野頂住心口, 我叫佢lunch 食少D.   
(佢本身己是個個周未在外操開水的)

oooray

原帖由 tracy0927 於 15-11-07 發表
我阿女10歲（5年班），昨天放學回來同我講:上體育堂的時候，老師趁阿女同另一女同學放呼啦圈回體育室時就講 ...

道理係你呢邊，但師師相懼，嘈到上校長度都冇用，結論只有一個，你係一個麻煩家長。所有學校都係咁，只能說你唔好彩。

celiakids2013

老師也是人，偶然也會爆肚失言，學生和家長知道後會難受。如果是無心之失，聽完最算，不必介懷，不須要和班主任反映。

Babyeddie

其實佢講乜你都冇可能阻止，反而應該教仔女如何面對
小事一樁

shadeslayer

粗魯，又唔係粗口，係一種正常的批評，無可追究。