心如刀割

hidi127

今天終於見完智力評估，評估為自閉頻譜，排s位，現正讀僅幼兒中心有i位。我應該要同學校講出小孩的狀況，但我又擔心學校會叫佢轉校及歧視他。我現在怎麼做呢？可否建議我?

Jcat

我的經驗係, 相信學校, 相信老師. 如果真係一間會歧視的學校, 你唔讀也罷.
我一直有向學校坦白, 而老師知道情況, 會包容多些, 而唔會單單覺得佢麻煩或曳.

hidi127

多謝你回答。我一開始都有同老師說他的情況，但未去到s位的地方埗。我唯一擔心係學校要求佢轉校。因為學校有兼收位。老師，校長及姐姐都好錫佢。

媽mimi

我女而家都係讀i位, 學校老師校長好好, 有愛心, 我覺得你要講出黎, 等學校可以安排佢訓練, 我女3歲半了, 仍然唔識同人溝通同對答, 仍然bb話, 已俾安排轉s位了... 所以大家要努力正視..當初我都係接受唔到..好驚..但事實係我要面對, 一同大家努力先啱, 大家加油! 美好在明天一定!!!

sheung1126

我仔岩岩2歲半，上個月都評估佢係自閉症
但佢仲未入學，今個月會面試普通幼稚園K1
我而家仲擔心，怕冇學校收佢冇書讀
我地排左早期訓練同特殊幼兒中心
未有位之前如果冇學校收都唔知點算
到有學校收又怕佢唔合作會被老師針對
(因為我外甥都有自閉症，佢讀緊嗰間就係經常針對佢歧視佢)

hidi127

原帖由 sheung1126 於 15-11-05 發表
我仔岩岩2歲半，上個月都評估佢係自閉症
但佢仲未入學，今個月會面試普通幼稚園K1
我而家仲擔心，怕冇學校 ...

我現在的心情就是同你一樣。點解要小朋友和家長受苦。我又沒害過人，個天點解唔可以公平D。如果可以我情願用我的生命來換取正常的人人活。我大仔又是有阿氏保加症，所以我真是好辛苦了。

sheung1126

hidi127 發表於 15-11-5 20:15
我現在的心情就是同你一樣。點解要小朋友和家長受苦。我又沒害過人，個天點解唔可以公平D。如果可以我情願 ...

我都覺得個天好唔公平
我仔而家只係評估到有自閉症，嚴唔嚴重唔知，有冇智障同過渡活躍又唔知
佢本身又有蠶豆症，又有機會遺傳色弱
我真係覺得自己生佢出黎係害左佢

我大女懷疑有過渡活躍，排緊期同佢做評估
希望佢只係百厭專登搞事啦~

cat1028

我仔以前就有講,校長老師都明白, 其實佢地處理唔到, 開學幾個月,趕走你好耐啦當時校長就同我講要我排到位就轉校。

BeeBooMa

hidi127 發表於 15-11-5 17:21
多謝你回答。我一開始都有同老師說他的情況，但未去到s位的地方埗。我唯一擔心係學校要求佢轉校。因為學校 ...

如果而家間學校有l位應該唔會歧視小朋友，我仔以前讀私幼，淨係講嘢慢間學校老師都叫我地快啲同佢搵support ，次次都話佢學嘢慢，跟唔到，出到聲話幫佢唔到⋯⋯⋯但而家間學校(讀l位)原來有好多小朋友都有特殊需要，唔一定係E位，都是見到家長下午帶佢地去上training ，起碼老師會有多啲經驗，唔會咁mean

hidi127

原帖由 BeeBooMa 於 15-11-06 發表
如果而家間學校有l位應該唔會歧視小朋友，我仔以前讀私幼，淨係講嘢慢間學校老師都叫我地快啲同佢搵support ...

我現在個心好痛，想一下都流眼淚。原來我以為自己可以接受到，但原來係好難！我瞓晤著但個人好累。

Jcat

各位, 要加油呀! 在困難中都要正面D, 因為負能量並不可以幫助到孩子的.
我當然都明白大家心痛的感覺, 我大仔兩歲時我已經覺得佢"特別", 所以一早就排政府做評估, 兩歲半排到CAC做評估, 佢係亞氏保加症.
湊佢係好辛苦呀, 但我覺得有佢我都好幸福的. 見住佢進步, 見住佢成長, 真係好有滿足感, 好快樂的.
我地做媽媽真係要堅強, 唔單單係意志, 仲有係EQ上都要高, 遇困難也學習保持樂觀先得架.

我仔兩歲半開始排, 排到足五歲先排到E位. E位前我都無浪費時間, 在私家做言語, 社交和物理治療.
不過我覺得E位那年密集式訓練係進步得快的. 另外在升小一前我開始用精油幫佢, 明顯地進步左好多, 現在已是開心的小學生了.

唔好睇得咁負面, 我仔幼稚園和小學都係在主流讀, 我有向老師坦白的, 所有老師都好錫阿仔, 會用愛心包容他奇怪的反應和行為, 也有適當的教導. 家校合作不是天荒夜談的.

hidi127

原帖由 Jcat 於 15-11-06 發表
本帖最後由 Jcat 於 15-11-6 16:05 編輯

各位, 要加油呀! 在困難中都要正面D, 因為負能量並不可以幫助到 ...

多謝你的鼓勵。所以我今早向校長，老師說明情況。佢地都好接受反而向我安慰。真是很感恩。但自己仲未放下

BeeBooMa

加油啊！我有時都會勁冇心機，由於我自已睇2個，入l位前帶佢出去做training 都好hea 。不過自己做到几多就幾多，勉強大家都幸苦。到時自己lum 咗，個小朋友咪重可憐

sheung1126

原帖由 BeeBooMa 於 15-11-06 發表
如果而家間學校有l位應該唔會歧視小朋友，我仔以前讀私幼，淨係講嘢慢間學校老師都叫我地快啲同佢搵support ...

我呢邊有i位既學校都係全日班，如果讀左就未必有時間出去做訓練

sheung1126

原帖由 Jcat 於 15-11-06 發表
本帖最後由 Jcat 於 15-11-6 16:05 編輯

各位, 要加油呀! 在困難中都要正面D, 因為負能量並不可以幫助到 ...

我都見好多人話用精油有效
但我仔有蠶豆症，唔知佢岩唔岩用呢？

Jolly

Add oil呀大家，今日可能係好差，半年後，一年後，分別會好大。
家長要肯去面對，去fight，仔女先會有得著架。
幼稚園階段真係好煩，心裡要預左轉校，免強留下係對小孩子唔好的。
我在香港有位心理醫生講，有需要做治療，其實可以考慮連學都唔返，投入去先做治療。把握幼年期做，進步可以好大。
當然好多家長會擔心冇學返冇得學野。是的。有得就有失。學校能接受就當然留。
我自己那時選擇了全職治療。其間我homeschool佢。到五六歲那年我讓他入主流幼稚園讀最後一年。今年升左小學。給大家參考。條條大路通羅馬。冇話一定要點行嘅。

vincelo29

原帖由 hidi127 於 15-11-05 發表
今天終於見完智力評估，評估為自閉頻譜，排s位，現正讀僅幼兒中心有i位。我應該要同學校講出小孩的狀況，但 ...

若果你就讀的學校有i位，學校會好接受及願意與你們協助訓練小朋友，自己做得幾多就幾多，回家訓練他們都係可以，我兩個仔仔都係2歲半確診言語社交緩慢及自閉傾向，他們排緊i位，每天早上去訓練，下午回校上堂，現在已3歲了，進步不少，努力

hidi127

今天我冇比佢返學，因為佢每天上學就喊唔著校服，唔返學。每日路上種種借口說食大家樂，食麥當勞，食包包又要我抱著。總之就很煩，我今天決定休息一天。他十分開心。就放試一天吧。

vincelo29

原帖由 hidi127 於 15-11-09 發表
今天我冇比佢返學，因為佢每天上學就喊唔著校服，唔返學。每日路上種種借口說食大家樂，食麥當勞，食包包又 ...

你仔仔幾多歲？都識用藉口唔返學，咁都算幾叻仔，你試下給他喜歡的食物引他，或預早同他講要返學，去玩，睇下得唔得！

hidi127

原帖由 vincelo29 於 15-11-09 發表
你仔仔幾多歲？都識用藉口唔返學，咁都算幾叻仔，你試下給他喜歡的食物引他，或預早同他講要返學，去玩，睇 ...

:;pppp:佢已經三歳三個月，但表達及理解只有兩歲至三個月。佢已經返了兩個月N班再直升K1但每日都喊住晤返學！