請教 發展遲緩既b適合返n班嗎？

yiyi0401

阿仔早產30w, 現22個月，言語已經遲緩約1歲bb,只講bb話，溝通理解尚算ok,行路都仲係唔太穩，成日跌，因為係2013 dec出世，剛報左n班，岩岩知道有學校收左啦，但應唔應該俾阿仔返呢？ 其實係出年9月先返學的。。。但我又怕阿仔唔適合。。好煩惱

methy

原帖由 yiyi0401 於 15-11-04 發表
阿仔早產30w, 現22個月，言語已經遲緩約1歲bb,只講bb話，溝通理解尚算ok,行路都仲係唔太穩，成日跌，因為係 ...

我仔果時2歲未放到手行，好彩有幼兒園肯收入讀N班，當時主任超有愛心，話就算唔識行，坐係到聽下野都好。
2歲9個月讀N,都未放到手行，老師安排佢坐老師旁，排洗去廁所時就排最後一個，老師扶佢去，食完茶點要自己收拾茶具，阿仔會將杯疊在碟上，雙手拎住，老師扶佢兩脥幫佢拎餐具放落手推車，其實我無要求學校做呢d,始終一班成30人，老師照顧咁多個已經好辛苦，所以我好感激間學校咁幫手，令到阿仔似正常小朋友般活動。

阿仔始終體能超差，頭兩個月試過試過太倦睡在地上，不過好彩佢乖又聽指令，老師有時會由得他，佢自己ok就會起身join返活動，同班同學會話我知：EE,佢今日瞓左落地下到呀。我仔當然唔會識講發生咩事，老師就會講返當日情況，我好信間學校，叫佢地唔使咩都話我聽。讀左10個月就派到S位，雖然好唔捨得，但阿仔始終大小肌需要日日訓練，就轉走了，阿仔真係好鐘意間幼兒園老師，成日都會提住d老師。

聽落你小朋友情況好過我仔果時，我仔都適應得好好，相信你小朋友都可以。返學日程好豐富，唱下歌，聽下故事，同其他小朋友一齊玩，小朋友好開心架。

legolas625

而家先留位加做訓練，明年開學前再決定

yiyi0401

知道，明白。。我諗我都會照俾佢返n，返左睇下點先。。。謝謝妳，請問你bb幾大呀？

yiyi0401

訓練都一直有做，但好似就無乜進展，岩岩返左協康 定我同佢玩多左，好似認知開始有少少進步見到。。。

BeeBooMa

原帖由 methy 於 15-11-05 發表
本帖最後由 methy 於 15-11-5 08:28 編輯

你小朋友間幼稚園真係超級好呀

methy

原帖由 yiyi0401 於 15-11-05 發表
訓練都一直有做，但好似就無乜進展，岩岩返左協康 定我同佢玩多左，好似認知開始有少少進步見到。。。



  ...

進展唔係一兩日或星期會見到，佢地要儲，你一路比野佢，不停教，會有日突然識做某d動作，講得返之前教既野等等。但過程有時幾氣餒，有時會有種：教極都唔識！你幾時先識呀！

我仔每次大肌有突破進步，語言就跟住進步，唯小肌進展最慢，但5年治療訓練話我知，平常心，保持佢開心做治療訓練既心，大家都會輕鬆無壓力，迫唔黎，亦無得迫，但順其自然好了。

methy

原帖由 BeeBooMa 於 15-11-05 發表
你小朋友間幼稚園真係超級好呀

阿仔一直都好好運，由幼兒園，E位到現在S位,都好多人錫，遇到既老師治療師都有愛心，佢自己都好努力，越大越知道自己要努力，主動做物理治療師教既運動，又對自己有要求。

BeeBooMa

methy 發表於 15-11-5 16:01
阿仔一直都好好運，由幼兒園，E位到現在S位,都好多人錫，遇到既老師治療師都有愛心，佢自己都好努力，越大 ...

阿仔咁乖做家長都小D壓力！我仔有對抗性行為同固執，要佢做家居訓練簡直囉我命大家加油啊！

DollyCC

我建議有密集訓練去訓練好d,無既番n班好過留在家。

KCHK

試下返N 班比較好, 因為如果小朋友無自閉特徵的話佢地好快會從觀察中學到野, 尤其係同齡的刺激。雖然可能係能力唔得， 起碼佢知到上課的規則， 不如同學校問清楚小朋友情況問可否多加照顧， 如果唔得要再找學校了或安排其他課程。

Glory88

我仔返了N班3個月，雖則仍然各方面都遲，但常規、自理、認知、禮貌等都有進步，返一定好過唔返。

bubibubibuuu

搭單問，自閉寶寶歲半開始返密集，
1）返密集一年，通常會否適合轉只返n？
2）如有n收，另一晝揾兩三日密集？
3）還是返密集兩年，直入k1？