藍田靈糧幼稚園 N 班學費

happy_baby2011

nicenicecarmen 發表於 16-11-21 22:26
Hello, 想問你小朋友讀完Think N, 是否上Think K1? 請問佢返學快樂嗎？中英文有進步嗎？老師各方面好嗎？
...

我收到PM offer,心情同你一樣，糾結中......

edconcheung

happy_baby2011 發表於 16-12-1 08:48
聽日同阿仔註冊Think，出年返N班,不過見好少forum 講呢間幼稚園，想了解多少少。thx
...

Think N班主要用廣東話，開學頭一個月係全廣東話。之後每日有少少英普。但以國際幼稚園黎講，英文時間少左d,之後返學兩個月我都要幫小朋友報出面返1.5外藉老師教既英文班。

學術方面，自編課程，程度完全唔晒膽心，因為佢教緊一般學卷幼稚園K1課程，要日日同小朋友溫下書。

語言方面，先打好廣東語底，加強小朋友語言表達。如繼續升讀Think K,可以選全英、英普班。

小班教學，一班9-12位學生，有時下午班比上午班少2-3個。但一個課室有2小班，最大缺點係小朋友活動空間不足。小班教學黎講比預先期望教自理好d,有d出入。

小手肌大肌肉訓練，其實間間幼稚園都差唔多，Think算跟足進度。評估都密，一個上學期都有4個評估報告。

小朋友鍾唔鍾意番學，呢個係家長最希望比到小朋友有個開心返學感受。開學初個班主任好nice,小朋友返得好開心，但到左10月尾11月頭由另一個老師接手教，小朋友就喊住唔入學校。所以遇到咩好老師睇彩數。當中Think都有好多好有愛心既老師，英普老師值得一讚。個別老師問題不作評論。

升學方面，考直資、私校，家庭培養更為重要，特別為小朋友建立自信，Think未算做到自信訓練。家長要自己花d心思令小朋友加強自信。