想請教如何令小孩有上進心?

homeuser

LSKLTK 發表於 17-2-27 14:27
唔知有冇理解錯：
你認為阿女幾乖，係父母眼中好似佢係為父母而做，冇自己原動力；你是否覺得佢係配合你？ ...

外人覺得佢乖，但我覺得佢好反叛， 放手而成績下跌， 我怕承受唔起， 因為佢除了讀書， 其他方面表現都強差人意， 但佢又唔介意， 而嗰d其他方面我係完全冇參與， 而讀書方面，我介入係好多， 因為我相信習慣成自然， 我要幫佢建立良好學習習慣，慶幸閱讀，做功課方面都建立左，就係做野要有質數建立唔到， 我有諗過放手， 因為畢竟只是初小， 分數未係好重要， 但我怕佢一旦有左成績差都唔緊要既觀念，以後拉都拉唔返

homeuser

skkeung 發表於 17-2-26 12:46
動機是自我要求，只有自已多些體會，例如見識多一點！

介唔介意再詳細d講下？

homeuser

LeeCC 發表於 17-2-26 12:21
找到小朋友的亮點，他才有目標，才會上進

如果家長心目中的上進是肯讀書，但小朋友的亮點不是讀書，家長永 ...

我睇唔到佢有咩亮點， 佢中意做家務， 例如掃地洗碗嗰d, 會主動要求做， 呢樣算唔算亮點？ 但我覺得佢係當玩， 如果真係日日要掃地，洗碗，佢又未必肯

homeuser

1998Ruby1998 發表於 17-2-26 12:31
回覆 IloveJJ 的帖子

完全明白呢個問題，因為我本身就係咁，激到父母想捏死我。耳濡目染對我影響力比較低 ...

你呢個分享令我諗起， 我有次顛完好唔開心， 係度喊， 佢來攬住我， 咁我同佢講媽咪唔係覺得佢差， 媽咪就係覺得佢好，佢可以做到， 所以我想佢做到， 因為我覺得佢係可以攞90分或更高， 咁佢攞80幾我就唔開心， 如果媽咪覺得你既能力只能攞80分， 你攞80幾， 我唔會唔開心， 我覺得佢有改變， 但好左一，二日， 之後都係繼續求求其其，

shadeslayer

homeuser 發表於 17-2-27 19:32
我好勞氣咁督住佢， 覺得自己好似顛婆， 好唔中意自己咁

香港好多三十歳人都無上進心。小學生要人督好正常，你咪試下唔督睇下跌幾多，睇開D就得。

shadeslayer

homeuser 發表於 17-2-27 20:28
你呢個分享令我諗起， 我有次顛完好唔開心， 係度喊， 佢來攬住我， 咁我同佢講媽咪唔係覺得佢差， 媽咪就 ...

小女學校，大部分孩子小學玩到傻，中學一路玩，但一到高中，差不多全部會忽然自動自覺花時間在學業。

有些人由細到大都少玩的，成績固然超群，但呢樣無得教，無得恨，天生多。

LSKLTK

homeuser 發表於 17-2-27 19:44
外人覺得佢乖，但我覺得佢好反叛， 放手而成績下跌， 我怕承受唔起， 因為佢除了讀書， 其他方面表現都強差 ...

見你回覆，你自己都好明白情況如何，是否只是不甘心？ 放下你自己，慢慢引導同鼓勵係好緊要，人生係佢自己嘅，佢要搜索先至搵到目標，才有追求，先有力量。現在先初小，唔早放手，等你同佢一齊跌吓先，如果唔係高小更難應付。

其實小朋友自我感覺良好，都幾好，可能EQ會高啲。成日好緊張，會burnout, 仲傷。

skkeung

LSKLTK 發表於 17-2-27 22:38
見你回覆，你自己都好明白情況如何，是否只是不甘心？ 放下你自己，慢慢引導同鼓勵係好緊要，人生係佢自己 ...

心魔在父母！

LeeCC

homeuser 發表於 17-2-27 19:58
我睇唔到佢有咩亮點， 佢中意做家務， 例如掃地洗碗嗰d, 會主動要求做， 呢樣算唔算亮點？ 但我覺得佢係當 ...

肯做家務，其實反映出他是一個愛整齊，有條理，自理好的小朋友，這就是亮點了
自理好，可以推己及人，參加制服團隊，參與服務，可能會再發掘到更多亮點

miffymiffy

homeuser 發表於 17-2-26 11:33
同意， 問題係點演繹可以令佢有成功感， 女成績ok架， 160人考到10幾名，又有做班長，科長，風紀，  照道理 ...

呢啲咪你個女的亮點囉：

160人考到10幾

又有做班長，科長，風紀，

做功課自動自覺

...................................

樓主，你會唔會要求高得滯？ 你囡小二咋!

到時，搞到小朋友做空中飛人，就錯恨難返。

或者趁小二、小三 未 程分，放下手。 跌左成績，起碼有得追返。


我小朋友有你囡 一半咁好 我都願呀

greentea000

homeuser 發表於 17-2-27 20:28
你呢個分享令我諗起， 我有次顛完好唔開心， 係度喊， 佢來攬住我， 咁我同佢講媽咪唔係覺得佢差， 媽咪就係覺得佢好，佢可以做到， 所以我想佢做到， 因為我覺得佢係可以攞90分或更高， 咁佢攞80幾我就唔開心， 如果媽咪覺得你既能力只能攞80分， 你攞80幾， 我唔會唔開心， 我覺得佢有改變， 但好左一，二日， 之後都係繼續求求其其，

你同我媽一樣，佢覺得我可以考第1，所以我考第3佢都喊苦喊忽！

咩都係佢覺得，達唔到佢要求就係唔認真無盡力！

greentea000

homeuser 發表於 17-2-27 19:58
我睇唔到佢有咩亮點， 佢中意做家務， 例如掃地洗碗嗰d, 會主動要求做， 呢樣算唔算亮點？ 但我覺得佢係當玩， 如果真係日日要掃地，洗碗，佢又未必肯

我唔愛做家務，加上阿媽放大鏡既高要求，之後我少少都唔做。最後我係俾錢買服務，HK$200/星期，先了結左我同阿媽既家務鬥爭。

greentea000

homeuser 發表於 17-2-26 11:33
同意， 問題係點演繹可以令佢有成功感， 女成績ok架， 160人考到10幾名，又有做班長，科長，風紀，  照道理應該好體會到成功感， 同有動力令自己努力， 但都睇唔到， 除了做功課自動自覺， 測考默温習都係嘆慢板， 好似為左應酬我先做

我都有做班長、風紀，自己唔想做，係老師點名，要成績比較好既先有得做。做呢Ｄ表面好威，有得管人，實則好花時間，又無朋友。

Jane1983

睇到呢刻，樓主女女只係小二，160幾人考10幾，有做班長和風紀。即使你覺得佢態度唔夠精進，點都無理由去到你講的眼淚收場、發晒癲、扯晒火。

你咁樣的反應，長遠唔係辦法。除非佢年年成績好，無事無幹，唔係人都癲。

Jane1983

回覆 greentea000 的帖子

都係ga，我女本來都鍾意做prefect，但後來發現 ice cream sale和 hot chocolate sale的日子，prefect要維持秩序，無得買，當堂唔同唸法。小朋友始終有佢地的角度。

MLKC

Jane1983 發表於 17-2-28 18:48
睇到呢刻，樓主女女只係小二，160幾人考10幾，有做班長和風紀。即使你覺得佢態度唔夠精進，點都無理由去到 ...

點解只係讀小二，咁快可以做風紀？

homeuser

shadeslayer 發表於 17-2-27 21:21
小女學校，大部分孩子小學玩到傻，中學一路玩，但一到高中，差不多全部會忽然自動自覺花時間在學業。

有 ...

我女唔係好識玩， 去街問佢想玩咩，佢係只會話公園或去圖書館， 但就係做野時，或同佢講緊野時， 眼周圍“哨”， 手又揸住支筆啊塗改帶係度了啊了， 但又唔係專注力不足，佢睇書可以成日睇都得， 所以我就勞氣羅

homeuser

LSKLTK 發表於 17-2-27 22:38
見你回覆，你自己都好明白情況如何，是否只是不甘心？ 放下你自己，慢慢引導同鼓勵係好緊要，人生係佢自己 ...

係啊， 自我感覺良好， 呢個詞真係啱晒佢， 所以佢考試都唔緊張， 我其實都唔想佢緊張，但我想佢認真做完應該要做既野， 確保所有範圍都識晒， 咁佢可以做咩都得， 但佢本末倒置，為左可以做咩都得， 求求其其做完我叫佢做既野

greentea000

回覆 homeuser 的帖子

你女既表現就係對你唔耐煩呀！
你可以講少Ｄ野嗎？精簡Ｄ，好似男人咁。