想請教如何令小孩有上進心?

homeuser

回覆 greentea000 的帖子

放大鏡既高要求， 我唔知自己有冇，但會容易用大人的眼光去睇佢既表現， 我喊唔係因為佢既表現，而係因為自己既表現，我明明知道要用鼓勵，要欣賞，但我一次又一次失控地肆意地踐踏佢， 每次我都好唔開心
我從冇要求佢要幾多名次， 我係要求分數， 我有同佢解釋意義唔係嗰分數，而係分數係一個量度， 等大家都知道自己表現點， 我要求佢基本90分， 95分係好， 95以上係令人好開心，有人話呢個要求高，但我覺得合情合理， 因為個前設係應該識晒所有教既範圍

homeuser

LeeCC 發表於 17-2-28 08:35
肯做家務，其實反映出他是一個愛整齊，有條理，自理好的小朋友，這就是亮點了
自理好，可以推己及人，參加 ...

制服團體係我一直想佢參加， 但一直未揾到合適的時間， 因為想保留周日全日清空， 可以隨意活動，

homeuser

Jane1983 發表於 17-2-28 18:48
睇到呢刻，樓主女女只係小二，160幾人考10幾，有做班長和風紀。即使你覺得佢態度唔夠精進，點都無理由去到 ...

我扯火主要係因為佢吊兒郎當既態度同相同錯誤錯完又錯， 係我指出既錯， 總係好似我冇講過咁，但學校老師改過佢既錯，佢又好記得

homeuser

homeuser 發表於 17-3-1 13:13
回覆 greentea000 的帖子

放大鏡既高要求， 我唔知自己有冇，但會容易用大人的眼光去睇佢既表現， 我喊唔 ...

咁你對你媽有咩睇法？ 可能我女都係咁睇， 會唔會覺得你媽麻麻煩煩， 又咁又咁， 你已做得好好都唔滿意， 介意講下你大約幾大，同依家發展如何？

Jane1983

回覆 homeuser 的帖子

老師，又點同呢! 亞媽係最錫自己的嘛，當然親疏有别。

homeuser

greentea000 發表於 17-3-1 13:01
回覆 homeuser 的帖子

你女既表現就係對你唔耐煩呀！

我本身就係講野精簡既人， 佢呢d表現通常係温書做練習時出現

homeuser

Jane1983 發表於 17-3-1 13:25
回覆 homeuser 的帖子

老師，又點同呢! 亞媽係最錫自己的嘛，當然親疏有别。

所以我唔跟佢既功課， 等佢錯既印象深刻d， 但又怕佢經常有錯，或帶漏野，會影響老師對佢既觀感

LeeCC

homeuser 發表於 17-3-1 13:17
制服團體係我一直想佢參加， 但一直未揾到合適的時間， 因為想保留周日全日清空， 可以隨意活動， ...

好多學校小三就可以參加制度團隊，交通安全隊，紅十字會etc
或者社區中心的兒童青少年義工隊都不錯

shadeslayer

其實都好清楚, 樓主要求太高:

好多三十歲還沒有上進心, 初小孩子無上進心係正常

品學兼優, 九成半其他孩子做不到的, 你孩子做到了, 你還要完美心態。

你在孩子面前哭, 無論你如何解析, 孩子也以為自己錯。

人無完人, 你可以有完人之要求, 但有無嚴人寬已?

你有完人之要求, 雞蛋中挑骨頭本身無問題, 但孩子達不到你就情緒失控, 孩子一定受影響。

do not become an obstacle of your child's development. do not allow your child to become successful "despite" her parents.

judy

你呢個分享令我諗起， 我有次顛完好唔開心， 係度喊， 佢來攬住我， 咁我同佢講媽咪唔係覺得佢差， 媽咪就係覺得佢好，佢可以做到， 所以我想佢做到， 因為我覺得佢係可以攞90分或更高， 咁佢攞80幾我就唔開心， 如果媽咪覺得你既能力只能攞80分， 你攞80幾， 我唔會唔開心， 我覺得佢有改變， 但好左一，二日， 之後都係繼續求求其其，

千祈唔好，别說對孩子，在先生面前都唔好。自己平心静氣的想一想，看看自己能不能放鬆。不然，真係可能要看醫生。

事件大唔大，很多時是在乎我們如何看待那事件，而不是事件本身。能正确、平心静氣看事件很重要。

little_yolky

shadeslayer 發表於 17-3-1 14:04
其實都好清楚, 樓主要求太高:

好多三十歲還沒有上進心, 初小孩子無上進心係正常

唔好話三十歲, 我老公四張幾野都係咁, 佢既宗旨就係比上不足比下有餘就得, 千祈唔好做最叻果個, 因為一開始就咁叻, 無進步既空間, 做人好辛苦咁話, 仲衰到教埋兩個女都係咁諗, 所以阿妹今次考試好過上次, 已經自我感覺十分良好, 真係無乜上進心。我以前讀書, 攞唔到滿分我係唔會滿足既人。

不過, 最大既問題係, 佢既諗法又真係唔可以話係錯, 睇佢開開心心又一日, 抗逆能力一流, 阿妹又係咁, 小小事都可以大笑一餐好開心, 咁又唔係話唔好。反正, 有進步就得。


奉勸樓主一句, 求學不是求分數, 係要追名次, 要熟個遊戲規則, 90分100分係無意義既, 好似上次聖誕考試, 阿妹100分, 但全班有8個100分, 最低分係9X, 所以一D意義都無, keep住級一先係王道。蓋有南威之容乃可以論于淑媛, 你自己都唔係完人, 何解要求小孩子完美? 佢係哺乳類動物, 哺乳類動物既特點係要從學習中獲得知識, 唔係從DNA, 佢只係小二, 乜嘢都要學, 要慢慢學, 急什麼?

little_yolky

shadeslayer 發表於 17-2-27 20:51
本帖最後由 shadeslayer 於 17-2-27 20:53 編輯

香港好多三十歳人都無上進心。小學生要人督好正常，你 ...

我都係啱啱至知小學生要人督好正常, 上個禮拜家長日(平時C6去), 家姐班主任話好似阿妹咁先係正常小朋友, 家姐係唔正常地懂事。我一直都以為家姐先係正常, 因為我自己都係咁既人, 妹妹激到我嘔血, 但佢班主任話, 成日諗, 如果以後佢小朋友(佢依家大緊肚)可以好似阿妹咁, 唔駛人跟功課自己理都可以keep到中間成績, 佢已經好滿意。

我一直諗可能我對阿妹要求高咗少少, 佢可能係正常既小朋友嚟。

miujoey

請接受小朋友的不完美, 不要用大人把尺去量度小朋友, 小小年紀如何能夠每事都明白, 每樣野都能看透 ?
奉勸樓主不要給小朋友太多壓力, 看來最大問題是你本身, 不是小朋友
  

   

greentea000

homeuser 發表於 17-3-1 13:25
咁你對你媽有咩睇法？ 可能我女都係咁睇， 會唔會覺得你媽麻麻煩煩， 又咁又咁， 你已做得好好都唔滿意， 介意講下你大約幾大，同依家發展如何？

小四我開始消極對抗阿媽，佢一講野我就擔天望地或者轉筆，自我減壓，阿媽唔係屋企/係學校我係無呢Ｄ小動作。任何功課之外既野都hea做或者唔做，反正達唔到阿媽要求，做完都係鬧一餐。成績好要求既獎勵係去親戚家玩幾日(唔想見到阿媽)，阿媽OT我勁開心，感覺身心舒暢。

小五仲偷偷地用錄音筆錄低阿媽鬧我，係節日親戚聚餐時放俾大家聽助興，等大家知阿媽幾咁愛我。內容係阿媽鬧我考第3都好意思話自己叻(全級20x人)，考試期間仲晚晚睇電視，一Ｄ都唔自律，唔睇電視加把勁分分鐘已經考第1；平時訓少Ｄ咪有時間讀書囉，五年級仲午睡咁懶，仲細咩；考第3就滿足，完全無鬥心；鬧完我鬧老豆，因為老豆俾我睇電視；鬧完老豆又鬧我唔做家務，做又做得唔好，要佢執手尾。如果唔係老豆唔俾打，阿媽應該打到掃把斷。於是阿媽cut零用錢，好在有老豆救濟，同我膽粗粗同樓下兩個同校小二學生補習。我有左補習費就用錢買服務，每星期$200俾老豆請鐘點，我就完全唔使做家務啦！我仲自己買左手機、數碼相機，激到阿媽死死下。

老豆見關係咁差，小六搶返個教育權，阿媽只負責我起居飲食。老豆對我既要求係頭20，多左既時間多休息多活動，盡量改善同阿媽既關係。間中阿媽都係忍唔住鬧我，老豆就叫我去超市買野。為左避開阿媽，我差唔多全部時間係樓下社區中心自修室，10pm先返屋企，直接上床。早1個鐘起身溫習(安靜)，返學校先食早餐。學校咩活動都參加，總之各種避開阿媽。

為左唔使俾阿媽管返，加上考慮升中問題，小六2測2考搏曬命，我有3次考第1。每次派完成績我就全層樓逐家拍門，話俾人知我考第1，目的係令阿媽尷尬，就算我考第1佢都無著數，甚至好無面！我其實無打算改善同阿媽既關係，咁多年已經太了解大家，阿媽無可能降低要求，不斷有更高要求俾我。阿媽既世界只有努力再努力，堅持就會成功，老實講，果陣我覺得阿媽好幼稚。

考到第1我開始地球反擊戰，忍唔係辦法。一見阿媽睇電視我就話：個節目有咩咁益智呀，學到咩呀，有時間睇電視都唔睇下書，你好hea呀！星期日6am叫醒阿媽：平時都6點起身架啦，今日做咩咁懶呀，訓少Ｄ做多兩份文件啦，仲細咩要人提！阿媽去完演唱會返黎：你今年升職加薪未呀？未呀，你咁唔上進有咩資格話我呀，反省下啦你！諗返轉頭我覺得自己都好幼稚，哈哈！

中學阿媽想我去女校，第1志願佢填協恩，我改迦密，老豆加簽。圖書管理員、紅十字會、義工參加一堆，偏偏阿媽建議既女童軍唔參加。放學就係旺角行街，散完心先返屋企，仲夜過阿媽返。放假日日有節目唔痴家，好似好多姿多彩，其實好痛苦，有時真係唔知去邊同做咩好。中四阿媽要我揀理商，我揀左純理，仲同另一班既男同學拍拖。中五阿媽知拍拖，大發雷霆，打算去搵班主任同男方家長，老豆禁住，話低調Ｄ，要求我地兩個保持成績。大學阿媽叫我揀會計或護理或教育學院，仲話再唔聽唔同我交學費，我揀左機電工程，申請免入息審査貸款計劃。跌跌撞撞到而家叫做做左工程師，阿媽依然好唔like我份工，有人問就話我係地盤妹。

阿媽同阿姨呻我每一個階段每一個選擇都唔合佢意，每次阿姨都係一句：你住3x樓個窗又大又無裝窗花呀，你係咪要睇空中表演呀，俾條生路行下啦！

miujoey

一見阿媽睇電視我就話：個節目有咩咁益智呀，學到咩呀，有時間睇電視都唔睇下書，你好hea呀！星期日6am叫醒阿媽：平時都6點起身架啦，今日做咩咁懶呀，訓少Ｄ做多兩份文件啦，仲細咩要人提！阿媽去完演唱會返黎：你今年升職加薪未呀？未呀，你咁唔上進有咩資格話我呀，反省下啦你！

...................................
睇完你打呢段, 我真係忍唔住好大聲係公司笑左出黎

Jane1983

回覆 greentea000 的帖子

嘩，乜咁悲情！其實你亞媽在鬧你之餘，係咪無表達為你好、好愛你，所以你咁反感？
我女同级有個女仔，已經係考頭三，但聽聞test、考试mock卷（係唔計分的卷）做得吾好，就打到飛起。不過佢亞媽平日係睇得出好錫好愛護，個女仔so far都好乖、好受呢套。所以係咪你媽情感配套不足，所以先咁樣。

greentea000

回覆 Jane1983 的帖子

阿媽每次鬧完我會林返我，佢自以為係恩威並用，我更加反感佢兩面人。
佢喊只感動到佢自己，我一早已經麻木。

愛係有代價架，要又聽話又考第一。

Jane1983

回覆 greentea000 的帖子

你的回帖，真係值得大家反思。

judy

嘩，乜咁悲情！其實你亞媽在鬧你之餘，係咪無表達為你好、好愛你，所以你咁反感？
我女同级有個女仔，已經係考頭三，但聽聞test、考试mock卷（係唔計分的卷）做得吾好，就打到飛起。不過佢亞媽平日係睇得出好錫好愛護，個女仔so far都好乖、好受呢套。所以係咪你媽情感配套不足，所以先咁樣。

有啲阿媽真係好自私，我見有一初初做醫生嘅乖乖女，每天回家，累到不得了，到樓下仲要打電話俾阿媽問買咩外賣回家吃。佢阿媽好人好姐坐係屋企。

greentea000

回覆 miujoey 的帖子

我都係用返阿媽既標準去要求返阿媽姐，要分分秒秒努力，時時刻刻上進！