小朋友對自己要求好高，超好勝，真係好擔心

邪留丸ha

做乜野都要同人鬥，無論行路，坐，成日都話我行先，我坐第一，我快過你（但人地冇話同佢比賽）玩遊戲更唔洗講，一定要贏，唔係就發脾氣，成日為左咁同小朋友爭執，總之做咩都要分第一、二、三名，又固執，真係好煩！解釋到口都乾，有時專登唔俾佢贏，從而去教佢，但冇用
對自己要求高，字常話寫得唔靚就擦，但我反而覺得冇需要擦，成日話自己畫畫唔靚，我叫佢畫個人，畫左出黎佢又話唔似，係咁問點解，所以佢而家唔願意畫人，其他畫得唔似都會發脾氣，好多野佢能力未做到，但佢要求自己做，做唔到又發脾氣，就算玩拼圖，積木，砌唔到都會發脾氣。

邪留丸ha

超自我中心，行街撞到欄杆，佢唔會承認自己唔小心，佢話自己已經好小心，係欄杆撞佢，佢食野整濕左件衫，就會話係D水自己滴落件衫度，總之唔認衰，我真係好擔心佢比太多壓力自己，又唔輸得，到小學都唔知點算！
請問有冇媽媽既小朋友類似咁,有咩辦法，我要講同解釋既野由佢兩歲講到而家4歲幾，有講故事，獎勵計劃等等.....，而家冇改善反而越來越嚴重，唉！

Rachelmummy2008

我囡囡也有一個好勝的心，在家輸了也有唔開心，甚至逃避再玩同一個遊戲。

畫畫一樣，三歲去畫班，其他人拎住幅畫好有成功感，我囡每次都木口木面，後來明白她自覺畫不到她看見的真實畫面，我就無再逼她了。

有幸她小二突然不再怕畫畫，有賴學校老師一直没有什麼負面的評語，加上身邊同學喜歡所致。

好勝可以是自信/自負的表現，一線之差，我自己也在學習如何令囡囡成為有自信而不自負的人。

希望各位前輩指點迷津！

wan_sosin

我實在見過有兩個小朋友同你囝囝好似，智商高，但同時評估了是自閉譜系，當然我唔係話你小朋友都係，講嗰小小也不足以判斷，可能你小朋友只係性格問題，不過如果問有無類似情況小朋友，我真係即時諗起那兩位小朋友！
如果問點可以教到，我知那兩位小朋友的家長，讓小朋友長期上社交班，另外也會約見社工，心理學家之類，遊戲治療都可以嘗試，最後想講，單靠父母教導都未必就能處理到個小朋友的情況，但父母必須堅持，希望有其他家長可以比到意見你。

longlokma

原帖由 wan_sosin 於 15-11-03 發表
我實在見過有兩個小朋友同你囝囝好似，智商高，但同時評估了是自閉譜系，當然我唔係話你小朋友都係，講嗰小 ...

請問除了楼主講的情況，还有什么其他特徵会可能是高智商自閉呢？因我朋友孩子也是如此……

Activehealth

原帖由 邪留丸ha 於 15-11-01 發表
做乜野都要同人鬥，無論行路，坐，成日都話我行先，我坐第一，我快過你（但人地冇話同佢比賽）玩遊戲更唔洗 ...

我個仔係資優，細個都係咁，我四歲比去學捉棋，教識佢無論幾叻，捉棋一定有贏有輸。捉輸咗都會喊。但之後學識只要努力就會贏返。
家長最緊要處之泰然，對贏輸好咁着緊。佢就算贏咗，都唔好咁開心。要話比佢知贏，唔係因為佢叻，係佢努力嘅成果，因為佢之前輸冇發脾氣冇放棄過。

wan_sosin

原帖由 longlokma 於 15-11-03 發表
請問除了楼主講的情況，还有什么其他特徵会可能是高智商自閉呢？因我朋友孩子也是如此……



  ...

其中一個小朋友十分偏食，著開嗰件衫就一定要著返，對某些質料會接受唔到，明白/接受別人意思/意見，十分弱！脾氣十分大！
另一個有固執行為，不過細個明顯，大個好咗少少，佢喜歡畫路線圖，亦試過由1開始一路寫數字寫到4千幾，有輕微焦慮，小小事情要花很長時間才平服心情！
兩個小朋友都同樣唔輕易明白一般人常理嘅諗法，解釋幾多都無用！自我很強有時連家人也容不下！
兩個都是上了小學才找出問題，因為情況唔見得因為長大而改善，幼兒時上了很多EQ,社交班，親子輔導等，都未能處理，最後惟有去評估，才發現是自閉譜系，亦即是過去所講的亞氏保加。
在我所見，家長有時會因為小朋友智能高而接受了小朋友的行為問題！加上作為父母，那個會想自己小朋友會有情況出現！上面其中一個家長是我花了一段時間遊說佢帶小朋友去評估！之後家長慶幸能找出真相，小朋友是否真的有事都好，家長其實都需要有朋友幫忙，需要有人給他們客觀意見，希望你也能幫助到你那位朋友！

longlokma

原帖由 wan_sosin 於 15-11-03 發表
其中一個小朋友十分偏食，著開嗰件衫就一定要著返，對某些質料會接受唔到，明白/接受別人意思/意見，十分弱 ...

謝謝你詳细的回覆，會跟朋友分享，thx

Radiomama

四歲男孩愛贏怕輸一點不出奇；最重要是榜樣。身邊的成年人也要一起成長，順或逆，笑著面對。

下棋、ball games , board games, card games, even打麻雀都可以訓練如何面對勝負。我奶奶牌品極好，每次我們去探他們，他們都教我仔玩啤牌和麻雀（我仔11歲），久而久之，我覺得是個很好的生活榜樣。

邪留丸ha

身邊既同學喜歡？你小朋友是否社交上很好的？

邪留丸ha

原帖由 Rachelmummy2008 於 15-11-02 發表
我囡囡也有一個好勝的心，在家輸了也有唔開心，甚至逃避再玩同一個遊戲。

畫畫一樣，三歲去畫班，其他人拎 ...

身邊既同學喜歡？你小朋友是否社交上很好的？

邪留丸ha

原帖由 Activehealth 於 15-11-03 發表
本帖最後由 Activehealth 於 15-11-3 18:53 編輯

我都有俾佢學圍棋，但我地家人本身唔識，只上一星期一次，是否好難籍此教導佢

邪留丸ha

原帖由 wan_sosin 於 15-11-03 發表
其中一個小朋友十分偏食，著開嗰件衫就一定要著返，對某些質料會接受唔到，明白/接受別人意思/意見，十分弱 ...

我小朋友又唔會咁極端，因佢有時都好易接受新事物同人地既意見，只不過佢自己一轉左牛角尖，就會堅持到低要哭一大場先知錯
其實已講好多道理，同佢睇左好多關於勝負，同理心，感恩等等既書，而我地家長本身亦冇咩不好的榜樣，就是因為這樣，就上來問問大家，昨晚，佢又因砌lego砌唔到心目中既形狀又大喊了，真係無奈

邪留丸ha

佢三歲時我都有帶佢去見心理學家，出黎說暫時毋需更進

wan_sosin

邪留丸ha 發表於 15-11-5 23:43
我小朋友又唔會咁極端，因佢有時都好易接受新事物同人地既意見，只不過佢自己一轉左牛角尖，就會堅持到低要 ...

聽來還好!當然希望只係小朋友本身性格!

但當你囝囝情緒太激動時,要首先認同佢嘅感受,不要立刻想要教導佢,讓佢倒盡他的心情時,才再慢慢跟佢傾,真的要好有耐性,好快時間,閒時可以玩下角式扮演,將生活上的事情,互相代入去做,父母可做一次正面的處理方法比佢睇,然後讓他嘗試做返出嚟,亦可以父母扮他失控的情況,問返佢有什麼問題,如何解決.但無論用什麼方法,都要堅持有耐性不斷重覆.

相信樓主已花了不少心機,絕不是白費的,種子已種在小朋友心入面,總等到有一天發芽生長.

邪留丸ha

原帖由 wan_sosin 於 15-11-06 發表
聽來還好!當然希望只係小朋友本身性格!

但當你囝囝情緒太激動時,要首先認同佢嘅感受,不要立刻想要教導佢, ...

多謝你既意見！我會繼續努力，真係要付出更多愛心同耐心，希望有一天佢能學懂

lillymarie

其實幾歲人仔偶然大哭去舒發感受，是好正常的事。只要不傷害人和自己，不破壞物件就好。

怎樣回應孩子，幫助他緩和情緒，好多育兒或教EQ或溝通的書都會講到。

最難的反而是家長自己怎樣保持冷靜，不受他的情緒或自己的憂慮影響。家長心境平靜，就有好多方法可幫助孩子

Rachelmummy2008

邪留丸ha 發表於 15-11-5 23:05
身邊既同學喜歡？你小朋友是否社交上很好的？

我的孩子社交上就比較温和，即是未必一定搶到玩具，但就個心好唔忿氣。
K2在學校便走埋一邊自己玩，K3有進步，開始有同人玩。

小學已經無大問題，她前兩天說和一位同學爭執，和好，又嗌交，再和好……

Activehealth

原帖由 邪留丸ha 於 15-11-05 發表
我都有俾佢學圍棋，但我地家人本身唔識，只上一星期一次，是否好難籍此教導佢



  ...

試吓比佢參加圍棋比賽，係一個好好嘅緞練，等佢知道一山還有一山高。