請問過去兩年,Band2生有無人成功上移入讀Band1中學呢?

YmOra

由於,出生率底和有些區分出現學額多於Band1學生,在供過於求情況下,Band2生可搏入讀Band1中學,理論上是可行的,但事實上又是否有此類例子呢?希望有過來人提供實例以供大家參考.thx.thx.

MariaTsui

的確是有的，囝囝同學就是B2生，加上轉區，跟屋企地址，成功變為B1生，加上編號前，入了一間B1a的中學，但成績一直處於下游，又值得嗎？

RoseRose1980

近年係有b2生在灣仔大抽獎入到大坑真光同TSK

metrochung

原帖由 MariaTsui 於 15-11-01 發表
的確是有的，囝囝同學就是B2生，加上轉區，跟屋企地址，成功變為B1生，加上編號前，入了一間B1a的中學，但 ...

而且在高中選科是未必有優勢，可能被安排選修一些小朋友不喜歡的科目，令他大大降低學習興趣。最重要係學校是令小朋友發揮最好，幫助小朋友成長。每個小朋友性格不一樣，所以未必有好處或害處。可必着重B1B2，我知道講就容易，做就比較難，我只是提供多一個思考的方向，我仔是邊緣人，我都好頭痛

bb-bu-bu

朋友個仔band 2中成績，入到band2頭學校，學校都谷，小朋友唔適應，多功課，晚晚11，12點先做完，重要預習，溫默書，所以越級入到都辛苦，畢竟中學多科，我唸如果band 2生入左band 1, 會超超辛苦

小木偶媽咪

有是有，而近年出生率底更加，
但我覺得不要是家長一意孤行，
家長千方百計入到去就可功成身退，
但需考慮一下，後果是遺下子女一人，其後六年獨自去應付各種壓力，甚至乎是打擊，不值得吧！

幫子女入間band 1學校不一定是好，
但幫子女配對間合適的學校才是真正的對他好。

媽媽加油

Band5

B2生博入B1中學，靠自行或者甲部嘅機會係微乎其微，即使成功，都同出生率冇乜關係！

B2生經乙部博入B1學校嘅，機會一直都存在。在如中西區般B1位充裕嘅，好多B2生都在乙一試博1C中學而且成功嘅大有人在，我估係一年比一年多，但始終冇人會有確實數據。

在B1位不足嘅區，仍有唔少B2生博到入B1學校，通常係得幾個位嘅他區學校！原因好簡單，B1位不足，絕大多數B1生會在乙部四五位已揀B2學校做保險，呢啲得幾個位嘅B1他區就俾忽略咗，而有可能將啲位留俾B2生！

只係博輸咗嘅就有可能派到好差，又可能要面對連串扣門嘅磨練！

kay1102

回覆 YmOra 的帖子

我仔小六時屬中間排名，按小學說是B2生，入了同區B1C中學。灣仔區。
是否值博要視乎各區分的畢業生和中學的人數，不單是出生率低就可以博，可留意khmama的資料，很有用。

fionakong2008

呀女小學2b升上叫1c，ok啦，中一第一個學期初差小小，下學期追到級中間左右，一星期補兩至三日，每次個零鐘，佢嗰間學校都算輕鬆，加上佢玩運動時間長，在家揸起本書時間真係唔多，但佢講過上堂要好留心。

SONIALAI

愉快學習, 配合性格才是最重要

mcl203

RoseRose1980 發表於 15-11-1 16:36
近年係有b2生在灣仔大抽獎入到大坑真光同TSK

灣仔....更誇張既案例都聽到唔少