如何面對失敗⋯⋯

麥子仲肥

間間都冇2nd in, 一封又一封rejection letter⋯⋯
自問小兒學術不錯，不過性格比較古怪⋯⋯

好depressed，唔知點用平常心面對個仔，好難忍住唔話佢⋯⋯

Happy_J

加油

shel0208

Don't blame the kid, nowadays we really don't know how the school will choose and expect so don't have to blame on our kid. They can feel it, so just tell him to relax...

breadbb

仲有好多未放 又有d未in
唔好放棄住
有d小朋友可能唔利interview,
但唔等如唔好
加油 唔好灰心

Eytc

唔好咁啦, 仲有好多學校都未開始1st in 甚至報名, 而且多數都係重學術嗰幾間, 仲有機會㗎!  小朋友嘅優點喺面試一兩個鐘未被發現, 唔代表佢地嘅"優點"唔值得我地去欣賞!
我地家長面對結果會失望會氣餒, 但我地可以上嚟呻下, 抒發下... 但如果小朋友失去信心, 氣餒, 佢地唔識去調節...
所以唔好將負面情緒pass on to 你的小朋友!  家長們大家努力啦!

Yanamami

唔好鬧佢啦~僧多粥少，失落既人屬多数呀~他日揾工可能渔翁撒網成百封信都無回音㗎~

karen55407

啫！做父母嘅責任只係制造機會比孩子嘗試，考唔到咪考唔到，使乜話佢，除非係佢特登倒蛋，佢都唔想㗎！你可以同佢做賽後檢討吧！好讓佢叩門時能有更好的表現。我仔當年都係百無，我坦白告訴佢每次結果，反而係佢自己好想有學校收，我會安慰佢話總有小學讀！

lalawowo

學校唔收唔等於唔好，interview其實都係比大仔大女玩嘅遊戲，人生漫漫長路，放鬆啲啦，加油！

alovea

所有人都唔認同自己個仔, 你都要認同佢能力!!!
加油, 仲有好多好多機會...

sunnygirl

其實唔一定要讀直私學校嘅，塞翁失馬焉知非福，可能到抽獎時抽到間更好嘅呢！

frogbobo

回覆 麥子仲肥 的帖子

點解面試唔成功就代表失敗?

先解開自己個心結, 想清楚咩叫成功? 咩叫失敗?

必收生唔洗面試, 算成功定失敗?
大抽獎入一線唔洗面試, , 算成功定失敗?

人有努力為自己爭取過, 不甘被支配, 自主命運, 本身就已經係一種成就。

真係要比較, 你小朋友已比很多人優勝。

siusiufun2010

有D小朋友性格不利小一面試，所以你會見到好多小朋友成手OFFER，同時有好多小朋友百無，但唔代表佢既能力同埋性格不及，每種能力同性格都有正反兩面，只不過好多私直都用接近既方法去收小朋友，變成某一種能力性格既小朋友較突出，其實黎黎去去拎住OFFER既都係嗰幾百個至一千個小朋友。漫漫長路，入到津校一樣大把叻仔叻女，有時候津校既表現更加出色。

明白呢一下好難接受，但可以做既就係好好地去接受，同埋預備將來既挑戰。大家都係同路人，共勉之。

fredachowct

只是人生一小步，對仔仔有信心，第日一定帶你走更遠更闊既路呢。。。支持你

retriever

回覆 麥子仲肥 的帖子

千萬唔好為個面試結果鬧佢, 結果唔係最重要, 過程才重要...
過後你可能會覺得過程讓孩子成長好多...



記著, 最後一定有書讀.

bbb330

大家努力呀, 面試靠運氣多, 去年朋友仔仔間間被reject, 最後竟然DBS收, 所以世事難講, 不過真的希望已有offer D 人, 早些抉擇, 快些放位出來!!

hkpapa852

麥子仲肥 發表於 15-10-23 09:33
間間都冇2nd in, 一封又一封rejection letter⋯⋯
自問小兒學術不錯，不過性格比較古怪⋯⋯

好難忍住唔話佢

點解要話佢? 係你話佢之前, 自己諗清楚呢個問題: 考唔到學校係孩子既問題?

好似你去見工, 份工唔請你, 就係你既問題? 如果見工唔成返到屋企仲要俾老豆老母哦, 咁你又覺得點呀?

外人唔識得欣賞自己既仔女, 好出奇咩? 定係其實係自己一廂情願都唔肯接受現實子女既模樣?

睇下呢篇文章, 再諗清楚自己到底想怎樣對待孩子吧!

http://ktoyhk.blogspot.kr/2014/08/20140809-piers-darkins.html

bbb330

回覆 siusiufun2010 的帖子

cchappyforever

When u wanna blame the kid, take a deep breathe, go to somewhere else, don't blame him la. He is too small, kids develop at different pace, sometimes character influences the impression and impact the result.
He cannot make it today, does not mean he cannot make it tomorrow.

I received some rejects too, but I tell myself, she is only 5.

Yanamami

hkpapa852 發表於 15-10-23 10:20
好難忍住唔話佢

點解要話佢? 係你話佢之前, 自己諗清楚呢個問題: 考唔到學校係孩子既問題?

係囉~係靚係醜，是聰明还是不太聰明，都係自己生出黎，小朋友無得揀喲~

sonanna

經過9月10月之後，冷靜下來，有時唸下，其實每個父母看住自己小朋友成長，性格樣貎都似自己，唔多唔少都覺得佢地冇問題的，正常的，甚至勁的，因為如果説自己小朋友有問題即代表自己有問題嗎？當沒有學校收的時候，即不被人接受的時候，做父母的唔多唔少都失望，失落。自己的小朋友不被接受，好難受，這都正常的。我想不用太深究了解到底為什麼不收吧！收你，有原因的！但不收你也有千千萬萬個原因吧！做人平常心一點，教小朋友做人，大人也要學做人，世事往往不如人意，有目標，之後努力進發，失敗了，傷心一會，檢討一下，起身再來過，不要灰心，不要認輸，人生總要過，盡力做了，唔得咪算囉。今時今日做父母先做好自己，身教小朋友。你也希望自己小朋友能屈能申的嗎？人生漫長路，小一入學，中一入學，大學，入公司打工，結婚生小孩............敢快被打倒，點做人落去，大家媽媽們，快快振作起來，失望一日半日好了，收拾心情，同自己小朋友一起迎接未來挑戰吧！