邊度有d感統訓練可以俾小朋友練習？

Shirleyloveyou

小朋友2歲7個月，我自己和老師都對我仔有d懷疑

metrochung

原帖由 Shirleyloveyou 於 15-10-23 發表
小朋友2歲7個月，我自己和老師都對我仔有d懷疑

懷疑D乜？要對症下药先得。有冇做評估？

Shirleyloveyou

因為手腳經常撞魚，但佢又好似無乜野，除非超痛先會喊。平時都坐唔定，罰企又會走，玩玩具好快又唔好，要玩其他，仲會打人，推其他小朋友。我真係好擔心，依家等見健康院，都唔知去邊度做評估？我上網見人地話感覺統合失調都有以上表徵，所以來呢度問下，請教下

irenelwl

搵職業治療師評估

piglet0529

原帖由 Shirleyloveyou 於 15-10-23 發表
小朋友2歲7個月，我自己和老師都對我仔有d懷疑

如果有懷疑, 直接打番健康院見姑娘, 她會轉介給兒童體能及智力中心(即CAC), 如果老師也懷疑, 可找學校寫幾隻字會快的轉介到(不過, 要你幼稚是正面幫小朋友才好做, 有的幼稚園見小朋友有問題會迫走, 如是這樣自己去找健康院算, btw我仔當年加學校信指出問題要求評估)

piglet0529

原帖由 Shirleyloveyou 於 15-10-23 發表
小朋友2歲7個月，我自己和老師都對我仔有d懷疑

至於感統訓練, 未做評估也有的可上, 很多社福機構可能有, 去你附近看, 坊間有的playgroup也有標榜train感統, 當然如果評估了就上一的較針對性的訓練啦

Shirleyloveyou

謝謝你的回覆，我都唔清楚學校係會用心幫我仔，定最後會用方法趕走佢，我真係好擔心，現在等健康院睇下幫唔幫到，或者睇下點做

irenelwl

回覆 Shirleyloveyou 的帖子

依我所知, 排健康院時間不短, 再轉介去政府的職業治療比較小係感統D邊做訓練 (朋友跟我說的), 我自己幫女兒排協康排了快一年都未有消息~~ 最後我是自費去了找私人職業治療師做訓練。現在兒子都在健康院排期, 但先去了私家職業治療評估, 之前問過, 如果只是感統問題, 可以介紹一些機構給我, 不過因為兒子不單止感統問題, 所以現在都跟職業治療師做訓練。如果千多元的評估可以有個方向, 我覺得是值得的, 如果結果出黎只有感統問題, 沒有其他如視覺, 協調, 大小肌等等., 可以找純感統訓練。你小朋友的情況, "因為手腳經常撞魚，但佢又好似無乜野，除非超痛先會喊"<--我兒子全部都中的, 他是有感統問題, 而且痛覺是比較遲鈍, 而且還夾雜了很多其他問題......

Shirleyloveyou

jm唔好意思呀，想詳細問問，你兒子除咗感統問題，還有咩問題？因為我仔係學校仲有衝動及攻擊性等行為，我已經等唔切11月中去健康院，拿了西e轉介信下星期一預約cac嗰度，唔知會否好耐！原來協康會都要咁耐，唉

money82

CAC評估除非系嚴重到生活吾到，才會評為感統有事，比訓練。我仔剛完成CAC評估，我都自己提出有多位特殊老師話個仔感統有問題。包括自轉，拿玩具貼位面磨，用額系磨牆，行路個手不自然擺動，用腳尖行，偏頭斜頸行，對某D質地偏愛或抗拒，超偏食。甘多明顯表現，其他暗內表現，如專注力等。個醫生說，系吾系嚴重影向生活，要系如太怕一様，搞到出吾門囗，學習吾到。但自我刺激到叫都吾停，先要特殊感統訓練。暗示少少感統問題就要做訓練系商業技巧。距都甘講，我都要求吾到政府可以有咩感統服務。我就自己帶多D個仔去公園玩，滑梯，秋千，轉盤，搖搖。全部都有感統。但我個人感得你仔應該無感統問題。但要上D社交班

Shirleyloveyou

多謝你嘅回覆啊！我仔都有腳尖行路和頭偏向一邊行路

Shirleyloveyou

我都帶過佢去一d公園，例如圓方公園或觀塘海濱公園都好似可以訓練感統的。我仔最煩是有攻擊性行為，搞到人地

irenelwl

回覆 Shirleyloveyou 的帖子

我大女上年年尾確診讀寫障礙, 因為需要職業治療師(OT), 所以我經介紹聯絡上了一位私營的OT, 並一直做訓練。由於接觸多了, 了解到OT的層面, 同時, 兒子從小就因大大小小意外入院, 也因此由1歲多已開始定期到醫院到發展監察, 多次入急症感到醫院見兒科醫生, 我都有詢問 "點解我仔咁易跌倒, 撞親"?每次醫生只CHECK佢大肌,  但沒有一個醫生答到我原因, 只話大肌無事。最嚴重一次我仔仆到對門牙插左入牙肉。真係睇到都痛.....
到佢4歲時我驚佢係咪因為過度活躍, 坐唔定所以成日生意外, 同醫生講, 佢話要回學校跟老師觀察半年再番去同醫生講,其間因為家姐關係, 我經常帶兒子去D中心等家姐放學, 其中一個社工留意到我兒子有情緒不穩的情況, 叫我留意佢有沒有自閉症, 我再問多D社工, 乜自閉唔係唔講野的嗎, 佢話唔係, 我就上網SEARCH, 後來知多了, 就覺得兒子的情況都幾似, 就4.5歲時番去醫院跟醫生講, 當時見的醫生是不能作主的, 我強烈要求下, 佢幫我再轉另一位醫生, 這個醫生是幫我寫紙轉介的, 其間他問了我很多問題, 再加埋D半年我跟學校要的老師評估信 (裡面詳細記錄了小兒在校的生活模式),及直接跟我兒子對話和玩, 他也覺得我兒子是有自閉, 不過就不是嚴重。


現在回想起 , 兒子小時有的感統的問題 :

磨頭 , 他BB時個頭比佢磨到光左, 有一個環的
經常向後撞個頭 : 我地成日防佢撞到, 抱佢又比佢撞到下巴
上左K1, 開始自己打自己個頭

我仔都有打, 咬家人的懷習慣, 但對外就比較小, 有見佢自然反應係玩時想推走人, 當然每次見到都要叫停佢同教, 不過在學校老師話佢唔會, 而且都算聽老師話, 所校方都無注意到佢有咁多問題.還問我地點會覺得佢有自閉。不過學校都好好, 一知我仔有咩問題, 上下都好配合咁係日常生活TRAIN我仔。

我仔做了2個多月OT, 明顯情緒好左, 無再失控打自己, 發脾氣好快收得到, 無以前扭咁耐, 佢自閉問題, 醫生都話係輕微, 我都有比佢上小童群益會的社交及情緒小組, 相反個邊導師第一堂後就跟我說我仔感統問題比較嚴重,叫我快點找OT (個時已找, 不過訓練未開始)。 因為我朋友兒子都是自閉, 他兒子比較嚴重, 3歲多還未說話, 他已排到政府的OT, 是他告訴我主要做大小肌訓練, 所以我才建議你找OT評估後, 才再看看有多少問題要處理。

我仔小肌發展差及懷疑讀障, 所以還是有個私 人OT跟比較好, 如果純感統問題是有小組可以上的, 價錢比較便宜, 但還是建議先找OT CHECK一CHECK, 跟著CAC一定要排, 一來CAC排需時, 二來他們的評估比較全面。

Shirleyloveyou

好詳細啊，多謝你回覆先！依家小朋友約左下月cac，暫時仲未知可做d咩，感統方面就係去公園，活躍衝動攻擊性就上網找資料睇下點教導，無乜可以做到

irenelwl

回覆 Shirleyloveyou 的帖子

你見CAC時問下姑娘有無資料比你, 我個個姑娘就好好, 比左好多機構資料我, 叫我可以自己出去搵訓練做住等評估

fatfathippo

如果經濟能力許可，你可以pm我，我比个机構名及电话妳。
我个大仔由K2时去了私人机構找職業治療師評估，跟住在那玩了3年，現在好好多。

fatfathippo

原帖由 Shirleyloveyou 於 15-10-26 發表
好詳細啊，多謝你回覆先！依家小朋友約左下月cac，暫時仲未知可做d咩，感統方面就係去公園，活躍衝動攻擊性 ...

CAC出了評估後，一般等1年多才有政府機構再評估及培訓。
黃金6年好重要。

Shirleyloveyou

黃金6年係指幾時？

irenelwl

回覆 Shirleyloveyou 的帖子

0-6歲d段時間

fatfathippo

原帖由 Shirleyloveyou 於 15-10-27 發表
黃金6年係指幾時？

是指6歲或以前接受培訓能得到最佳改善，因6歲前最吸收。
我大仔K2时申請政府智力評估中心，等左k3才有評估，最後只評到他有感统問題，社交力比較弱(叫我多D帶他同朋輩玩)，智力，聽觉，視覺正常。
當時我还擔心，要求e生寫介紹信跟進，那又等1年，上左P1才發現有lazy eye及有自閉症傾向(踏界)。當時心情跌落谷底，因若早D知，我会再找培訓给他，不用他在小学生活不快樂。