贏在起跑線，最終黐咗線！(不幸事件)

shadeslayer

原帖由 little_yolky 於 15-10-28 發表
所以培正學生歸屬感咁強, 真係好多一讀就15年, 好不羨慕。真係有需要時籌款都易D。 ...

培幼培小是私立，為何沒問題，一讀15年？

私立，直資，津校也可以是一條龍，也可以不是一條龍。名津轉直，不一定破壞一條龍或承傳。直資有選學生權利。

YolandaTam

原帖由 shadeslayer 於 15-10-28 發表
培幼培小是私立，為何沒問題，一讀15年？

私立，直資，津校也可以是一條龍，也可以不是一條龍。名津轉直， ...

要完全唔影響，最理想係中小學一次過轉晒，好似我母校咁中學轉小學唔轉就始終差啲。我贊成轉直資，始終用者自付無咩唔啱，但最好中小學一齊轉，唔好半桶水。

brother4

讀書靠自已努力，同 學校關係不大，叻仔叻女大把學校選擇 ，大學也搶著要吧!如沈氏兄弟，一個14歲入牛津，另一個14歲入浸大。。。

little_yolky

shadeslayer 發表於 15-10-28 09:32
培幼培小是私立，為何沒問題，一讀15年？

私立，直資，津校也可以是一條龍，也可以不是一條龍。名津轉直， ...

培幼、培小是私立, 不是直資, 沒有政府補貼。培幼上培小如果家長願意, 是100%直上, 至於培小及培中, 因為一個私校, 一個津貼, 所以唔可以一條龍, 係直屬(點解唔可以我唔明白, 但我自己女女學校都係咁, 只有聯繫, 簡介會時校長咁答, 唔明, 但無再問), 但培中係响自行時只取錄培小學生, 然後大抽奬係直屬比率, 所以入培中既培小學生大大遠超過直屬百份比, 入面有一定比例既B2生。但學校係有教無類, 呢D咪係道義囉。

唔係話名津唔可以轉直資, 佢哋轉得, 一定係合法。但轉咗後唔保留與小學既直屬關係, 對於小學部來說是無情, 名直資中學有選學生既權利, 佢哋收的都係B1生, 所以小學部校長為保多些學生可以入中學部, 就谷到行。唔好講到辦學團體用自己教會地辦學唔賣地賺錢好偉大, 教會所有收入都係免稅的, 教區提供很多服務, 所以政府有優惠, 但為咗令自己學校/教會更出名, 學校名聲更高, 就轉直資, 可以選成績更好的學生, 是合法, 但無道義。不過, 對於外校B1的學生是不失為一個好消息, 因為考入的機會將大為提高。好似培正, 我們就只可以望門輕嘆了。

如果只為辦學自由度而轉直資而唔係為收成績好既學生, 大可以轉直資後繼續沿用與小學的收生比例不變, 不過, 呢個世界似乎沒有這樣好的事情, 就算是教會亦然。

little_yolky

brother4 發表於 15-10-28 10:32
讀書靠自已努力，同 學校關係不大，叻仔叻女大把學校選擇 ，大學也搶著要吧!如沈氏兄弟，一個14歲入牛津， ...

也不盡然, 當然讀書要靠自己努力, 學校老師朋輩也很重要啊, 始終我們家小朋友都不是姓沈的

brother4

也不是姓沈ㄧ個平凡家庭，傳统/名校/直資/私校，自問孩子入咗都跟不上，愉快中中學校較適合吧!

hkpapa852

oooray 發表於 15-10-27 21:21
唔認同食兩家茶禮的概念。
官津校政府出雞，食白切雞;
直資政府出雞，家長出豉油，食豉油雞;

直資政府出雞，家長出豉油，食豉油雞;

真係政府出雞, 家長出豉油?

政府每年每個小學生津貼約4.5萬, 但直資小學學費上限可達10.5萬. 現實係不少由名津轉直資既小學, 學費至少每年3萬, 甚至去到6/7萬.... 呢碟鼓油應該幾好, 夠買隻雞添!

shadeslayer

原帖由 little_yolky 於 15-10-28 發表
培幼、培小是私立, 不是直資, 沒有政府補貼。培幼上培小如果家長願意, 是100%直上, 至於培小及培中, 因為一 ...

唔好講到辦學團體用自己教會地辦學唔賣地賺錢好偉大

Xxxxx

辦學團體用自己教會地辦學一百幾十年唔偉大，唔通學生入讀幾年偉大？定家長比孩子讀教會學校幾年，「明益」學校偉大？

shadeslayer

原帖由 hkpapa852 於 15-10-28 發表
直資政府出雞，家長出豉油，食豉油雞;

真係政府出雞, 家長出豉油?

Bottom line is, it is open, they are not hiding be fact that they get money from both side. Good quality education "needs" money and money don't grow on trees.

sheffield

回覆 shadeslayer 的帖子

孩子學校是半山老牌天主教學樣，私小，收生不算多，學費不算貴…真的感到教會是為辦學而辦學！

little_yolky

shadeslayer 發表於 15-10-28 12:05
唔好講到辦學團體用自己教會地辦學唔賣地賺錢好偉大

Xxxxx

你睇清楚教會條數至好講。
教育係教會服務其中一部份, 主要唔係為賺錢, 係為咗培養一群自小聽道既小朋友, 希望撒播小種子, 其中有一部份長大後繼續信主, 他們的工作就已經係成功了。所以天主/基督教會聰明過佛教, 因為佢哋出好多力辦教育。除教育外, 她們有用地興建私家醫院, 因為教會用地, 所以政府給予非常可觀既優惠。

教會係一藍子服務, 唔單止辦學, 好有系統的。

little_yolky

sheffield 發表於 15-10-28 12:31
回覆 shadeslayer 的帖子

孩子學校是半山老牌天主教學樣，私小，收生不算多，學費不算貴…真的感到教會是 ...

真的很感謝為教育而辦學既所有團體。

oooray

冰鮮雞平過豉油好正常，超市每日都上演緊。
直資係比多個選擇家長，至於比左$係物有所值，定自我感覺良好，市場定律，有人讀即表示有存在意義，如不屑它的運作模式的話，有出世紙政府包你官津有書讀。看不出有不公義的地方。

little_yolky

hkpapa852 發表於 15-10-28 11:51
直資政府出雞，家長出豉油，食豉油雞;

真係政府出雞, 家長出豉油?

其實, 如果辦學團體真係為教育而辦學, 為教學自由轉直資, 我真係舉腳贊成的, 就算政府出嘉美雞我出龍崗雞都無問題, 因為家長可以多個選擇, 資源又多, 真係窮的又可以申請學費減免, 幾咁好。

只係對於有聯繫/直屬/一條龍小學既名津, 如果希望由大抽奬/直屬關係將小學部B2甚至B1C學生抽出, 注入其他學校的B1A新血, 對於小學部頓感無奈。轉制小學部無聲出, 只可被牽著走。其實對於我們這些外校生是有利的, 因為可以多D學額考..........係呢, 唔知培正中學幾時轉直資呢, 等我多個夢想都好。

shadeslayer

原帖由 little_yolky 於 15-10-28 發表
你睇清楚教會條數至好講。
教育係教會服務其中一部份, 主要唔係為賺錢, 係為咗培養一群自小聽道既小朋友,  ...

你D咩「睇清楚教會條數至好講」，或者甚麼「教會一條龍服務」，和這些服務本質上偉大與否有關嗎？

shadeslayer

原帖由 shadeslayer 於 15-10-28 發表
你D咩「睇清楚教會條數至好講」，或者甚麼「教會一條龍服務」，和這些服務本質上偉大與否有關嗎？



  ...

好多教會辦學一百幾十年，其間政府稅制，盤數轉過幾多次？人地仍然百年如一日，辦學。咁都唔偉大，學生讀幾年書偉大D？咁學校自決轉直，小學脫龍與否，值不值得專重？邊個有資格 say no?  小學脫龍與否，也是同一教會，人地小學0k，邊個有資格 say no?

oooray

任何改變，既得利益者定一馬當先跳出來反對。

4月10日媽媽

他成日講國際學校點好點好，但問題是唔係你讀就有人收，而家俾得起錢大有人在，但國際學校一樣擇優而收！！

MC1128

oooray 發表於 15-10-28 13:45
任何改變，既得利益者定一馬當先跳出來反對。

誰是既得利益者?

babypigpig

如果直資學校是要參加DSE考試的，不是行IB，其實與津校/傳統學校無分別。我在直資中小學一條龍學校工作。見到小學生，十分開心，校內以project為主，原校升中一無壓力，但上到中學就死，雖然是直資，但不是IB，中六同學要參加DSE，所以同學中一起，便嗌哂救命，考DSE的成績當然是....
好彩是讀得直資，家庭環境都不錯，大部份同學都會到外國升學。所以問題不是直資/私校定津校，而是DSE、香港的教育制度一塌胡塗。單看每年海外升學展的人數、到外國升學的人數便知，有錢的到英、美、加，無錢的也到台灣，死未!!
教統局仲不起身，反省一下!!