咁嘅性格係咪好奇怪？

浩霆豬豬

我仔小五，就嚟十歲，越嚟越發覺佢思想好奇怪，同佢傾，佢又有自己道理，又好似佢無問題咁，但咁嘅性格第日一定無人鍾意佢。
舉例1：佢同最好嘅同學坐前後，有時老師堂上討論會分四人一組，老師問十條問題，答中一分，有四個人可以攞到四分，每人只可答一次，咁佢自己答完就迫最好嘅同學答，咁個同學係好唔鍾意舉手答問題嘅，佢會係咁迫人，迫到人就範為止我叫佢唔好咁迫人啦！佢話唔得，咁樣佢哋個組會少分，會輸㗎！佢話同學係識答，點解唔答，咁做會影響全組喎！
舉例2:最好同學坐佢後面，同學同隔離傾偈，佢會舉手告人，同學自己係書本上畫畫，佢又告人，我話都唔關佢事，佢答我佢當對方最好朋友先會告對方，咁做係為對方好，想同學專心上堂喎！

我擔心佢咁嘅性格，大大吓會令人討厭，同佢傾，佢又好有道理，我都唔知點講好！

celiakids2013

可以同老師傾，他們通常都會聽老師話

浩霆豬豬

原帖由 celiakids2013 於 15-10-19 發表
可以同老師傾，他們通常都會聽老師話

無用㗎！叫老師同佢傾佢更加唔忿氣，因為佢無錯，事實上佢真係唔算錯，不過我覺得正常小朋友都唔會咁做！

lillymarie

回覆 浩霆豬豬 的帖子

你仔的個性是「大義滅親」型的人，有時確實會忽略了人的感受。
我會嘗試用他的角度去和他溝通，不一定行得通，因為要實際傾過計才知要怎樣入手，但即管和你一齊諗下計仔。

兩個例子，你仔都覺得自己的理據很強。我會提醒他也要從尊重別人的角度去看事情。

例一，他為了讓自己那組得多點分數，迫同學舉手作答，因為他認為同學「應該」要為組出一分力。我會提醒他，是否舉手作答是同學自己的決定，我們要尊重同學有作決定的權利。同學若不舉手作答，令小組少一分，他可以感到失望憤怒，但我們只可以鼓勵不能強迫，因為我們要彼此尊重。

例二，明白他愛朋友想他好的心。但是，管理課室跌序是老師的責任，是否要罰／指責同學亦是老師的決定。他首要責任是專心上課，如果上課時經常告發同學，亦有可能阻礙老師教學，同時影响其他同學上課。他首先要盡好他自己做學生的責任，亦要尊重老師，老師好多時知道同學在做甚麼，有時會出聲指責，有時會選擇教學而不理會，他要尊重老師的決定。除非同學做了一些很嚴重的事，又或者老師請他幫忙看管。

浩霆豬豬

原帖由 lillymarie 於 15-10-19 發表
回覆 浩霆豬豬 的帖子

你仔的個性是「大義滅親」型的人，有時確實會忽略了人的感受。

多謝你意見，我仔好多時係對錯兩點上好執着，我有同佢講，佢咁做同學會唔開心，而且對方係佢最好朋友，佢會話：但係佢真係唔啱喎！，成日要分邊個對邊個錯，仲有乜都要公平

YanKanMom

回覆 浩霆豬豬 的帖子

我仔也會有此表現的，例如在校車或地鐵看見人吃東西，也會大大聲扮與家人講：「在校車/地鐵是不可以吃東西的」，其實是想話人。與同學之間的相處，他就未必次次都告予老師知道。不過，他對人一般也是直斥其非的。往好處想，是耿直﹔往壞處看，則是同理心不夠。有時他頑梗起來也很難說服他的，幸好他也肯說道理，有道理他會聽的，是很費時的。

浩霆豬豬

原帖由 YanKanMom 於 15-10-20 發表
回覆 浩霆豬豬 的帖子

我仔也會有此表現的，例如在校車或地鐵看見人吃東西，也會大大聲扮與家人講：「在校 ...

我仔唔會俾說話人哋聽，更唔會婉轉咁表達，佢會直斥其非講時仲要理直氣壯，完全唔理人感受，就算最好朋友都無面俾，有時真係怕咗佢

YanKanMom

浩霆豬豬 發表於 15-10-20 15:22
我仔唔會俾說話人哋聽，更唔會婉轉咁表達，佢會直斥其非講時仲要理直氣壯，完全唔理人感受，就算 ...

其實我仔也差不多, 話人時只按他認為有理的話人, 而忽略了別人的感受. 只是對於在校的好朋友, 他有時也會有所顧忌的, 怕太盡連朋友也無, 這可能是他的朋友很少.

浩霆豬豬

原帖由 YanKanMom 於 15-10-20 發表
其實我仔也差不多, 話人時只按他認為有理的話人, 而忽略了別人的感受. 只是對於在校的好朋友, 他有時也會有 ...

其實我仔都唔算多朋友，雖然佢同個個都有偈傾，但心裏面好奄尖，呢個又話人哋曳，嗰個又話人自私，所以真係玩得埋嘅得一兩個，佢仲要睇唔過眼就告人，真係怕佢連呢兩個都得罪埋，到時真係無朋友

Radiomama

原帖由 浩霆豬豬 於 15-10-20 發表
其實我仔都唔算多朋友，雖然佢同個個都有偈傾，但心裏面好奄尖，呢個又話人哋曳，嗰個又話人自私，所以真係 ...

所以德育和愛心故事好重要。三年前小兒的班主任已跟我説，孩子需要的不是學科/知識拔尖或增潤，而是情緒管理和同理心培育。她說理性主導/完美主義的孩子，更需要多聽心靈故事，那怕他們覺得老套。每天説、開他們眼界，讓他明白世界不是只有自己。

有同學在去年開始関心老撾兒童教育問題、也有關心在港尋求庇護人士，都是十到十一歲的資優孩子，相當不俗。

浩霆豬豬

原帖由 Radiomama 於 15-10-20 發表
所以德育和愛心故事好重要。三年前小兒的班主任已跟我説，孩子需要的不是學科/知識拔尖或增潤，而是情緒管 ...

有無好介紹？有無邊啲書可以令佢懂得明白人哋，我覺得我仔明白我講乜，但就唔明點解要體諒同學嘅錯事。

YanKanMom

Radiomama說得很對，同理心確很重要。同理心不等同情心，阿囝有同情心但同理心不夠。我自己沒有特定的故事與他說，但常跟他說他只是世界上其中一員，世界不可能圍着他轉，另會與他多談别人的感受是怎樣，當然他自覺有理時也不一定認同别人的感受如何，只相信日子有功，慢慢渗入他內心吧。另一方面，阿囝有時是透過撞板學懂如何處事為人的，那就要看看撞板的後果是否他所重視的了，即如果朋友關係是他所重視的，他就有動機檢視自己的不足。

Starrynite

回覆 Radiomama 的帖子

Radiomama - thank you for sharing. Do you mind to elaborate? What kind of books in specific? I'm afraid my child cannot read Chinese. Thank you!

hedhed

佢咁做係好黑人憎，教佢事不關己，己不勞心。

浩霆豬豬

原帖由 hedhed 於 15-10-29 發表
佢咁做係好黑人憎，教佢事不關己，己不勞心。

我又唔想咁教佢喎！我同佢講：我欣賞你真心為同學好，想佢專心上堂，但另一方面，你係佢最好朋友，你告佢佢會加倍唔開心！甚至會嬲你㗎！佢聽完就話：咁嬲我都好正常，我會同佢解釋我點解要咁做，係為佢好，等佢自己諗，如果最後都係嬲我，咁係佢問題。
事不關己，己不勞心，我覺得會教到佢好冷漠

Activehealth

我個仔同你個仔都好似，太過「黑白分明」，認為自己啱嘅野死都唔過。
晤懂得睇眉頭眼額，容易得罪人自己都唔知。
我同佢講佢又話我唔明白佢，叫我leave him alone. 真難頂！
阿仔依家見緊學校counsellor (輔導員），希望可以幫到佢，我唔駛做「醜人」，免傷母子感情。
大家繼續努力吧！

浩霆豬豬

原帖由 Activehealth 於 15-10-29 發表
我個仔同你個仔都好似，太過「黑白分明」，認為自己啱嘅野死都唔過。
晤懂得睇眉頭眼額，容易得罪人自己都 ...

咁我好啲，我仔肯聽我講嘅，不過講完到下次佢會繼續我行我素囉！

Activehealth

原帖由 浩霆豬豬 於 15-10-29 發表
咁我好啲，我仔肯聽我講嘅，不過講完到下次佢會繼續我行我素囉！



  ...

bennyeva

原帖由 浩霆豬豬 於 15-10-29 發表
我又唔想咁教佢喎！我同佢講：我欣賞你真心為同學好，想佢專心上堂，但另一方面，你係佢最好朋友 ...

可能我自己都係咁樣性格，所以搞到個女都有d似我一樣。我以前小學嘅時候見到同學默書偷睇，我係會地舉手投訴比老師聽架。當年我都唔覺得有問題喎，大大下就明白個問題係我用錯方法囉。小朋友係要係錯誤之中成長嘅，大大下就會明白點做人，我而家人緣無問題啊。

講番我個囡，佢兩歲班老師嘅comment  [ understand the boundaries set ; will let me ( the teacher) know when other children do something wrong : also shows her sympathy to the peer; always be the social girl in the class]
我想講呢d性格未必一定係壞事，老師同學都會欣賞的，你要做嘅係更加發展佢嘅同理心，教佢喺同老師舉報之前，先同同學講[我擔心你比老師罰啊，你唔好再傾計啦]之類，佢嘅正義和同理心係優點，問題係未識得用理想嘅方法，你應該指導佢用嘅方法，唔係改變佢嘅思想

bennyeva

浩霆豬豬 發表於 15-10-19 21:46
多謝你意見，我仔好多時係對錯兩點上好執着，我有同佢講，佢咁做同學會唔開心，而且對方係佢最好朋 ...

堅持己見, 重視公平, 正義, 全都是資優0既優點 , 當然0係呢個社會, 呢D優點有時會變左缺點, 你小朋友話你唔明白佢, 我可以理解, 因為當年我都覺得無人明白我, 佢0既我行我素係為左保護自己, 唔想因為其他人0既質疑/不友善 影響自己0既判斷.

如果你真係想佢聽得入耳, 首先你要真心尊重佢0既想法, 唔好一開始已經覺得佢有問題, 呢D係資優/過度敏感0既人0既特質, 而唔係"問題". 資優小朋友0既公平, 同理心比例上較多, 佢就係因為有同理心為朋友著想先至出聲. 要真心理解同意佢呢一點, 你先至有機會同佢傾落去.. 傾0既時間, 著重點先可以幫到佢個朋友, 唔好只係關注你小朋友個人0既社交. 因為佢講得出來就預左得罪人, 自己利益並唔係佢0既著眼點. 點可以真正幫到佢朋友? 方法有好多個.. 一齊思考, 一齊解決問題, 佢會覺得同你同步, 之後0既事就好辦

書本有益, 大人睇多D資優教育0既書, 希望幇到你