聖類斯中學 vs 高主教

yekat169

仲有聖類斯點講都仲係一間具歷史純英中, 地方大, 校友網絡廣, 連鄭中基, 黎耀祥, 任志剛都係校友,  純英中係保證中學六年用英文讀, 呢樣先最緊要

王家爸爸

yekat169 發表於 15-10-18 22:00
唔知高主教, 聖馬可又有幾多%入u呢?

一間學校好唔好除左睇學校, 學生叻唔叻除左都要睇學生,聖類斯每年都 ...

其實睇學校管理層、老師、校長有無心辦學更重要。除非你想插班升中四、中五，否則六年後變化可以好大，正如講股佬話，過去[股價]表現唔代表將來表現。好似六年前入港華，現在多少有些失望。相反如果今年入去，六年後可能喜出望外。

晴晴小B

原帖由 yekat169 於 15-10-18 發表
仲有聖類斯點講都仲係一間具歷史純英中, 地方大, 校友網絡廣, 連鄭中基, 黎耀祥, 任志剛都係校友,  純英中 ...

黎耀祥都無比個仔讀返佢母校。每間學校都會有興衰，而好肯定聖類
斯中已經過左佢既全盛期。

yekat169

王家爸爸 發表於 15-10-18 22:27
其實睇學校管理層、老師、校長有無心辦學更重要。除非你想插班升中四、中五，否則六年後變化可以好大，正如 ...

言下之意, 即係話聖類斯管理層無心辦學?  從可得知? 父母係校內任教? 定有子女就讀, 感同身受?  定道聽途說?

好心d人唔了解間學校, 就唔好咁多意見, 扮專家啦

yekat169

晴晴小B 發表於 15-10-18 22:40
黎耀祥都無比個仔讀返佢母校。每間學校都會有興衰，而好肯定

梁振英夠無俾佢仔返母校讀, 唔通又話英皇墜落?

晴晴小B

你上面講個幾間男校，雖然成績比會考時代有所下降，但仍然全部都係b1學校，但反觀聖類斯，已經係一間b2學校了

yekat169

晴晴小B 發表於 15-10-18 23:35
你上面講個幾間男校，雖然成績比會考時代有所下降，但仍然全部都係b1學校，但反觀聖類斯，已經係一間b2學校 ...

教育局都無公開邊間學校係Band幾, 從何得知, 唔通你係教育局局長? 抑或係教育局工作?

- 如果你係教育局工作而爆料, 即係洩密, 無野既只係無左份工

- 如果唔係, 即係自己亂作, 誹謗

晴晴小B

教育局係無將學校分級數架喎，只有學生先有得分。方間既學校級數係心水清既人用學校公佈既公開試成績同升學統計比較出來既。講真聖類斯條數真係叫唔上b1學校囉，兩成幾入u率，大約b2a啦！


你告我誹謗呀，我真係好驚喎，快啲去啦唔該。但搞清楚咩叫誹謗先啦。我見你咁鍾意聖類斯，估計你都係該校既相關人士

yekat169

回覆 晴晴小B 的帖子

既然你知道教育局無分banding，借問聲你口中的B1A點得出嚟，出自何方官方機構，有咩實際數據支持？

對於D無知，信口雌黃既人只會令人可笑

yekat169

再者我唔係聖類斯管理層，教師，或校友，我係西環由細住到大，係呢度同D老街坊講華仁，聖若瑟，喇叭，DBS好多唔會識，但聖類斯就個個都識，一間長久歷史學校服務本區七八十年。

當其他教會學校假仁假義將學校包裝成五星級學店，或巧立名目貪盡捐獻，或將校園倒賣給地産商，學校壓迫式只有測考無教書，老師又唔改功課，將教學責任推俾家長同補習社

以上就係樓上口中的B1A學校，聖類斯咁多年都盡教育者应有責任，唔知樓上那位家長係咪咁樣係無心辦學？定係教學變成一盤生意先係有心辦學，定有心歛財

係呀, 街坊個個好似呢度D教育專家, 無料扮四兩

yekat169

東區適齡學童多過中西區幾倍，資助英中數目又多幾間，中西區話有八間英中，實在只得四間，男女各二，剩四間聖保羅男女，男校，聖若瑟，高主教又直資又有直屬小學，可以講唔係藍血達官貴人都唔使諗，剩番男仔唔係英皇就係聖類斯，聖類斯算好有良心，唔會好似以上幾間包收自己小學學生，漏出好多位俾其他小學，真係聖類斯如倒下變中中，對中西區會係災難，對中下階層子弟會少左個向上流機會

hkpapa852

yekat169 發表於 15-10-19 03:15
東區適齡學童多過中西區幾倍，資助英中數目又多幾間，中西區話有八間英中，實在只得四間，男女各二，剩四間 ...

如果一間學校只杖著英中之名收取B1學生，但最後郤只能令大部份學生以非B1成績畢業，呢個先係對B1學生既災難。

hkpapa852

回覆 RoseRose1980 的帖子

高主教近兩年3322率只有78%同70%, 亦只夠膽話畢業生升讀本地專上院校有70%, 不宜太高估佢既水平

2014 DSE result:
http://www.raimondi.edu.hk/new/document/dse2014.pdf

2013 DSE result:
http://www.raimondi.edu.hk/new/document/P62013.pdf (我其實唔明點解個圖表既3322率未到80%, 但佢自己話有80%囉!)

晴晴小B

原帖由 yekat169 於 15-10-19 發表
回覆 晴晴小B 的帖子

既然你知道教育局無分banding，借問聲你口中的B1A點得出嚟，出自何方官方機構，有咩 ...

唔否認聖類斯都曾經有過一段輝煌歲月，但近十幾年公開試成績每況越下亦係不爭既事實。

一般當間學校每年都有超過60(±5)%畢業生能升讀本地政府資助學士課程，佢咪b1a囉。有50(±5%)%咪b1b囉。有40(±5)%咪b1c囉。
我覺得咁去衡量好科學化好公度。

你話中西區男生得英皇同聖類斯選，其實係只啱一半。佢哋自行收生時係可以選埋st jo同高主教。而統一派位既st jo仲有十幾個位留比中西區抽，因佢直屬位係屬於灣仔區，所以無st jo小學既畢業生同中西區爭。而高主教亦有十幾個位係中西區統一派位度。

hkpapa852

晴晴小B 發表於 15-10-19 08:54
唔否認聖類斯都曾經有過一段輝煌歲月，但近十幾年公開試成績每況越下亦係不爭既事實。

一般當間學校每年都 ...

認真去計, 適合B1學生去選而又較多學位可以俾男仔揀既, 只得KC一間, 呢個係現實

唔可以因為間學校多位可揀, 就要當佢係好野.

中西區因為聖類斯DSE表現不佳, 升中變得利女不利男呢點, 我其實近半年都有講, 只係好多人唔願意去相信

晴晴小B

原帖由 yekat169 於 15-10-19 發表
東區適齡學童多過中西區幾倍，資助英中數目又多幾間，中西區話有八間英中，實在只得四間，男女各二，剩四間 ...

你話如果無左聖類斯呢間英中，係中西區男仔既災難。我睇又未必。而家係因為有聖類斯，而將中西區既英中比率過份被高估。好似中西區啲寶校，英中比率可以有四成，你話過份嗎？好似荃灣區，一線小學都係得五成英中，二線得返三成，人哋咪又係咁。有啲學生英語水評未達標，格硬比佢讀英中，咁先至係災難。

晴晴小B

原帖由 hkpapa852 於 15-10-19 發表
認真去計, 適合B1學生去選而又較多學位可以俾男仔揀既, 只得KC一間, 呢個係現實

唔可以因為間學校多位可揀 ...

數據王

王家爸爸

hkpapa852 發表於 15-10-19 07:26
回覆 RoseRose1980 的帖子

高主教近兩年3322率只有78%同70%, 亦只夠膽話畢業生升讀本地專上院校有70%, 不 ...

呢個係我比較建議人讀高主教既原因，高主教同聖類斯收返來既學生，差別不大，但係DSE成績既差異好明顯。

hkpapa852

回覆 yekat169 的帖子

yekat169 仲有喇叭, DBS 發表於 昨天 23:12

yekat169 你咁講華仁,聖若瑟都過左高峰期, n+1咁多年都無出過狀元 發表於 昨天 23:11


yekat169 你咁講華仁,聖若瑟都過左高峰期, n+1咁多年都無出過狀元 發表於 昨天 23:11



學校有冇出狀元, 唔代表係咪高峰期已過.

好似SPCC都唔係年年有獎元, 鄧顯都只係今年先有獎元, 林護更係從未有過, 唔通佢地高峰期又過咗?

事實上, 以入U率嚟睇, 除St Joseph外, 其餘幾間你講既名校似乎的確係過咗高峰期, 不過暫時睇落LS有望今年會好轉

晴晴小B

原帖由 hkpapa852 於 15-10-19 發表
回覆 yekat169 的帖子

yekat169 仲有喇叭, DBS 發表於 昨天 23:12

林護會考時代出過狀元架