返咗2個月K1, 老師建議做評估.

taboba

我個仔係2012年9月BB. 返咗全日班K1兩個月. 頭一個月家長會面日, 老師話佢自理弱, 返學喊只係自己玩, 只玩少人玩的活動. 第二個月再話有進步但坐定定上堂時, 周圍望時常不望老師不專注. 之後便叫我們去做評估. 我想問現今幼稚園, 是否很輕易便叫小朋友做評估. 定係個老師同幼稚園有問題呢? 定係我個仔適應慢呢? 其實現正考慮係咪間幼稚園唔適合佢. 諗緊2016轉第二間重讀K1. 請有經驗的家長比D意見, 謝謝!

Angelanna37

原帖由 taboba 於 15-10-14 發表
我個仔係2012年9月BB. 返咗全日班K1兩個月. 頭一個月家長會面日, 老師話佢自理弱, 返學喊只係自己玩, 只玩 ...

其實保障自己小朋友做評估都好，因為過程係去健康院約了初步，再等排政府都要9個月至1年時間，整個程序好內，到時如果你小朋友真係無問題，佢都唔洗你去排。
因為黃金治療時間6歲前

taboba

Angelanna37 發表於 15-10-16 01:38
其實保障自己小朋友做評估都好，因為過程係去健康院約了初步，再等排政府都要9個月至1年時間，整個程序好內 ...

我們不是抗拒做評估. 但覺得老師只觀察2個月便叫家長做, 係咪快咗D? 仔仔的問題我們一早知, 2歲半左右也問過家庭醫生. 佢同我個仔做咗少少測試後話係有少少自傾, 但未返學好難講冇謂比錢做私家評估.

helenchanz

taboba 發表於 15-10-16 14:57
我們不是抗拒做評估. 但覺得老師只觀察2個月便叫家長做, 係咪快咗D? 仔仔的問題我們一早知, 2歲半左右也問 ...

去健康院轉介做.

taboba

helenchanz 發表於 15-10-16 15:09
去健康院轉介做.

私家醫生已寫紙排期了, 謝謝!

Angelanna37

原帖由 taboba 於 15-10-16 發表
我們不是抗拒做評估. 但覺得老師只觀察2個月便叫家長做, 係咪快咗D? 仔仔的問題我們一早知, 2歲半左右也問 ...

唔快了，因為你小朋友返全日班，睇到好多野!老師好好呀，好盡責任，甘快睇到，所以我先講過程比你聽，等到政府排就差唔多了，到時可能你嚴排甘內

piglet0529

原帖由 taboba 於 15-10-16 發表
我們不是抗拒做評估. 但覺得老師只觀察2個月便叫家長做, 係咪快咗D? 仔仔的問題我們一早知, 2歲半左右也問 ...

你間幼稚園好好, 其實如果有經驗的幾日便可以看出來, btw如果排政府i或s位由評估到派位分分鈡年幾兩年

taboba

今早返學又大喊了. 明天去尤德見姑娘了.  希望佢只因為係細仔, 性格內向怕羞和適應比較慢啦!

longsky

原帖由 taboba 於 15-10-19 發表
今早返學又大喊了.  明天去尤德見姑娘了.  希望佢只因為係細仔, 性格內向怕羞和適應比較慢啦!  ...

同我仔情況相似

taboba

Angelanna37 發表於 15-10-16 20:37
唔快了，因為你小朋友返全日班，睇到好多野!老師好好呀，好盡責任，甘快睇到，所以我先講過程比你聽，等到 ...

請問如果唔等政府做評估, 自己到私家做. 除咗要比多D錢之外, 還有冇其他分別. 係咪之後跟進只可到私家做, 同唔可以排政府I或S位? 我發覺囝囝返咗K1幼稚園後, 情況轉差. 唔單止成日扭計, 夜晚瞓覺不時會有夜驚, 攪到成家都冇得瞓. 早上更加唔願返學. 我上youtube睇過自閉症相關的片, 覺得囝囝未嚴重到要排政府位, 咁我應該點做? 其實會唔會關間幼稚園事. 正心大心細想轉校重讀K1. 因佢係9月出世, 覺得做超大仔可能會好D?

taboba

昨日學校去旅行唔係返學。個仔都好抗拒，一直行去課室都話唔返學。仲想喊，見到班主任仲好似見鬼咁。立即扖落大脾，好似鴕鳥咁。我覺得佢係唔鐘意加上怕班主任。上咗旅行巴，個班主任好似導遊咁，又唱歌又話故事，但個仔一d都冇反應冇出過聲。去到旅行地點，有同學仔揾佢玩。佢都係唔會同人玩，只係會同我們玩。但我發覺佢地班都有幾個唔同人玩。其實，應該
1. 繼續讀這間幼兒園？
2. 下年揾第二間重讀k1？
3. 下年揾第二間升k2?
4. 現在揾插班k1？
但我只可揾全日班，範圍又窄咗很多。很煩惱，遲早到我倆都有焦慮症。

darichie

我小朋友上年PN學期尾家長日，老師話我小朋友學術方面無問題，但社交方面發展較慢，有建議我帶小朋友去做評估，但我同我先生好抗拒。直到而家升左K1情況都係一樣，所以先的起心肝帶佢去社福機構做評估。
姑勿論你小朋友個老師係咩心態，我覺得花少少錢去求證都無壞。

taboba

咁您小朋友鐘唔鐘意返學？之前有冇諗過轉校？我個仔見到個班主任包括相，好似見鬼咁。望都唔望吓，一係縮低個頭一係合埋雙眼。但對嬸嬸同其他老師唔係。仲有成年對住佢，都唔知點捱。

Activehealth

taboba 發表於 15-11-8 08:42
咁您小朋友鐘唔鐘意返學？之前有冇諗過轉校？我個仔見到個班主任包括相，好似見鬼咁。望都唔望吓，一係縮低 ...

Deleted

taboba

去咗尤德見咗姑娘了，依家等緊初步評估。等緊通知下步係做訓練，定要要醫生作評估。如果排政府醫生要成年的話，我諗會揾私家先。如找私家的有好介紹嗎？唔方便開名，可pm我。謝謝！

skytammy

原帖由 taboba 於 15-11-08 發表
去咗尤德見咗姑娘了，依家等緊初步評估。等緊通知下步係做訓練，定要要醫生作評估。如果排政府醫生要成年的 ...

時間對佢地嚟講好重要
等政府唔知幾耐 倒不如快d出去做啦
如要排政府I/E/S位 可考慮邁X
我之前喺協X 冇轉介政府位

skytammy

同埋尤德姑娘應該有同你講大約等幾耐

Mooncake2013

原帖由 taboba 於 15-10-26 發表
請問如果唔等政府做評估, 自己到私家做. 除咗要比多D錢之外, 還有冇其他分別. 係咪之後跟進只可到私家做,  ...

老師好好，好盡責，之前既jm講得好岩，要睇既2個月都睇到，而且6歲前係黃金期。從你的回應中，看到你在逃避問題中，請不要逃避，盡快做評估，咁先真正幫到你個仔～去私家做評估，跟著真係有需要的話，你拎著評估報告再去排政府服務，輪候I/S位～咁樣，你唔使等尤德9個月時間做評估，會快d~仲有，轉左校，個仔有問題，問題亦依然存左，仲浪費左你個仔既時間。加油！

taboba

回覆 skytammy 的帖子

打咗去尤德問. 佢話要等成年喎, 要睇醫生的話三星期前才會通知. 我應該會去私家做評估先, 早D知阿仔係咩問題先. 最多政府有得見, 再見評估多次. 但其實個個去完尤德, 下步係咪都會見醫生做評估呢?

taboba

回覆 Mooncake2013 的帖子

多謝意見. 但我見坊間好多機構做評估. 花多眼亂有冇好介紹? 可PM 我.