怎知道是讀寫障礙?

vinik

細女現時3歲半, 讀緊K1, 我地發覺佢好健忘, 例如一個英文字, 剛剛教左佢, 轉頭(真係轉個頭)就唔記得左, 睇到佢好努力咁去諗但就係諗唔起。但日常生活既事又唔係咁冇記性, 有時不經意同佢講左一句說話, 隔幾日又會聽佢講返出黎。

呢個情況係疑似讀寫障礙定係專注力不足造成? 請指教。

bobo_2014

唔清楚你點教個女英文字, 3歲半都仲係好細
如果用既方法唔啱, 小朋友記唔到係好正常

jadeklleung

簡單D講係文字反轉晒: 如pqdb(可以上下倒，左右倒)。因為自然界係冇野倒轉係唔同既(一棵樹吹反左依然係一棵樹)，所以0甘細唔識係好正常。到五歲都仲係未能正確認出字母，或者學校老師提醒，就應該去做評估。

Hillkymama

同意jadeklleung .

另外, 有啲英文讀寫提議你可以訓練囡囡認字的.
1. 將英文字母編碼 (1 = A, 26 = Z), 比佢先記 No. 用No.解字碼. (e.g. CAT = 3, 1, 20)
2. 都係將英文字母編碼, 放在半圓的圖片(A-Z 左至右), 專家研究半圓比較易記)
3. 用手指記字母 (一對手一共28格,唔計尾指最後一格), 買手套或用筆寫在手上, 每格寫下一個字母 (e.g. 左手母指: 上格A,下格B, 食指:上格C,中格D,下格E, 尾指只寫 上格 L,中格 M), (右手母指: 上格N,下格O...)

試了依三個先.

專注力有另外一些訓練, 你pm我.

加油!

雲牛

剛與你遇上同一煩惱. K1, 快四歲, 老師說小朋友認唔到字母. 教完即刻唔記得.  數字識 count, 但認唔到數字.

生活事全部記得. 好煩.

MMCP

我細女K1就嚟4歲，都係認唔到字，唔識數數，剛剛去左健康院見左姑娘，而家要排期見醫生，我都好煩惱！

雲牛

健康院受理嗎？

zebrabb

樓主，那麼中文生字也認到嗎？

hysalice

原帖由 vinik 於 15-10-13 發表
細女現時3歲半, 讀緊K1, 我地發覺佢好健忘, 例如一個英文字, 剛剛教左佢, 轉頭(真係轉個頭)就唔記得左, 睇 ...

我囡讀k1,一樣有這個問題，英文，數字，中文都成日認唔到

rose-mag

其實3歲咁細，英文字數字倒轉寫係好普遍，去到五六歲都仲會有，如果7歲都係咁就真係會有問題，香港地讀書太早學寫字，識寫都未知個字點解，手指手腕又未發育已經要寫字，小朋友都好辛苦，可惜係現實要求都冇辦法。

真正讀寫障礙我見過係問同答都冇問題，但要寫同讀就唔得，好似完全唔知點埋手咁，個小朋友望住你好似發緊夢咁，但其實佢係唔可以將個意思形象化寫出嚟，見到D字又唔知點砌番出嚟再讀，但聽係冇問題，你問佢問題佢又答到，同專注力不足有唔同。

bb8886

我個小朋友5歲，寫英文字母和數字都會出現反轉過來寫！我都擔心有問題，但問左醫生，醫生話應該無問題！多d教佢同佢練習多d應該會改善！

Ryan_baba

回覆 vinik 的帖子

我接觸過一個有讀寫障礙嘅小四生, 佢唔單只成日攪錯bdpq, 有時連大細階都分唔清. 寫英文字時, 中間的字母會突然間有個大階出現

lkube

我小朋友只認到好多英文字。。中文字唔犬認得，佢高來5歲

Mabel.h2004

我囡讀3歲半讀緊 K1, 都係認唔到英文同數字，老師淨係話佢對數字比較弱，我每次教完佢，轉頭問佢都唔識答，仲要每星期都已經比佢返2堂英文班，唉！好煩！我打咗去健康院約咗時間檢查，好擔心！

Mabel.h2004

我囡3歲半，讀緊 K1,都係認唔到英文字母和數字，每次教完佢轉頭問已經唔記得，但日常生活上完全冇問題，2個月前發生嘅事都會記得！我仲每星期比佢上2堂英文班，唉！真係好煩！我已打電話去健康院約咗時間檢查，真係好擔心！

picalo

我女2歲9個月,b d 有時會confuse, p q 都有時會

但69,上下呢d字就無

我都好擔心

而家每晚放工返去密密train

kelly6688

Hillkymama 發表於 15-10-28 17:25
同意jadeklleung .

另外, 有啲英文讀寫提議你可以訓練囡囡認字的.

請問可以pm 專注力教法給我嗎？thanks