好奇問問大家自己小學時

HaYi

1) 細個小學有或無俾人迫讀書？
完全冇,阿爸阿媽番工, 小二前有去人地家庭托管,幫手埋照顧人地幾個小朋友,  小三開始是獨留在家個D, lunch,+功課 +, zz + reading + TV

2) 對小學時期的回憶是什麼?
睇卡通, 畫卡通公仔. 睇小說, 成績表老師通常是好, 不過都說好靜

3) 對當時做小學功課有什麼印象 ？
努力一早做晒可以做自己野, 有dict  就自己tape 左播番.
長期保全級頭 (2線屋村小學)

4) 你現今算讀書成績好、一般定係差
算好, 起碼幾個不同範圍的學位..


* 同依家小朋友要學好多樣野, 又番全日, 功課又多肯定不同, 不過冇人理之下都可以靠自己都算OK, 悠悠閒閒上到現時band 1中學

chanwendy

1) 細個屋企都冇理我功課, 因為父母唔識, 家姐亞哥個個顧自己功課, 除非真係唔識開聲問, 否則冇人會過問.

2) 小學回憶咪返學放學做功課溫書囉, 當然仲有一大堆校園點滴, 同學間的相處.

3) 小學功課都多, 高小都會一日 9 樣功課, 真係做到六七點要食飯先做得完, 但我又唔討厭做功課喎, 認真做完功課已等同溫了書了.

4) 成績叫唔差, 比上不足, 比下有餘嗰種囉.

而家睇亞女, 我覺得佢幸福過我千倍, 雖然某啲科目好似中英文咁比我以前深啲, 但整體功課量唔多, 至少佢唔識我都可以教佢. 默書評估又唔算多, 雖然有時會一星期評幾科, 但每科都只係2-3 課, 而且早1-2 星期已經通知, 有好充足的時間溫書.  反而我細個一年四考, 每次考試前必經中英數各4 測, 社科健經各2 測, 再每星期中默英默各一, 其實係未停過. 我女而家叫好輕鬆, 只少今日評估, 我地尋日仲可以去玩半日.

wan_sosin

你呢個討論其實都唔錯，但上EK嘅家長，相信普遍教育程度唔低，所以好似得出嚟係偏向細個無乜比家人迫，但大個都有唔錯學歷！始終以往嗰代，唔多父母有時間，有能力監管小朋友，小朋友本身資質好，或自己識諗，就讀得好囉！但其餘呢？
其實相信而家父母，點都唔會學以前咁，完全唔問，唔理，但如何適當培養小朋友，變咗有好多唔同睇法！

Feimum

贊成，時代不同，方法自然有變，不能和我們上一代比。我自己有兩個小孩，年齡相差八年，都感受到他們外在因素有很大改變。

S-Kwok

上得嚟EK, 大部分都係希望仔女好，自己諗唔到，都希望可以喺呢度揾到啱自己小朋友嘅方法幫助佢地改善成績、態度等等

傻太

1) 細個小學有或無俾人迫讀書？無人迫做功課/溫習, 但考開第一(村校), 家人&其他人(包括老師)都有期望, 望番轉頭覺得好討厭
2) 對小學時期的回憶是什麼?
行路番學, 放學仲可以睇卡通片
3) 對當時做小學功課有什麼印象 ？
功課又真係無乜印象
4) 你現金算讀書成績好、一般定係差
家人乜都唔識, 由補習老師揀中學, 入左間band 1中學, hea到大學畢業, 出黎做野再part time讀埋Master, 算係咁…

**我小朋友剛上小一, 我自己情緒都好低落, 不過主要係低估左車程遠帶來的影響; 孩子直資學校不算多功課, 但都有功課、默、測壓力; 其實我明白孩子學校的收生學術門檻頗高, 要在裡面考得前不容易, 但每次知派卷(計入名次分的task)就會在回家前有點忐忑, 一邊同自己講幾多分唔緊要, 一邊又希望佢滿分, 我都覺得自己好討厭

stockmike

我提出此討論是希望睇下大家童年功課多少及家庭態度處境點樣影響將來學業成就(真係純講學業)？雖然年代不同，但內容總有值得細味的地方。起碼至今我個人認為細個成日被逼讀書，大個變成兩極(多個學位或放棄讀書)的個案並不常見。反而從大家分享中我見到能完成大學的除了少時無被迫讀書外，也都會快手快腳盡早完成功課趕去玩，在看完後發現小時態度也肯緊要，無人唔做罰留堂都去玩，反而無逃避有計劃地去諗玩。我也明白最好的參照是剛投身社會的人，但那些人不會在此 forum 出現。

ylmanhk

原帖由 stockmike 於 15-10-12 發表
我提出此討論是希望睇下大家童年功課多少及家庭態度處境點樣影響將來學業成就(真係純講學業)？雖然年代不同 ...

明白的人有幾多？做到的很幾多？你自己也要別人認同，但你會接受嗎？？EK家長就是怪獸的多⋯ 包括自己！

MASAYA

stockmike 發表於 15-10-12 13:25
我提出此討論是希望睇下大家童年功課多少及家庭態度處境點樣影響將來學業成就(真係純講學業)？雖然年代不同 ...

其實你方向正確，不過開名 (就算只係網名) 收集資料唔會全面，真係個個讀得好？讀得唔好唔出聲咁解，你只有靠自己觀察所得，順帶一提，有種能力係成功必備而且學校唔會教，就係觀察力

傻太

stockmike 發表於 15-10-12 13:25
我提出此討論是希望睇下大家童年功課多少及家庭態度處境點樣影響將來學業成就(真係純講學業)？雖然年代不同 ...

以前課程如何可比?以前在校時間如何可比?
以前資訊如何可比?
以前學能測驗如何可比?

正如不食人間煙火既另一半產個小朋友(只因當晚小朋友夜了返, 太趕我幫忙執第二天的餐具), 我也怪獸地產番佢: 責任? 呢d叫責任? 呢d係一個6歲小朋友應該要背負的責任???

S-Kwok

其實真係無得比，只能夠憑自己嘅經驗、配以現代嘅要求去做。無論自己當年讀唔讀到書，大家都會希望可以憑自己經驗去教小朋友，或上嚟睇吓有咩啱用，大家交流吓心得

wan_sosin

原帖由 傻太 於 15-10-12 發表
以前課程如何可比?以前在校時間如何可比?
以前資訊如何可比?
以前學能測驗如何可比?

真心明白你嘅心情，小朋友係要努力學習負責任，但唔等於唔需要大人協助！
6,7歲細路仔就要時時刻刻專心認真唔偷懶，大人都做唔到。

什麼叫良好態度？幼稚園學初小課程？初小要考頭十名，做唔到叫態度差？
一星期學無數興趣班，唔想學，學唔好叫態度差？

比D空間小朋友，家長都比D空間自己，小朋友做錯一條題目，寫錯一個字，是否第日就學唔返，會唔識？我小學次次默書0蛋，唔見得我而家唔識寫字！

唔好意思，借題發揮下！

S-Kwok

原帖由 wan_sosin 於 15-10-12 發表
真心明白你嘅心情，小朋友係要努力學習負責任，但唔等於唔需要大人協助！
6,7歲細路仔就要時時刻刻專心認真 ...

態度真係好緊要，態度影響學習。
我經常會同仔講，你做到滿分但如果態度唔好，爸媽唔欣賞，相反，即使唔係做到滿分，但學習態度認真，爸媽會欣賞，而因為學習態度好，好快就會學習得更多更好。

wan_sosin

原帖由 S-Kwok 於 15-10-12 發表
態度真係好緊要，態度影響學習。
我經常會同仔講，你做到滿分但如果態度唔好，爸媽唔欣賞，相反，即使唔係 ...

態度係重要架，但態度好嘅定義要搞清楚，係小朋友已盡力，還是要做到父母要求叫學習態度好呢？

有時見D家長係要求過高，但會話係個小朋友態度唔好！

yankaka

S-Kwok 發表於 15-10-12 15:16
態度真係好緊要，態度影響學習。
我經常會同仔講，你做到滿分但如果態度唔好，爸媽唔欣賞，相反，即使唔係 ...

你做到滿分但如果態度唔好，爸媽唔欣賞，相反，即使唔係做到滿分，但學習態度認真，爸媽會欣賞，而因為學習態度好，好快就會學習得更多更好。

你呢幾句講得好好呀! 可以keep起做金句用!

S-Kwok

原帖由 wan_sosin 於 15-10-12 發表
態度係重要架，但態度好嘅定義要搞清楚，係小朋友已盡力，還是要做到父母要求叫學習態度好呢？

有時見D家 ...

係，好多父母會覺得高分=盡力=>悲哀。

RiboMM

好好生活之態度，發現有趣事物之態度，遇事幽默開朗之態度。。。。都比老老實實聽話讀書之態度更為重要，更值得培養及鼓勵。

Gooblovebb

1)細個冇被迫讀書，但會自動自覺，不過講緊係考試前
2）小學嘅回憶：睇住同學被體罰、有好多人追（柴娃娃式）、好開心
3）功課係高小會多D，但冇壓力，每日縂可落去玩同睇電視
4）小學成積係好果幾個，入到band one 中學後成績更好，喺高中全級第一，入U後first hon grad, 不過宜家做緊C9

stockmike

真係末有逆轉個案，個個仍然三歲定八十，套在而家都可能啱用。