我個仔是資優嗎？

Ethanbb18

佢依家3歲3個月，剛上k1但老師話佢唔鐘意玩學校玩具同唔鐘意同同學玩。問返個仔佢話好悶啲玩具又話同學唔叻所以唔同人玩。

再講少少細個發展：

1歳開始好鐘意ABC，每日都要玩1.5歳已經認識大小皆A-z; 20個月識主部讀出，識1-20，大部分形狀；22個月識自己切12塊拼圖；平時好喜歡畫畫，24個月識一邊畫一邊解說；26月識"加"的概念，歲開始不停發問，問人點解要食飯，食完食物去咗邊等。開始好鐘意學寫字；2.5個月識寫大部份英文字，數字1-10；依家3歳已經識加減，平時好鐘意思考邏輯玩具，例如七巧版，拼圖等，可以在短時間內(20分鐘）記到20-30個英文字，不過要以玩遊戲方式進行；喜歡閱讀，不過沒有超人認字能力，所以都是我陪讀。所以又不覺得特別叻不過講耶好老積，但因為老師的comment再加上之前他的兒科醫生有提到可能"資優"所以上黎問下有經驗媽媽。

zngo

我阿仔小二時老師話佢係資優叫我check，我完全冇諗過會係，不過K1一K3老師都覺得佢醒目，宜家諗返，我從來冇教佢中英數，亦只是小一開始學游水冇學其它，又唔使教功課，自己溫習，但佢成績非常好，老師話佢思考深層次，我一直以為比較聰明所以容易學識，個個聰明仔女都係架啦，但諗返佢BB時，4個月抱住佢一睇到一班BB賣一隻尿片廣告會笑到卡卡聲，只係呢個廣告會笑到咁，6個月想爸爸抱，攑手叫過好清楚的一句爸爸，7個月會揮手再見，1歲已可以跑，我仲以為只係佢識得快D，到小二check了係認知方面資優！你可以等到6歲去中大或資優學院checK吓

piglet0529

原帖由 Ethanbb18 於 15-10-07 發表
佢依家3歲3個月，剛上k1但老師話佢唔鐘意玩學校玩具同唔鐘意同同學玩。問返個仔佢話好悶啲玩具又話同學唔叻 ...

多留意一下, 學校通常另有所指, 我仔K1時情況和你仔一樣, 也是被老師說資優, 到現在我也不排除仔有資優, 但如未夠六歲check也不準, 實際上四歲八個月check出來是自閉譜系, 自閉譜系係一個光譜, 有嚴重的有輕微的, 高功能的自閉智力冇問題, 甚至有些有過人之處, 有的雙重特殊有資優範疇, 而自閉特徵只表現係某的固執位,人際關係差的同情緖上

Brainwave

我之前都出過post,  仔仔情況差不多，好早自己學識字母數字，差不多可以話係熱愛。

出post之後，仔仔有一排一玩磁石畫板，就要求我哋由A-Z寫一次，由1-100寫一次 (想同佢畫畫佢唔要) ，如是者兩個星期左右，佢就學咗自己寫字啦，係得K,R, 難寫d,  唔係次次寫到，基本上，佢已經識晒。(我曾試過唔畀佢寫，怕太細寫壞手，但根本係只要有機會攞起支筆，佢就會寫。)
依家2歲9個月，已經學識咗串字，無教，係睇書自己學，見唔駛睇住書都可以話A, A-p-p-l-e, apple咁。。。。
見到d唔識嘅就問，呢個係咩ABC呀？即係要我串畀佢聽。

其實佢好細個就advance好多，只係因為佢係第一個小朋友，一路以為bb係咁，直到身邊其他bb出世，一compare先知原來正常唔係咁。

有時上嚟呢度，好多人會話，資唔資優又點，都係你個仔，都係咁教㗎啦，但其實當小朋友係咁時真係會擔心㗎，我仔社交的確係弱d, 如果佢唔係資優，係亞氏保加呢？我都想早d知㗎嘛。

又或者有人會話，依定d小朋友係叻d㗎啦，呢點我都認同，但實情係，佢喺n班入面，無一個好似佢咁喎，身邊小朋友都無。

講一大堆，可能都幫唔到你，只係一見到有差不多情況嘅家長，就好想分享，因為真係唔方便同朋友講咁多，好似唔知點咁。

只可以話，你嘅心情我完全明白，但我都睇咗好多資料，真係6歲先check 係最準，所以呢段時間，只有靜觀其變。

有時間交流下啦。

Ethanbb18

原帖由 zngo 於 15-10-07 發表
我阿仔小二時老師話佢係資優叫我check，我完全冇諗過會係，不過K1一K3老師都覺得佢醒目，宜家諗返，我從來 ...

想問下你仔仔k1-k2除咗學習成績好有冇其他特質？我仔會對唔識既吔有好大學習動力，而且一講就明或記到，之前2歲多時試過用3日學識150多個英文單字，但當佢覺得識時就不願重複學習。個性固執，很有自己意見，要用好多口水先可以說服佢，對自己要求很高，只要寫得唔靚就一定要寫到自己覺得靚(但事實係可能手仔肌肉未ready )，跟住就發脾氣唔再寫。

Ethanbb18

原帖由 Brainwave 於 15-10-08 發表
我之前都出過post,  仔仔情況差不多，好早自己學識字母數字，差不多可以話係熱愛。

出post之後，仔仔有一 ...

你仔仔同我仔仔真係幾似，我開頭都以為所有bb都一樣，因為我都係只有一個小朋友，但當知道有唔同之後就開始想問下有經驗媽媽一齊交流下

Ethanbb18

原帖由 piglet0529 於 15-10-08 發表
多留意一下, 學校通常另有所指, 我仔K1時情況和你仔一樣, 也是被老師說資優, 到現在我也不排除仔有資優, 但 ...

想問下你仔仔自閉普係是輕微嗎？因為我仔仔是願意和其他小朋友玩的,不過喜歡年紀較大的，因為就算同年紀小朋友有時未必識回應佢既問題，跟住就問我嗰個小朋友係唔係唔識講吔。

piglet0529

原帖由 Ethanbb18 於 15-10-09 發表
想問下你仔仔自閉普係是輕微嗎？因為我仔仔是願意和其他小朋友玩的,不過喜歡年紀較大的，因為就算同年紀小 ...

係, CAC醫生説輕微, 但都要處理上社交班, K2初同學仔叫他仍不大啋人, 但玩玩下ok好被動, 但與大的小朋友玩完全冇問題, 大人只會話佢叻因為問既問題同睇既書都over同齡好多, 我仔鈡意認叻怕輸, 有時佢要觀察一段時間先參與小朋友活動, 上左不少社交班後程況好很多, 現在剛上小一

Radiomama

Brainwave 發表於 15-10-8 09:48
我之前都出過post,  仔仔情況差不多，好早自己學識字母數字，差不多可以話係熱愛。

出post之後，仔仔有一 ...

其實在這裡會回覆大家的都是過來人，你們的情況不多不少大家都曾經歷。

幼兒時期可以做的就是培育品德、情緒和自理能力，當然也包括社交。

認多少字、做什麼級數的數學都不重要，發揮愛的力量，教導他們尊重師長同學、關愛大自然，如果這些方面做得夠，日後更有助學業發展。

cl_kaka

Brainwave 發表於 15-10-8 09:48
我之前都出過post,  仔仔情況差不多，好早自己學識字母數字，差不多可以話係熱愛。

出post之後，仔仔有一 ...

有時上嚟呢度，好多人會話，資唔資優又點，都係你個仔，都係咁教㗎啦，但其實當小朋友係咁時真係會擔心㗎－我都有呢個感覺！

你小朋友幾歲，我小朋友6歲喇，不過我都仲考慮緊去唔去做評估好！

lillymarie

其實你們的孩子都好了不起，就算不是資優亦是學習能力好高的孩子。做父母的循這方向去學習怎樣養育孩子也是好的，不一定要有評估分數才可以開始了解的吧？

趁孩子年幼，爸媽快把握時間去看看書，聽聽講座，了解資優兒的心身靈需要。身心都健康的孩子才能發揮本身潛能，他們隨着年齡漸長，會為你們帶來不同的挑戰。不是問要怎樣培育孩子，是爸媽你們準備怎樣進修？

MewB

我個case就相反。從沒有老師話我個仔係資優，只有話佢幾聰明。我自已都無諗過佢係資優，只係因為佢有adhd symptoms帶佢去做評估去發現係資優，仲要係高度資優！我覺得佢數理和邏輯係好過一般小朋友，但又唔覺得佢有甚麼特異功能，或超乎常人奇技之類。反而佢學一般小朋友學個d興趣班就唔多上心就真。

zngo

原帖由 Ethanbb18 於 15-10-09 發表
想問下你仔仔k1-k2除咗學習成績好有冇其他特質？我仔會對唔識既吔有好大學習動力，而且一講就明或記到，之 ...

我小朋友在小一前都只有玩、玩、玩……，我們多在家玩玩具，有時去公園行山等，真係一直冇留意佢識D咩，同埋跟本我們覺得中、小讀書有排讀，所以從來冇同佢溫習。我大仔高中我們先知佢係資優生，我自己覺得，資優生係先天的，大仔成長時期我在職，所以唔多了解佢的成長轉變，細仔我自己揍大，我睇好多書同聽講座好清楚佢，發現佢天生乖巧，學習動力極高，尤其理解能力同記憶力，因為我們家重視親子時間、品行等多於學術，所以小學連考試前一日，我哋都會去行山或公園玩，不會因為考試比佢用好多時間温書，只會輕輕溫習，到高中佢哋自己會發力，大仔已經讀緊中大，所以我覺得資優係先天佔8o%，發揮才華其實係家裡培育的正確價值觀念同品行等等，成長中我們當然有擔憂+血淚！！！因為資優生確實好有自己思想同見解，家長一不小心沒有留意到佢哋成長的改變，有時佢哋好易鑽牛角尖走唔出嚟！記住，最重要培育品德同親子關係，加油！！！

zngo

原帖由 Ethanbb18 於 15-10-09 發表
想問下你仔仔k1-k2除咗學習成績好有冇其他特質？我仔會對唔識既吔有好大學習動力，而且一講就明或記到，之 ...

我細女剛讀小一，雖然佢極有資優特質，但我們不打算帶佢去check，即使幾多分都不是重點，因為最重要並不是佢有幾聰明，我對資優有基本認識，確實比較安心！你們都去聽多D講座同睇多D相關書籍，認識多D會易處理D！

Ethanbb18

原帖由 zngo 於 15-10-10 發表
我小朋友在小一前都只有玩、玩、玩……，我們多在家玩玩具，有時去公園行山等，真係一直冇留意佢識D咩，同 ...

好開心見到你哋分享，其實我覺得仔仔真係唔係特別叻，反而係老師評語令我擔心。我好想去學習多啲點教好佢，但有時候他的固執令我很累，因為他很有自己想法，當我告訴他1或2方式去解決問題時，他總是會以第3種方式去完成或解決

Ethanbb18

原帖由 piglet0529 於 15-10-09 發表
係, CAC醫生説輕微, 但都要處理上社交班, K2初同學仔叫他仍不大啋人, 但玩玩下ok好被動, 但與大的小朋友玩 ...

想問你仔仔在k2時老師有話佢不太聽指令嗎？例如可能全部小朋友都以去排隊，但仔仔還在自己位？因為老師話佢好似不太投入上課，全部人去排隊他還在自己坐位。

piglet0529

原帖由 Ethanbb18 於 15-10-10 發表
想問你仔仔在k2時老師有話佢不太聽指令嗎？例如可能全部小朋友都以去排隊，但仔仔還在自己位？因為老師話佢 ...

我仔K1時試過旅行全班做體操佢唔肯一齊做, 但學校環境佢冇乜唔聽指令, 只是K2老師同我反映有問題係因為食完飯有條菜係牙齒佢用手整完老師叫佢去洗手, 佢果刻死都唔肯

lillymarie

Ethanbb18 發表於 15-10-10 14:25
好開心見到你哋分享，其實我覺得仔仔真係唔係特別叻，反而係老師評語令我擔心。我好想去學習多啲點教好佢， ...

除了看關於資優兒的書，其它關於管教的方法也值得學習。
對着很有主見的孩子，父母要有變通力，要有幽默感。這類孩子，除了一些很重要的事，不宜和他硬拼。需要和他講道理，事先講明要求。在無關重要的事上，盡量讓他自己做決定。這樣可以減少對抗的情況，對你們的關係也會有好處。但在一些很重要的事上，要立場堅定，讓他明白你的堅持是為他的好處，這樣，他就會從心裏尊重你和信任你。

zngo

原帖由 lillymarie 於 15-10-11 發表
除了看關於資優兒的書，其它關於管教的方法也值得學習。
對着很有主見的孩子，父母要有變通力，要有幽默感 ...

zngo

原帖由 lillymarie 於 15-10-11 發表
除了看關於資優兒的書，其它關於管教的方法也值得學習。
對着很有主見的孩子，父母要有變通力，要有幽默感 ...

絕對認同！我最怕遇到權威型班主任，相信佢哋一樣都好怕遇到資優小孩，資優小孩特別唔可以接受用強權壓迫佢接受，佢哋會寧死不屈的！！！佢哋成長路上，家長真係好辛苦，好彩見到大仔大約16歲時，便可以開始好放心放手，先有D動力！！！大家一齊加油！！！