還有出路嗎？

跳跳B媽咪

回覆 natnat519 的帖子

只係荃灣區某間較多人報名讀嘅小學，並非名校。因為哥哥喺度讀，所以順理成章都報同一間。

momama

從來都冇話名校=多功課！讀過兩間名校，功課唔算多，反而見到課程編排得好，唔係跟住本書照讀。大女今年小五，英文科九月教5A，十月轉咗去5B；數學就一直會跳嚟跳去教，學校係有認真計劃過。我知道好多人話，名校d老師hea、冇愛心、教淺考深，純粹係家長課外去谷；以我所見並唔係咁，亦都抺煞咗學校老師嘅努力。

Jessy

跳跳B媽咪 發表於 15-10-17 02:37
我女讀小四，每日平均都有十樣功課，星期五就再多幾樣，今個星期默咗四次書，中英各兩次，其中三次係要背默 ...

同"拆磨"亳無分別, 點解你可以頂得順??

101315

回覆 Yanamami 的帖子

Can u pm me which school? Thanks!

Charlotte_mom

simonwan 發表於 15-10-16 20:53
香港有各類型小學給家長選擇？？？

唔好玩啦！香港有接近一千家小學，有幾多間系唔注重功課、測驗、默書 ...

如果家長又想要TRACK RECORD, 又想輕鬆, 選擇係真係好少
如果家長願意去試新出路, 肯踏出新一步, 選擇就唔止果幾間, 可能十年後香港成個局面都會唔同, WHO KNOWS?

回想十幾年前, 有幾多人敢揀港同? 肯放棄一D更穩陣OFFER, 更穩定的工作, 做隻開荒牛, 家長同老師同辦學團體都需要勇氣, 問題係幾多人肯咁做; 到而家學校做出成績了, 多人想入是一定的, 要記住, 港同的成績, 係十幾年來由一D有勇氣的家長老師同學一齊由零建立出黎的, 如果當初無人敢去試, 無人肯落搭, 就唔會有今日的港同

要揀新思維學校, 香港仲有, 例如鄉獅自然小學, 天主教總堂區, 路德會沙崙, 都係在搵另類出路的學校, 家長有無勇氣去試呢 (我唔係冷嘲熱諷任何人, 呢個係事實), 唔試又點知唔得呢? 如果家長空有怨言, 又唔願誇出果步, 一切都唔會改變

S-Kwok

原帖由 Charlotte_mom 於 15-10-15 發表
港同有默書架，不過唔多。最近收到一年班家長消息，開學1.5個月默左一次英文，默 I you they he she it:joy ...

阿仔grade 1嘅默書都係呢啲。
英默一個月一次，每次只默十至十五個生字。

S-Kwok

原帖由 Charlotte_mom 於 15-10-18 發表
如果家長又想要TRACK RECORD, 又想輕鬆, 選擇係真係好少
如果家長願意去試新出路, 肯踏出新一步, 選擇就唔 ...

通常新校冇成績，肯試嘅人唔多。

阿仔間學校唔係傳統學校，今年只係第十年，以前好少人問津，但近呢2年，越來越多人考，當然，跟多咗小朋友適齡入讀小學亦有關，但我真心覺得學校嘅教育方向很好。

MASAYA

S-Kwok 發表於 15-10-18 16:57
通常新校冇成績，肯試嘅人唔多。

阿仔間學校唔係傳統學校，今年只係第十年，以前好少人問津，但近呢2年， ...

你仔間學校我都覺得好好, 唔好問我點知邊間, 之前睇下睇下大約估到, 我都唔肯定幾時開始, 有人話中學係band2 (雖然冇公佈成績, 我都唔知d人點評估), 我覺得教得好未來升上band1唔係難事, 有人問我佢小朋友外國回流, 中文唔得所以讀緊中小全部科炒晒, 升唔到band1英中, 我叫佢升中試下妳仔個間, 如果佢仔中文唔得, 只可以揀中中就只會延續小學情況

S-Kwok

原帖由 S-Kwok 於 15-10-18 發表
通常新校冇成績，肯試嘅人唔多。

阿仔間學校唔係傳統學校，今年只係第十年，以前好少人問津，但近呢2年， ...

今年學校有一位十二歲學生以自修生身份報考數學DSE，取得5**成績。
雖然學校未如港同一樣出狀元，但我覺得只要學校嘅教育理念跟家長相符、小朋友又適合這教育制度，而自己小朋友又有幸被取錄，那怕學校未有突出成績，都值得給小朋友這樣的學習機會

Charlotte_mom

原帖由 S-Kwok 於 15-10-18 發表
今年學校有一位十二歲學生以自修生身份報考數學DSE，取得5**成績。
雖然學校未如港同一樣出狀元，但我覺得 ...

真心希望揀得呢類學校的家長，係認同呢種教學理念，願意共同為孩子而同學校合作一齊成長，而唔係因為狀元效應

piglet0529

原帖由 IloveJJ 於 15-10-07 發表
無錯，住得近啲係大人可以為細路做既事!

是的, 我仔可以比人玩多一小時就是因為六分鈡可回校, 平日都只有一個興趣班, 冇興趣班果四日五點已經完成功課, 如果冇默書仲可以去公園玩下, 就算要温默書, 晚飯後都有兩小時free time

S-Kwok

原帖由 MASAYA 於 15-10-18 發表
你仔間學校我都覺得好好, 唔好問我點知邊間, 之前睇下睇下大約估到, 我都唔肯定幾時開始, 有人話中學係band ...

咁唔出名都估到

MASAYA

S-Kwok 發表於 15-10-18 18:44
咁唔出名都估到

咁多人報都唔出名? 尤其區外

小時了了

Charlotte_mom 發表於 15-10-18 15:39
如果家長又想要TRACK RECORD, 又想輕鬆, 選擇係真係好少
如果家長願意去試新出路, 肯踏出新一步, 選擇就唔 ...

最新另類學校 - 小島學園 http://hopelandschool.org.hk/ /https://www.facebook.com/HopelandSchool

老實講，阿女睇過呢個網頁介紹，佢不知幾想去讀呀！而我都夢想學校。

simonwan

Charlotte_mom 發表於 15-10-18 15:39
如果家長又想要TRACK RECORD, 又想輕鬆, 選擇係真係好少
如果家長願意去試新出路, 肯踏出新一步, 選擇就唔 ...

其實有好多家長肯試新思維學校，我有幾個朋友最初都無想過比孩子讀國際學校，後來終于頂唔順D功課、默書、測驗，都轉佐去國際學校。要知道，新思維的直資學校間間都爭崩頭，好難入；而新思維的津校少之又少（起碼我個區系無），官校更加肯定系無，因爲所有野都要跟教育局。
點解官津學校甘少另類，唔可以怪家長，其實系因爲有了殺校呢個政策后，官津學校爲了拿資助、校長老師爲了保住飯碗，所以要逼學生考好成績；而家情況系學校同老師逼學生做功課、默書、測驗、考試，未必系家長。

而好多家長系好無辜，當初派位唔到家長話事，想走又無出路。政府呢幾年又唔想有新直資學校，有地都批佐比國際學校，普通人家真系比政府玩到謝！

唔可以話唔關政府事，教育政策越來越偏幫有錢有關係的人。

natnatbaby

我支持返全日的，半日返學，小孩只有hea在家中，吾係個個甘自律的，街童又多左，補習社又可多做幾小時生意。我囡學校午餐後都是輕鬆的活動，都有補底班，内容都是溫習下課堂的野，沒有額外回家作業。其實真係好睇學校的安排的，出路可以是轉去輕鬆的學校，保持良好心態，不要令孩子也覺得讀書條路係甘痛苦，會越來越灰，沉下去的。制度是死的，沒一個制度能滿足所有人的。人是生的，要自己去調節下。可放棄一些課外活動，正面鼓勵孩子，吃得苦中苦，方為人上人。