怪獸家長愛比拼 港媽寧做獨行俠

JWKun

怪獸家長愛比拼 港媽寧做獨行俠
(晴報)
2015/10/5





       子女的表現是家長說不完的話題。有港媽呻家長群常比較子女報讀多少補習或興趣班，直言怪獸行為難頂，寧當獨行俠。有家教會指，部分經濟拮据的家長呻有壓力，不敢「埋堆」。社工提醒，鬥分數及獎項是扭曲學習價值。


       撰文的母親說，不明為何有家長以孩子讀K1懂寫生字，每周做閱讀報告而自豪。她帶孩子上游泳班，遇上家長不斷自誇兒子有天份，對教練教學評頭品足，她坦言受不了。帖文指：「不要再畀我遇到這些怪獸，我驚有一日會破口大罵！」



意見分歧 難以搭嘴


       有過來人指，害怕跟「怪獸」打交道，形容「無家長朋友，無任何聯絡」；亦有說「怪獸」喜歡硬將個人價值套諸他人身上。「話五個月就替女兒戒片，話我遲戒片阻礙佢正常發展。又問報咗學校未，要快啲去排隊」。有人直言因「頂唔順」而索性退出聊天群組及在fb移除有關家長朋友。


       許太的女兒讀屋邨小學，接送放學跟家長閒聊時，聽聞有人幫子女報六、七項興趣班，「有些家長好誇張，我個女只學跳舞，根本搭唔上嘴。」她續指，曾有家長說不多報些活動，很難報到好中學，令她感壓力。


       灣仔區家長教師會聯會主席顧羅素君指，常見家長互相比較選擇的補習社，有些無補習的或被標籤為不合群。曾有家長呻經濟拮据，聽到別人說「咁唔得㗎喎」，感到自卑及擔心！她建議家長諮詢老師意見，了解孩子是否需要補習，「如老師都說不用，大可以此招架，增加說服力。」



家長群按背景分類


       聖雅各福群會樂寧兒童發展中心社工梁翠雲指，曾有母親訴苦說因親友及其他家長常說要「學這學那」，動搖她原來不施壓信念。「她懷疑自己是否做錯，是否無給子女最好！」幸好丈夫從旁提醒「小時候也被push得太勁，童年會不快樂」，才令太太不致墮入「怪獸」行列。


       她又指，家長群主要按家庭背景「分類」，譬如中產及基層等。若家長認為跟其他人想法南轅北轍，可找相近理念同路人，未必要做孤獨精。



基層女生入名校 母女最終傷感情


       所謂勉強無幸福，梁翠雲表示，曾有基層家長為讓女兒入名牌小學，特意在該校當校工。女兒如願升讀名校，惟母女關係愈走愈遠。「女兒漸長意識到跟同學背景相距太遠，例如同學去澳洲度假，她最遠只去澳門。連被邀到高級會所出席同學生日會，也煩惱送禮太寒酸。」女兒也為母親的校工身份感難堪，不跟母親相認。最後女生成績追不上，最終轉校。


       梁說，「有些家長甫見面就講子女考第幾、去哪裏遊學，將子女成績及獎項為自己面子貼金，而非看重德育品行，是扭曲價值觀。」加上社會趨向功利，令家長只看分數、名次及獎項，與教育原有本質相違背。

Jane1983

最後果個校工搏入名校case，可以係個女嫌棄亞媽職位卑微影衰佢，無心機讀；亦可以母慈女孝，女兒發奮讀書名列前茅，事情發展其實好睇父母點教...

YolandaTam

原帖由 Jane1983 於 15-10-05 發表
最後果個校工搏入名校case，可以係個女嫌棄亞媽職位卑微影衰佢，無心機讀；亦可以母慈女孝，女兒發奮讀書名 ...

除非天生異稟，否則基層讀名校好易因為冇錢補習，家長又唔得閒跟貼功課而跟不上，
即使小女學校都有好幾個呢啲同學，成績長期入輔導組，俾人睇唔起。

MASAYA

YolandaTam 發表於 15-10-5 10:31
除非天生異稟，否則基層讀名校好易因為冇錢補習，家長又唔得閒跟貼功課而跟不上，
即使小女學校都有好幾個 ...

你個間教淺考深，當然唔補就跟唔到
p.s. 今次我冇記錯？

YolandaTam

原帖由 MASAYA 於 15-10-05 發表
你個間教淺考深，當然唔補就跟唔到
p.s. 今次我冇記錯？

bingo, 我嗰間都咁，名校只有更深 我鄰居乖女讀st. Mary, 每年暑假日日都要去補習社谷定來年課程，真慘，暑假都冇得放

annie40

所謂勉強無幸福，梁翠雲表示，曾有基層家長為讓女兒入名牌小學，特意在該校當校工。女兒如願升讀名校，惟母女關係愈走愈遠。「女兒漸長意識到跟同學背景相距太遠，例如同學去澳洲度假，她最遠只去澳門。連被邀到高級會所出席同學生日會，也煩惱送禮太寒酸。」女兒也為母親的校工身份感難堪，不跟母親相認。最後女生成績追不上，最終轉校。
****     ****     *****
Forget about the disadvantages. We all should take time to read the bio of  our Ping Pong Queen , 邓亚萍.  She is all wrong to be a champion, and finally she is a champion.

http://www.lady38.com/interview/30051.html

Don't talk the talk, we need walk the walk.  

ANChan59

多謝分享，好有啓發性！


其實孩子的敏感度都十分重要，比家長更重要！

阿仔中一入了一間著名體藝學校，有一日我放假，約他食午餐。他帶我去一間不起眼，10元碗雲吞麪的小店。我問他真係好低，成日食？他說不是，都有食其他店，但價錢都十分相宜！點解？他的答案是同學中家境清寒普通富裕都有，我們會選擇任何人都付得起的食店，不會有人覺得不舒服。

而且不會尊登請人吃飯，除了生日，不然同學都會不舒服！

我再問，是學校教？師兄教？他說是代代相傳，最緊要是兄弟幫，柴娃娃，開心就好！邊道食？幾貴變成次要。

他的一番話，我作為成年人都汗顏！我都不一定做得到這樣細心。

123WING

ANChan59 發表於 15-10-5 15:14
多謝分享，好有啓發性！

這班年青人有同理心. 唔錯, 值得讚賞

Jane1983

回覆 YolandaTam 的帖子

屋企有資源當然好，但讀書成績好，吾一定要靠補習達到，而家internet甘勁，有心學其實好多途径。

名校崇尚excellence，如果佢成績好或者體藝叻，就吾會比人睇吾起。

YolandaTam

Jane1983 發表於 15-10-5 17:54
回覆 YolandaTam 的帖子

屋企有資源當然好，但讀書成績好，吾一定要靠補習達到，而家internet甘勁，有心學 ...

喺一般學校讀書成績好不一定要補習, 靠勤力就算不能名列前茅也一定能保持中等或中上.  但名校就不同了.


好一些名校係只靠課程嚟谷啲學生, 由於各種原因教書係十分精簡, 語文科上課內容約佔考試20%左右, 好些要考嘅topics 只派一張 worksheet 俾同學做, 做完改咗派返又唔講解, 跟本唔知錯乜.  如果同學只靠自己, 就惟有問答啱嘅同學借答案嚟抄應付咗改正, 之後再日思夜想推敲返自己點解錯.  當然如果有足夠空間咁樣做係最佳嘅學習方法, 但問題係呢啲worksheets 幾乎日日都有, 今日唔明日嗰張又返嚟, 只會好似"俄羅斯方塊"咁越堆越高.  當然可以問同學, 但當日日都唔明嗰陣, 所謂"長貧難顧"人哋又得閒答幾多次呢? 問老師咩, 頭三幾次會答你, 之後就叫你問同學或揾補習.  有啲HARSH啲嘅, 一個學生唔達標就見家長勸退, 大部份學生唔達標就召開家長會迫家長 (好唔客氣咁話家長同學生都冇鬥心...), 再唔係就全級捉落禮堂訓話....

不單如此, 課程仲係比普遍水準深兩三年.  我所講嘅"天生異稟" 就係"未卜先知"嘅能力, 即係讀小五時知道要買中二嘅中,英文習返嚟自谷, 做咗即使錯亦可以靠睇答案揣摩返個原理.......  

你可能會問, 咁唔合理點解又咁多人讀? 一方面為咗名牌, 又有人係舊生分自行入咗之後先發覺同自己當年讀嗰陣係兩回事 (有部份名校啲用家即使喺EK都好少發言)...

Jane1983

回覆 YolandaTam 的帖子

學校教只cover考試20%！？咁樣真係好有問題

skkeung

原帖由 YolandaTam 於 15-10-05 發表
bingo, 我嗰間都咁，名校只有更深 我鄰居乖女讀st. Mary, 每年暑假日日都要去補習社谷定來年課程 ...

預咗啦, 讀得名校!

YolandaTam

skkeung 發表於 15-10-5 18:50
預咗啦, 讀得名校!

成績跟唔上, 體藝冇天份, 家長又因面子唔搞轉校, 又或者附近學校唔收而轉唔走嘅同學就最慘, 成日俾人睇唔起.

YolandaTam

所以作為家長, 必要時要放下面子, 以免悲劇發生.  真的不想再見"空中飛人" 了!

shadeslayer

原帖由 YolandaTam 於 15-10-05 發表
成績跟唔上, 體藝冇天份, 家長又因面子唔搞轉校, 又或者附近學校唔收而轉唔走嘅同學就最慘, 成日俾人睇唔起 ...

咁係選錯校。

不過挾名校之名，找不到學校轉就多是不願舒尊降貴，藉口矣。

YolandaTam

shadeslayer 發表於 15-10-5 19:41
咁係選錯校。

不過挾名校之名，找不到學校轉就多是不願舒尊降貴，藉口矣。

仲有係成績差到好難有學校收 (也許只有他區寶校肯收)  

ANChan59

小學定中學？

中學我覺得ok ！

YolandaTam

ANChan59 發表於 15-10-5 20:56
小學定中學？

中學我覺得ok ！

小學

hkpapa852

YolandaTam 發表於 15-10-5 21:40
小學

驚日後D學生升中成績唔理想？反正佢一向唔會公佈呢D資料，差咗都無人知，甚至無人信，繼續俾人封為神校。